لجل عين اهد ديار

36

بستعجله ما لقيته شفت الورقة و قريتها محتواها انه راح بعيد و ما بيرجع إلا بعد فترة طويلة و هو ما وده بذي الزواج رغم انه والله اهو الي قالي و أصر عليي إلا أخطبله منيرة
بو لؤي بعصبية : اطلع برا ولا أشوف وجهك لا انت و لا عيالك و لا تسوون ظفر بنتي كنت بغلط وبعطيها لواحد عديم الرجولة و بنتي ما تستأهل إلا الرجال يلا برا
طلع خالها و اهله وهو متفشل و لمو اغراضهم و راحو مكان بعيد لفترة اما منيرة رجعت مستغربة و هي تشوف نفسها فالمراية كانت بكامل زينتها لانه كانت بتكون ملكة و عشاء و ياخذها معه لفت برعب على فتح الدريشة و الورقة الي طاحت منها لفت للباب و شافت ان الكل مشغول مع ابوها يهدونه تقدمت بخوف تاخذ الرسالة من الارض و رفعتها تقراها و كان محتواها ( انا شاريتس و باغنتس و مستحيل اخلي اي احد غيري يآخذتس يا انا ياولا احد و بكرة بجيب امي و ابوي و نجي نخطبتس من ابوتس. . . ثنيان ) توسعت عيونها بصدمة ثنيان !!! كيف ؟؟؟ لفت على صوت اخوانها و خبت الورقة بسرعة قبل لا يشوفونها
~ بعد يومين ~
دخلو قايد و عياله الثلاث ماجد و ثنيان و احمد و جلسو عند بو لؤي
نطق بو ثنيان : مالك فطويلة يابو لؤي نحن جايين نخطب بنتكم منيرة لولدنا ثنيان على سنة الله و رسوله
فرح بو لؤي و هو يعشق ثنيان عشق : ونعم والله بثنيان رجال و ما عليه الكلام وابد انا موافق
تنفس ثنيان براحة ولف على عمه الي كمل : وابد خير البر عاجل نروح نجيب المليج ونملك وياخذها
بو ثنيان : ابد يا بو لؤي الي تشوفه
وراح لؤي يجيب المليج و جا ملك عليهم و صارت منيرة حرم ثنيان بن قايد و خلص وراح و سوو عشاء عزمو فيه الكل و آخر الليل خلصو اخذ ثنيان منيرة وراحو الفندق و من باب الفضول سالته منيرة : انت السبب بانه سالم هون ؟؟
ثنيان بابتسامة جانبة :شكلتس ما قريتي راسلتي قلتلتس يا انا يا ولا احد
ابتسمت منيرة بخجل
< انتهى الفلاش باك>

وابتسم ام هذال : وهذي هي السالفة كلها
ناصر و هو موسع عيونه : اخس يبه طلعت مب هين
ذياب و هو يضحك بصدمة : والله ما توقعت قلت الحين بتقول يمه زواج تقليدي طلع في اكشن
هايف بابتسامة : والله صدمتني يا عمي
ابتسم بو هذال و هو يناظر ام هذال و هو مستحيل ينسى ذاك اليوم ابد ولف على العيال : اهجد انت وياه
ضحكو كلهم ولف نايف : يبه لا تقول انت بعد متزوج انت و عمي جعله الجنة باكشن يلا غرد نسمع
ضحك بو ضاري : لا تتحمس يا ولدي انا وعمك الله يرحمه زواج تقليدي يدتك هي الي اختارتلنا
كشر نايف ولف يكمل فر القارورة وجت على ميرة ابتسم وناظرها : يلا يا بنت العم اختاري
ابتسمت ميرة ولفت على الكل ورجعت لنايف وقالت بعبط محد يفهمه غيرها و غيره اما الباقي بيحسبونه سال عادي : تمام بما انك متحمس بزيادة يولد العم نسألك انت
رفع حاجبه نايف بذهول و هو ما توقع بس رد عشان محد يطيح عليهم : الله يستر ها وش عندتس ؟؟؟
ميرة رفعت حواجبها : المهم صبر خل آفكر بسال يحشرك دقيقة
ضحك عبدالرحمن : الله يعينك يولد العم طحت فيدين ميرة مين يفكك
ابتسم نايف و هو فداخله يقول " ومن قالك ابغى حد يفكني " : ها يلا ما عندتس سال نكمل
ميرة : لا تحاول ما بتهرب صبر شوي
ولفت على مهرة تتهامس معها على السوال
لف بو ضاري الي مبتسم على بو هذال : لا بنتك ناوية على ولدي دامها طولت
ابتسم بو هذال و مارد عليه و هو يشوف بناته
ولفت عليه : طيب يا ولد العم جاهز ؟؟؟؟
نايف ابتسم ابتسامة جانبية : الله يستر سمي بنت العم
ميرة بابتسامة : رحمتك خلاص بسهلها عليك ، وش الشي الي يثير فيك الغضب لحد الجنون ؟؟؟
ابتسم نايف : لما حد يتعدا و يوصل لأملاكي الخاصة
ميرة ماتت وهي فهمت قصده بس عشان تبعد الشك فتحت عيونها بذهول : وي انت عندك املاك ؟؟؟؟؟ ما تشاركها يعني ها عمارة ؟؟؟ بيت ؟؟ قصر ؟؟ وش فيك بخيل كذا عفانا الله عمي الصراحة ما توقعتها منك وانا اقول ان مافي منك طلع عندكم املاك و خاصة بعد ؟؟؟؟
ضحكو كلهم على ردها و ضحك بو ضاري : اهجدي يا بنتي ترا ماعنده إلا ثوبه
ولفت عليه بطرف عين : مالت اجل أملاكي الخاصة و من هناك خرطي لو ادري ما تعبت نفسي و سالت
ورجعت تعدل جلستها و هي بتموت من الخجل الي نجحت في انه ما تبينه لكن هي و نايف و مهرة و هايف هم الوحيدين الي يعرفون المعنى ،الي بيسمعه بيصدق انه املاك لكن قصد نايف أملاكه الخاصة هي ميرة بحد ذاتها الي بيقرب منها بيلعن شكله و محد متوقع وش ممكن يصير أصلا
وكملو لعب و هم يضحكون من الاسئلة و الاجوبة