لجل عين اهد ديار

18

<< فالمركز >>
دخلو متعب و ابو متعب و وقفهم عسكري : من انتم ؟؟
متعب بقلق : انا متعب بن ماجد و اذا ابوي ماجد بن قايد وصلنا اتصال لازم نحظر لاخوي كاسر
عسكري هز راسه : تمام تعالو معي
مشو خلفه لمكتب هذال الي كان يدور فيه من غضبه و عصبيته الي مات الين ما هدت تكة يقدر يتفاهم ويا اهل المروجين
دخلو متعب و ابو متعب و شافو هذال معطيهم ظهره
ابو متعب : هذال
لف هذال على عمه و ولده و هو هذا اللقاء الي ماكان يبغاه يجي
تنهد وجلس على كرسي مكتبه و اشر لهم على الكراسي المواجهه له : تفضلو اجلسوا
جلسو و نطق ابو متعب : خير يا ولدي شصاير و ليه كاسر عندكم ؟؟
تنهد هذال و هو يحاول يخفف شدة نبرته لاحترام عمه و تخفيف صدمته : شوف يا عم اليوم كانت عندنا مداهمة لمروجين مخدرات وكانو تحت المراقبة من سنتين من ضباط قبلي و الحين انا و مهمتي امسكهم
متعب : طيب ؟؟
هذال : و وقت المداهمة كان واحد منهم كاسر
متعب وقف بطوله : وشو ؟؟ وش تقول انت
ابو متعب توسعت عيونه : كيف كيف كاسر واحد منهم كاسر و مخدرات كيف هذال اكيد في شي غلط
هذال مسك نفسه : ادري انكم منصدمين و مستحيل تتوقعونه منه
لف هذال شاشة الابتوت لهم و هو يوريهم فقط وقت مسكتهم له وانه بينهم و بعدها وراهم ملفه و اسمه كان مدروج من سنتين تحت اسماء اكبر المروجين الماهرين
ارتفع ضغط ابو متعب من هول الي عرفه للحظة هو كان يتفاخر بولد كيف الان ما يقدر يناظر بوجه حد من العار الي حس فيه و اغمى عليه من صدمته و قهره
فز له هذال و هو يفتح ازرار ياقت ثوبه و متعب يشيل الشماغ و قام هذال و طلع يطلب الاسعاف لعمه و ماهي دقايق وصلت الاسعاف و اخذت ابو متعب الي عيا يقوم و راح معه متعب و هو خايف من طيحته و رجع هذال لمكتبه و جلس على الكرسي و رجع بظهره و هو يغطي عيونه بايده من الصداع الي يحس فيه

<< فبيت ابو ضاري >>
دخلت و هج و هي تنزل نقابها و عبايتها و زفرت براحة عظيمة و دخلو بعدها ضاري و نايف بالشنط و كانو الباقي جالسين و ناظرو باستغراب
ابو ضاري : عسى خير يبنتي وش الي رجعتس ؟؟ و بعدين شهالشنط الي تسحبونها ؟؟
ضاري : والله مادري دقت عليي وهج و رحتلها و رجعت معها باغراضها
نايف جلس بتعب و هو يشرب مويا : يلا انطقي شصاير
وهج و تعتدل: تمام 
ضاري جلس و الكل لف عليها
وهج بابتسامة : بتطلق
الكل انصدم و ابو ضاري عقد حاجبيه : هاا؟ وش تقولين انتي ؟؟
وهج تنهدت : اسمعو بقوللكم كل شي صارلي من بعد عرسي للان لاني خلاص تعبت
و الكل يسمعها باهتمام و بدت وهج تقوللهم كل شي من شهر العسل و كان يضربها و يعذبها وانه يتعاطى و يسكر و هو ما يشتغل فشركة هو رئيس عصابة مخدرات وقالت لهم عن المكالمة انه اخذها بس عشان ما يقدر هذال ياخذها و كيف كان يعاملها و كان يغيب بالايام و كل شي بتفصيل تحت صدمت اخوانها و ابوها وخاصة من بكاها و هي تحكيلهم الي كان يصير و انها كانت تغطي كل الكدمات الي على جسمها عشان محد يشوفها و الحين جاء اتصال من المركز لعمها ماجد و طلبو حضورهم هو و متعب لانهم ماسكين كاسر و اكيد كشفوه و مسكوه