<< بيت ابو هذال >>
طلعو العيال يجلسون مع ابوهم و انهم ينتظرون الفطور البنات يجهزونه
ذياب : اقول ناصر انا بروح الاسطبل بعد الفطور على طول بشوف شغل العمال و بجيك عليه و برجع تمام
ناصر هز راسه : خلاص تمام
ابو هذال : لا ناصر بيبقى اليوم فالبيت ولا ناسين ان اليوم ملكته ؟؟؟؟
عبدالرحمن : لا يبه مانسينا
ابو هذال : ناصر
ناصر : سم يبه
ابو هذال : بعد الفطور بتروح مع امك و خواتك السوق تخلصون كل التجهيزات الساعة خمس بنروح لبيت عمك من اهناك بنطلع لصلاة المغرب و بعدها نرجع ويا المطوع و نملك
ناصر بابتسامة : ان شاء الله يبه
ذياب و هو يخبط على كتف ناصر : الله يتمم لك ياخوي
ناصر بفرحة : امين
جو البنات و مدو السفرة و حطو الفطور و رتبوه و دخلو يفطرون مع ريوف و العيال يفطرون مع ابوهم و امهم و يتكلمون على ترتيبات الخطبة و عزيمة العشاء الي بيسوونها
هذال كان نايم و تعدل على جنب و شاف الساعة كانت سبع فز من مكانه و هو تاخر فالنومة و اكتشف انه سكر المنبه و من التعب كمل نوم ركض للحمام ( عزكم الله ) و الكل كان يناظر باستغراب خلص و ماكان في وقت يسبح اتغسل خلص و رجع غرفته بسرعة لبس سريع سريع بدلته و اخذ مفاتيحه و بوكه و طلع يركض الكل كان يفطر
ابو هذال باستغراب و هو يشوف هذال يركض بيخرج : هذال !! على وين و ليه تراكض من صباح الله ؟؟
هذال باستعجال : يبه تاخرت على دوامي و راحت عليي نومة و عندي شغل مهم متاخر يلا مع السلامة
وطلع بسرعة و لا اعطى احد مجال يقول كلمة لانه متاخر و باقي دقايق بس ويوقع تحت الخط زاد سرعته و وصل فدقايق و على اخر لحظة وقع فوق الخط و هو يلهث
ضحك عليه زميله خالد : هد هد خذ نفس خذ نفس اجلس
جلس هذال و شرب علبة مويا كاملة دفعة وحدة و عطا خالد نظرة على جنب و طلع لمكتبه و هو يمسج راسه من الصداع الي اجتاحه فز على دخول اللواء و دق له التحية
اللواء : استريح
استراح هذال : سم طال عمرك
تقدم اللواء و حط ملف على مكتب هذال : هذي هي القضية الي بتمسكها ابغاك تحلها و تقبض على هالمروجين عندك اسبوع يا عقيد هذال و في تسجيلات عندنا تقدر اتشوفها و عندك الصلاحية الكاملة بالتصرف و انا واثق فيك وانت قدها ان شاء الله
هذال خذا الملف : ان شاء الله ابشر بالكثير اسبوع و هم بين يدينك
ابتسم اللواء و لف بيطلع : بتوفيق
دق التحية هذال و استراح بعد كلمة اللواء و جلس على مكتبه يقلب بالاوراق ويدقق فيهم و طاحت عينه على اسم احد المروجين ( كاسر متعب قايد ال ***) طارت عيونه بصدمة وفي داخله : كاسر ؟؟؟ كاسر ولد عمي متعب؟؟ مستحيل كيف كذا يروج مخدرات وهو من اذكاء المروجين رجع ظهره للخلف و هو مو مصدق ابدا مب قادر يستوعب جت للحظة فباله وهج كيف بتتحمل ذي الصدمة زوجها مروج ممنوعات ؟؟؟ كيف ام متعب و ابو متعب بيتحملون هذا كله لكنه قسم و قال كلمة ما يثنيها الشغل شغل و قرر يمسك كاسر يعني يمسكه رجعت فذاكرته لما سلم عليه وشم ريحة غريبة ماكانت عطر و الحين تاكد انها ريحة ممنوعات
قام و وراح لغرفة التسجيلات و اخذ التسجيلات و ظل يراقب و يكمل شغله فالتحقيق و هو ناسي صلة القرابة و الاهل و بيتم شغله و هو وصل الكره فيه لكاسر السماء
أنت تقرأ
لجل عين اهد ديار
Romanceخيال يحب بنت عمه لكنها تنفر منه من الصغر لكن لما يكبرون . . . الكاتبة : فطيم ✍🏻 روايتي الاولى اتمنى انها تعجبكم
