لجل عين اهد ديار

5

<<في البيت ابو ضاري >>
وهج جالسة بملل اشتاقت لريوف وهي الحين بروحها فالبيت دق جوالها شافت الي داق ( كاسر) ردت بوناسة : دقيت فالوقت الصح لان حدي طفشانه
ضحك كاسر : زين نخرجك شوي من الملل يقلبي
وهج بفرحة: تدري ان الين الحين مو مصدقة انك تقدمتني و ملكنا واحس تكة و اصيح والله
ابتسم كاسر بحب : حمدالله ربي استجاب دعواتي و كتبتس من نصيبي
وهج وهي ترد شعرها ورا اذنها : حمدالله طيب وش تسوي الحين ؟!
كاسر : والله جالس فغرفتي بعد شوي بطلع مع اهلي نبدا ناثث غرفة الآنسة وهج
ضحكت وهج : عاد ها نقي لي شي حلو مو شي خايس مثل وجهك
عدل ظهره كاسر : اعقب!!! انا وجهي خايس
وهج وهي ميتة ضحك
كاسر هام فضحكتها : اخخخ بس ضحكتس وش تسوي فيني
وهج بخجل : طيب امي تناديني بروح و بينا اتصال
كاسر : تمام يروحي انتبهي لنفستس طيب
وهج : من عيوني
كاسر : ابوسهم وسكر
وهج طلعت لامها : نعم يمه
ام ضاري : يلا يا امي يلا بنروح نجهزتس لزواجتس
وهج بخجل : طيب
وراحت لبست عبايتها و نقابها و ركبت مع امها و اخوانها وابوها و اتجهو للمول

<< فبيت ابو هذال >>

كان ابو هذال جالس ويا ام هذال فبيت الشعر و يسولفون ناصر دخل وقال : السلام عليكم
وردو عليه و عليكم السلام
ناصر : ترا عبدالرحمن يسلم عليكم كلمني و ما طول و يقول قريب انشاءالله بيرد
ابو هذال : الله يسلمه و يوفقه
ناصر ناظر فمهرة الي كانت ضايقة و متوترة و تناظر الباب تنتظر رجوع ميرة ضاق عليها وراح و جلس جنبها و حضنها من جنب و شد عليها يطمنها انها بخير ولفو على الباب وصولهم فزت مهرة تناظر ميرة على عكاز و رجولها متجبسة ويدها ملفوفة انهارت تبكي راحت و حضنها و تتاسف منها بكلمات مو مفهومة هذال خاف على ميرة عن تتعور اكثر لانها كانت تبكي من الالم فسيارة طلب من مهرة تخف شوي و تبعد لكنها رفضت رجعت حاوطتها ميرة و هي تبكي لكنها ما تقدر تزعل على اختها : انا مو زعلانة منتس بس عورتيني بكلمتس الله ياخذتس للحظة حسيتس تكرهيني
مهرة وهي تبكي : والله اسفة والله ما اقصد مو من قلبي والله انا اسفة انسي اكرهتس انا من لي غيرتس ورجعت حضنتها بس بخفيف عشان ما تتعور
قامو ابو هذال و ام هذال بصدمة و تقدمو بخوف : خير شصاير، شفيها رجلتس
ميرة ما تبغى ابوها يعرف لان بيضرب مهرة : يبه مهرة كانت تنظف وقالتلي انتبه الارض خرسة من الماء لكن انا ما انتبهت و كنت راكضة ابغى شي بسرعة و تزحلقت وضربت حد السرير بالقو و ظهري لكن حمدالله شي بسيط
مهرة ناظرت كيف ميرة ما تبغى تقول الحقيقة ابتسمت بضيق و قادتها تجلس و جلست قدامها وقالت : من اليوم ما تشتغلين انا بسوي كل شي انتي ارتاحي طيب و اكلتس بيوصل لعندتس واذا تبين حاجه ناديني ما تتحركين !! طيب
ميرة ضحكة بدموع : طيب
قامت مهرة تجيب عصير لاختها و الكل جلسو وسوالف الين المغرب

_بعد صلاة العشاء _

<<في بيت ابو متعب >>
دخل كاسر قبل الكل بتعب و صداع و ارتمى على اقرب كنبة: خلاص بس صدعت تعبتتتتتتت
دخلت الجوهرة تضحك: ياحبيبي يا كاسر ترا ذا اول يوم
وجت غلا من وراها وغمزتله : ماشفت شي تحمل
ضحك بخفة عليهم و حط يده على وجهه وغمض بتعب يحلم بايامه الحلوة مع وهج ودخلت ام متعب غرفة كاسر مع البنات يشوفون النواقص و يخططون للديكور الجديد وبعدها الكل سكن فالبيت