لجل عين اهد ديار

27

الساعة : ويييي ما حسيت بالوقت يبه يلا جاية
طلعت مع ابو ضاري الي يضحك : وكيف بتحسين و انتي مقابلة الرواية باندماج
وهج ضحكت : والله يبه الرواية تجنن وش اسوي
وتقدمه من امها تبوس خذها وجلست جنبها و تبدا تفطر
نايف بطرف عين : ترا يبوسون الراس ماهو الخد للمعلومة
وهج ناظرته و بلعت اللقمة و تقدمت تبوس خد امها الي ضحكت على طول مرة و مرتين و ثلاث
<< بيت مجهول >>
كانت منسدحة وتفكر بكل الي يصير ولا هي عارفة جدتها وش ناوية عليه
دخلت سحر و جلست قدامها و كانت تاكل تفاح لفت عليها : فاتنة !!
ماردت وكانت سرحانة
هزت يدها : يووو فاتنة
لفت فاتنة عليها من انتبه لوجودها : وش تبين ؟؟
سحر : وشفيتس سرحانة ؟؟!
تنهدت فاتنة و عدلت جلستها : والله مدري افكر بكل شي يصير و المشكلة ان جدتي ما توضح لنا كل شي بتفصيل افعلو سوو روحو تعالو
سحر وهي تقضم من التفاحة : والله مدري عاد اهم شي ان تزوجني واحد مزيون
فاتنة : طيب خلنا نتكلم بالعقل طيب
سحر : طيب ؟!
فاتنة : ما تخافين بعد كل ذا يعني انتي تتزوجين و انا اتزوج منهم و نعيش معهم مدة وبعدها ؟؟ الكل بيتاذى وبعدها ؟! بتسحر الكل وبعدها ؟!
سحر ما ردت وهي تفكر بهالكلام ولا كان عندها رد اصلا
كملت فاتنة : بيجي يوم ينفك السحر هذا وبعده ؟؟ وش بيصير ؟؟ ماراح نستفيد شي صح ؟!
سحر ناظرتها ولا ردت
تنهدت فاتنة بتعب : والله تعبت من التفكير جد
سحر : طيب ريحي بالتس ولا تفكرين وخلاص
فاتنة : تتوقعين وش بتكون النهاية ؟؟
سحر رفعت كتفها بمعنى مدري و كملت اكل التفاح ورجعت فاتنة تنسدح وهي تبغى تنام
<< بيت بو هذال >>
كل مجتمع يفطر ويسولف
عبدالرحمن: يبه
بو هذال : نعم
عبدالرحمن: كلمت عمي بعد الصلاة عن الكشتة ؟؟
بو هذال وهو يتذكر: الله يذكرك بالشهادة والله اني نسيت لكن كذا كذا انا بعد الفطور بروحله و بقوله و نحدد يوم
عبدالرحمن: زين اجل
وثواني دق الجوال الارضي قام ناصر ورد : الو
حليمة : سلام عليكم
ناصر ماعرف من : وعليكم السلام ، من معي ؟!
حليمة : انا حليمة بغيت مهرة و لا ميرة لاهنت موجودات ؟؟
ناصر : اي اي دقايق ولف على ميرة و مهرة : تعالو ذي حليمة بنت جارنا تبغاكم
فزو بسرعة واخذو
ميرة : الو حليمة
حليمة : هلا هلا اخباركم ؟؟
مهرة : بخير الحمدالله انتي طمنينا عنتس اخبارتس ؟! وين اختفيتي ؟؟
حليمة : والله اني مشغولة مع زوجي
ميرة : بشرينا كيفتس معه ان شاء الله كل شي تمام
حليمة رفعت حواجبها : اي تمام تمام
ناظرو بعض ميرة و مهرة باستغراب من نبرة الصوت ورجعو لها
مهرة: حمدالله اجل بغيتي تكلمين اهلتس ؟!
حليمة : لا لا انا داقة اقولكم كلمتين و اسكر
رفعت حواجبها مهرة : امري ؟!
حليمة بدلع مستفز : بغيتكم توصلون خبر لاهل البيت ذاك ان ماعاد يدقون عليي ولا ابغاء اصلا اشوفهم فحياتي لمًا اغتناء زوجي حبيبي صارو يعرفون اختهم
ميرة عقدت حواجبها : ونحن وش لنا دخل تبغين ردي عليهم وسمعيهم هالكلام
حليمة بكره و حقد: لا يروحي انا داقة عليكم اقولكم لا عاد تدقون على رقم البيت يلي مو شايفات خير تبغون زوجي يرد عليكم مثلا ؟؟؟
مهرة تنرفزت : نعم اختي شهالاسلوب ؟؟ وبعدين ذي يزاتنا ندق نطمن عليتس ؟!
حليمة بغضب وصراخ : لا يقلبي انا عارفة نيتس انتي و الي معتس ترا عارفة طينتكم من عرفتو حبيبي زوجي استغناء قمتو تدقدقون عشان يرد و تتلصقون فيه يبواغات الرجال
ميرة هنا ما قدرت تمسك اعصابها صرخت لدرجة ان الكل الي على السفرة لفو عليها باستغراب و كان هذال توه داخل لف عليها ورفع حاجبه باستغراب : يا قليلة الحياء يلي ما تستحين حبيبتي نحن بنات رجال متربيات يا حيوانة
مهرة بعصبية وحدة : صدق انتس ما تستحين ولا يثمر فيتس الخير ترا لو مو احنا و ابوي كان رحتي بخلاجينتس يا قليلة الادب هذا يزاتنا لكن صدق ان نحن الغلطانين الي رادين على امثالتس يا كلبة
وسكرت الجوال فوجها قبل لا تتكلم
بو هذال وهو عاقد حواجبه : خير ان شاء الله ؟؟؟! شصاير ؟؟
مهرة بعصبية : الكلبة ذي داقة تقول عنا بواقات رجال ؟؟
ميرة بنفس العصبية : وان نحن ندق نبغى نتلزق فزوجها وان نحن كذا طينتنا
مهرة : اخخخخخخ كلبة والله ليتها قدامي لا ادوس ببطنها الحيوانة
ميرة وهي تفور : صدق هالاشكال ما يثمر فيهم الخير ابد
ام هذال شافت كيف الكل عصب وهي بعد مارضت لكن هي بعيدة و لمن بيشكون اخوانها مثلا ؟: خلها عنكم يمه كل من له يوم و يطلع على طبيعته انسو خلاص وهي بعيد وش بتسوون حتى ما نعرف مكانها انسوا اسفهوها
ميرة : يمه والله تقهر انتي ما سمعتي كيف تكلمنا و كيف اسلوبها ؟؟!
ام هذال : ماعلي يمه هي غيرانة انكم احسن منها خلها عنكم تعالو كملو فطوركم
مهرة : ما ابغى فطور سدت نفسي عن الاكل الله يسد نفسها
وراحت للغرفة بغضب
ميرة وهي تلحقها : ولا انا حسافة فيها فزتنا والله
دخلت الغرفة و سكرت بابها بقوة
استغفرت ام هذال ولفت للباقين : استهدو بالله و استغفرو ربكم و كملو ما عليكم
بو هذال و هو يحاول يهدي اعصابه وهو ما رضى على بناته ذا الكلام هز راسه و هو يستغفر
تقدم هذال وجلس جنب ناصر : سلام
الكل : وعليكم السلام
ذياب : خلصت شغلك ؟!
هذال و هو يبدا ياكل : لا والله لكن برجع لهم بكرة الصباح
هز ذياب راسه ولف على سال بو هذال : متى رحت انت ؟! قالي ذياب الفجر انك بالدوام لكن ما شفتك تطلع
هذال : اي يبه بعد ما وصلت وهج للبيت وقلت بلف شوي فالديرة وبرجع انام لكن دق عليي خويي سعود ان في شغل واجد مهم لازم اكون متواجد حالا وهو جايلي لان قد دقلي قبلها و ما انتبهت لاتصاله وقالي انه قريب مرني و رحنا
هز بو هذال راسه : ومن ردك ؟!
هذال وهو يشرب الحليب : هو نفسه سعود
عبدالرحمن : اجل ليه ما دخلته يتقهوى ؟!
هذال : قلتله لكنه حلف عليي بيروح يريح و ينام وقال ان شاء الله المرة الجاية يجي ويسلم عليكم و يتعرف عليكم ولا قدرة اغصبه لان جد تعبنا امس
بو هذال : خير خير ان شاء الله
ام هذال : وانت الحين بتنام يمه ؟؟
هز هذال راسه : اي يمه بموت من التعب ما اشوف قدامي بريح شوي صحوني لصلاة الظهر
هزت راسه ذياب : ماعليك رح و نام و ريح انت بصحيك
ابتسم هذال له و قام : اجل تصبحون على خير
ناصر ببتسامة : اي تصبحون على خير و الشمس حرقتنا مع ذا الصباح
ضحك هذال ودخل بدل ملابسه وراح المقلط و على طول نام بدون ما يحس على نفسه
وبعد دقايق دخل ذياب و شافه ابتسم و سكر الستاير و شغل المكيف و غطاه عدل وسكر الانوار و خرج وخلها يرتاح
بو هذال : يلا يلا كل واحد على شغله و روحو افتحو المحل
العيال : ابشر
وطلعو للمحل
لف بو هذال على غرفة البنات و مشى لهم فتح الباب و دخل شاف كل وحدة منسدحة على سريرها بضيق ابتسم و تقدملهم : يلا قومن ولبسو وروحو السوق و اشترو يلي بخاطركم
وطلع بوكه و عطاهم الف ريال و حطها على سرير ميرة : يلا قسموها ما بينكم وبعدها روحو المحل و خذو القطعة الي يحبها قلبكم و لا تنسون اختكم جميلة بعد جيبولها قطعة
فوز ميرة و مهرة وهم يحضنون ابوهم و يبوسون راسه و يعرفون انه مستحيل يرضى على زعلهم و يدفع عمره كله بس ما يشوف الضيق بعيونهم
ميرة : ابد الحين نروح
وفزو يبدلون ملابسهم و يطلعون
ولف بو هذال على غرفة جميلة دق الباب و دخل يشوفها نايمة عدل لحافها و طلع يخليها تكمل نوم و طلع يمشي لبيت بو ضاري
<< فالسوق >>
ضاري بعصبية : اف بس لا تحنون فوق راسي انت وياه
نايف وهو يبوس راسه : تكفى تكفى بس ربع ساعة
تافف ضاري : اذلفو ربع ساعة و ان تاخرتم علمت ابوي
فزو هايف و نايف : ابد ابشر
وطلعو يتمشون فالسوق ونيتهم البقالة ياخذون حب شمسي و يمرون القهوة ياخذون شاهي
في الجهة الثانية كانو يمشون ثنينهم ويقررون وش ياخذون من البقالة دخلو واخذو السلة و بدو ياخذولهم شوكلاتات بانواعها و حلويات و عصير و ايسكريم ولفو على جهة الحب الشمسي رفعو عينهم يشوفونهم وهم لهم فترة ما تصادفو طاحت عين ميرة على نايف و مهرة على هايف الي صد على طول وضربه صداع اخذ الحب و مشى ينادي نايف الي استغرب ولف على ميرة يبتسم بس وهي ترد الابسامة الي تبين من عيونها انها تبتسم لكن مهرة رفعت حواجبها باستغراب ولفت من شافت بنت داخلة وتوجهت لارفف العلك ولف هايف لها وطاحت عينها بعينه و هو بدون ما يحس على نفسه ابتسم و لف للعامل يقوله : حساب ذي خلها عليي
العامل : اوكي بابا
وطلع يلحقه نايف و البنت ماكانت الا فاتنة لفت و ابتسمت من شافت الشرار يطلع من عيون مهرة تقدمت بتدفع لكن العامل قاللها انه مدفوع ابتسمت و طلعت
ومهرة متصنمة مكانها لفت على ميرة الي ماهي اقل منها : شفتي الي شفته ؟؟
ميرة : خلاص مهرة خلاص تعالي امشي و اخذت ميرة السلة حاسبت و طلعت
مهرة وهي عيونها تغورق : هذا وانا طول الوقت افكر فيها و ذابحة عمري عليه ؟! هذي اخرتها يولد عمي ؟؟
ميرة وهي ضايقة على اختها : تكفين مهرة خلاص لا تزعلين نفستس وانا بربيه بس انتي لا تضيقين تكفين
مهرة : ابغى اروح البيت
ومشت تاركة ميرة وراها تنهدت ميرة بضيق ولحقتها وهي اصلا مبتلشة فالاكياس يلي بيدها
<< من ورا البقالة >>
طلت فاتنة و سحر وهم مبتسمات
سحر و هي شبه تضحك : والله مفعوله اشتغل قدامها يدفع عنتس الحساب
فاتنة بابتسامة لفت لها : اف اسكتي يجنن كيف اصلا كان يحب ذي ؟!
سحر : والله انا الي على قرادة حظي كلهم مزايين بس مدري جدتس مع من بتحطني
ضحكو ورجعو البيت دخلو و فصخو العبي
الجدة زينب : ها بشري ؟!
فاتنة بابتسامة : ابشرتس جاي على وجهه
الجدة ضحكة : زين زين ذا الشغل
سحر ناظرة فاتنة بطرف عين : وانا يا جدة ؟! ترا ابغى ازينهم معنه كلهم مزايين حشى
ضحكة الجدة : ماعليتس انتي قريب قريب
دخلت فاتنة الغرفة وهي تسمع جوال جدتها يرن و تسمعها ترد
الجدة زينب : بشري
رويدا : فهمت يا خالة
الجدة : و ابشرتس ان لتس نصيب كبير
رويدا بخوف : ما تقصرين
وسكرت الجدة و لفت لسحر : قومي صلحي الشاي مرة ثانية خلص
سحر : ابشري
وجت فاتنة و جلسة
<< بيت بو ضاري >>
دق الباب وفتح بو ضاري و فرح من شاف اخوه: ارحب
ابتسم بو هذال : البقى شخبارك ؟؟
بو ضاري : بخير جعلك بخير تعال تعال ادخل المقلط
دخل بو هذال و جلس معه و القهوة بينهم و بعد سوالف روتينية عن الشغل و احواله
بو هذال : قالتلك وهج عن موضوع الكشتة ؟؟
هز بو ضاري راسه : اي قالتلي عنها متى ناويها
بو هذال : انا كنت ناويها اليوم لكن العيال قالو احسن ناجلها ليوم الجمعة يخلصون اشغالهم و يفضون لها و نجلس يومين ثلاث وشرايك ؟!
بيضاوي بتاييد : وانا معهم براي يا خوي و منها نشوف و ش الناقص و وش الموجود
بو هذال : اجل ان شاء الله يوم الجمعة بعد صلاة الجمعة نحرك
بو ضاري : ان شاء الله
وكملو سوالف عن بعض و الشغل
< محل بو هذال >
كانو العيال جالسين يسولفون و ينتظرون اي زبون يدخل عشان يباشرونه
لف ذياب على جواله الي يرن " عامر "
رد و رفع السماعة باذنه : السلام عليكم
عامر : وعليكم السلام و رحمة الله و بركاته اخبارك ؟!
ذياب بابتسامة : بخير الحمدالله وانت ؟!
عامر : نحمد الله و نشكره
ذياب : داق فهالوقت اكيد عندك شي ؟!
عامر ضحك : اكيد اكيد
ذياب : امرني
عامر : ابد وصلنا اول شغل يا ذياب ولازم نبدا نشتغل فيه من بكرة
ذياب فز : احلف
عامر بابتسامة : والله
ذياب بوناسة : الله يبشرك بالخير يا عامر و ان شاء الله بكرة الصباح اقابلك فالمكتب
عامر : باذن الله يلا انا ما اطول عليك مع السلامة و نشوفك
ذياب : مع السلامة مع السلامة
وسكر ذياب و فز يحضن عبدالرحمن الي انخرش و هو كان بيشرب الشاهي ولكن انكب عليه وانحرق ولاهو قادر يسوي شي من ذياب الي حاضنه بقوة و هو يحاول يفكه : يا حيوان حرقتني وخر عني وشفيك ؟!؟؟
ذياب اصلا ماكان مستوعب و ابعد و حول على ناصر الي كان فطسان ضحك الي حضن ذياب : وشفيك ؟! ناقص حنان ؟!
ذياب بوناسة ابعد عن ناصر : ابشركم جاني شغل و ببدا من بكرة يالله
عبدالرحمن وهو يولول من يده الي انحرقت يناظر بذياب بغضب : انت لقيت شغل انا شدخلني تحرقني يا كلب
ذياب ما استوعب : انا حرقتك ؟!
عبدالرحمن رفع حاجبه الايمن : لا والله يا شيخ و ذا وش ؟!
رفع يده قدام ذياب الي عيونه توسعت بصدمه : ذا مني ؟!
عبدالرحمن: احلف بس ؟؟
ذياب : متى ؟!
ناصر و هو منسدح يضحك : من نقص الحنان الي طلع فجاء
ذياب ضاق و ابتسم ابتسامة وهقة : والله اسف ما دريت من الوناسة
تقدم بيمسك يد عبدالرحمن لكن عبدالرحمن كان متوجع ولا هو قادر يتحمل الوجع من الحرارة الي يحس فيها ودف ذياب : ابعد عني
وقام و راح للبيت لجل يغسل يده بماء بارد و يضمدها
وقف ناصر ضحك من دفة عبدالرحمن لذياب الي فعلا ضاق و هو ما كانت نيته ياذي اخوه ولا يرضا اصلا ياذيه ولا كان عن قصد
تقدم ناصر و مسك ذياب : لا تضيق بسيطة
ذياب بضيق : كيف ما اضيق وانا اوجعته وماكنت قاصد والله
ناصر بابتسامة : ادري مانت بقاصد بس يمكن لانه يوجعه كان معصب كذا ولا انت عارف عبدالرحمن
ذياب هز راسه : ادري به لكن والله ان قلبي اوجعني اني السبب بروح اشوفه
هز راسه ناصر : يلا يلا اصلا بياذن بعد شوي نروح نتوضا و نلحق المسجد
ذياب تنهد و هز راسه قفلو المحل و راحو البيت
< السكة يلي بين البيوت >
كانت تطل عليهم و هي حالفة تخرب هالعلاقة الي تشوفها قدامها و تنتقم من اخوانها فعيالهم
ولفت ترجع لبيتها

دخلو البيت و شافو عبدالرحمن قدام امه الي تضمد له الحرق
ضاق ذياب و تقدم و حب راس عبدالرحمن : اسف يخوي والله اني اسفة مادريت ولاني قاصد
رفع عبدالرحمن راسه و ابتسم لذياب : ولو ياخوك تمون على رقبتي
خلصت ام هذال من يد عبدالرحمن وقف تقدم ذياب يحضن عبدالرحمن: جعله فيني ولا فيك ياخوي
رد عبدالرحمن الحضن : بسم الله عليك ان شاء الله فالعدو ولا فيك حصل خير
ابتسم ناصر و تقدم يحضنهم اثنينهم و ضحكو عبدالرحمن و ذياب وبعدو عن بعض و ناضرهم ناصر بطرف عين : لما انا حضنتكم يا حمير وخرتو ها
ضرب عبدالرحمن راس ناصر بخفيف : لا تتحرطم واجد ويلا المسجد انت وياه
ام هذال ابتسمت و هي تشوف عيالها وتدعي ان الله لا يفرقهم فيوم : يمه روحو صحو هذال للصلاة
ذياب هز راسه : بصحيه يمه
هزت راسها ام هذال و راحت لغرفة البنات دخلت و لقت ميرة حاضنَ مهرة الي تبكي استغربت و تقدمت بخوف : وشفيكم ؟! وشفيك يمه ليه تبكين
لفت ميرة الي ما تدري وش ترقع فالسالفة : يمه و نحن ماشين ونسولف و ما انتبهنا كان في مثل العصا خشبه و تعثرت مهرة فيها و طاحت و وقتها ماكانت تحس بشي لكن الحين يدها توجعها بالحيل
ام هذال تقدمت تمسح على راس مهرة: بسم الله عليتس يمه بسم الله عليتس اشوف يدتس يمه
وخرت مهرة عن حضن ميرة و هي ما تعرف اصلا وش توريها
ناضرت ميرة يد مهرة المحمرة انها كانت تاكية عليها فمدت يدها بسرعة و استغلك الوضع و اشرت على يدها اليمين : ذي يمه شوفي كيف محمرة
مسكتها ام هذال و حضنت مهرة الي انهارت اكثر في حضن امها : ميرة روحي جيبي ثلج لها وش تنتظرين !!
ميرة: ان شاء الله يمه بروح
وراحت المطبخ تجيب الثلج لامها شافت جميلة تطلع من غرفتها : صحيتي ؟!
جميلة بابتسامة : اي صحيت
وراحت مع ميرة لمطبخ تشرب مويا ولفت باستغراب لميرة الي تطلع الثلج من الفريزر : لوش الثلج
تنهدت ميرة بضيق
جميلة عقدت حواجبها باستغراب : وشفيتس ؟؟
ميرة بحزن : بعدين اقولج تعالي الحين معي
ومشت ميرة ومعها جميلة المستغربة ودخلو الغرفة و مدت الثلج ميرة لامها و الي لازالت مهرة تبكي بحضنها
جميلة بخوف : وش فيها
ميرة الي غمزت لجميلة بدون ما تشوفها ام هذال : طاحت و نحن نمشي و عورت يدها
جميلة فهمت انها كذبة و مشت معها : اها تعورت مرة ؟؟
مهرة هدت شوي و هزت راسها بنفي : لا خفت الحين
ام هذال ارتاحت : زين يمه ارتاحي انتي الحين طيب و اليوم لا تشتغلين
ميرة رفعت حواجبها : اكيد لا تشتغل لازم ترتاح و ميرة تكرف فالبيت كالعادة
لفت ام هذال و رمت ميرة بالمخدة و طلعت و قبل لا تطلع : لا تنسين الغسيل تشيلينه من الحبل فاهمة
ميرة بحقد على مهرة : فاهمة يمه فاهمة

————————————————————
السلام عليكم ، اتمنى حبيتو البارت اكتبولي رايكم بالرواية للان ، ان شاء الله مستمتعين فيها.
لا تنسون النجمة تحمسوني اكمل ولا تنسون تضيفوني انستا ( qvll56) انزل فيه التشبيهات و تيك توك (ovllq_)💗💗💗🫶🏻