لجل عين اهد ديار

13

<< ابيت ابو هذال >>
العيال كلهم افطرو و راحو لاشغالهم و كان هذال بيروح للمحل مع اخوانه لانه اجازة لكن الكل رفض و جلسه ابوه يرتاح قبل لا يرجع لشغله و طلبه يجلس معه و وافق هذال و جلس وجلست ام هذال و هي تحط صينية القهوة و الشاهي و جو البنات و جلسو و بدت دلة القهوة تدور بينهم وبين السوالف دق باب البيت وقام هذال يفتح الباب وطل شاف بنت متغطية نزل راسه : السلام عليكم من تبين ؟؟
حليمة : وعليكم السلام انا حليمة بنت سلمان جاركم بغيت ميرة و مهرة موجودين ؟؟
هذال و هو باقي منزل راسه : هلا فيتس اي اي موجودين حياتس
ودخل هذال و دخلت وراه حليمه هذال : ميرة مهرة
طلع ميرة : ها
هذال صفق راسها بخفيف : و هوا وانا استغفر هذي بنت تبغيكم
ودخل لبيت الشعر يجلس مع امه و ابوه و طلعت ميرة بعد ما نادت مهرة و ريوف
ميرة تقدمة لحليمة : هلا هلا تو ما نور البيت ما بغيتي تجين عندنا يالقاطعة
ضحكة حليمة و سلمت عليها : البيت منور باهله والله وش اسوي كنت مشغولة لكني جاية وجايبة لكم خبر
مهرة تقدمت و تسلم عليها : وش الخبر هذا
حليمة بابتسامة : خلنا نجلس و اقولكم
جت ريوف تسلم عليها : شحالتس حليمة عساتس بخير ؟
ابتسمت لها حليمة : بخير جعلتس بخير
دققت ميرة فلبسها : يالطيب على وين ليه لابسه عبايتس
ريوف : بروح لامي من زمان ما شفتها والله و اخاف تاخذ بخاطرها اني ما مريتها و دامني فضيت اخيرا بروح اسير عليها هي و ابوي و بتغدا عندهم اليوم
مهرة : تمام يروحي انتبهي لتس و سلمي على عمي و مرت عمي ولهم جيه ان شاء الله من زمان ما شفناهم
ريوف بابتسامة : ان شاء الله يوصل يلا عن اذنكم
ميرة : اذنتس معتس ولفت على حليمة : يلا تعالي
ودخلو البنات غرفتهم و ريوف توجهت لبيت الشعر : يلا يعمي انا استأذن تامروني بشي ؟؟؟
ابو هذال باستغراب : ما يامر عليتس ظالم يا بنتي بس وين رايحة ؟؟
ريوف : والله يعمي اليوم بروح بيت ابوي من زمان ما رحتلهم اشتقتلهم و بتغدا معهم اليوم
ابو هذال : ايوه خلاص اجل براحتس بس علمتي عبدالرحمن ؟
ريوف : اي يا عمي عنده علم
هز راسه ابو هذال
ام هذال : يلا يبنتي سلمي عليهم و انتبهي للدرب و انتي رايحة
ريوف : ان شاء الله يا عمه يلا مع السلامة
الكل : مع السلامة
وطلعت متجه لبيت اهلها

<< فالغرفة عند البنات >>
دخلت ميرة بالعصير و المكسرات و جلسو على جلسة الغرفة
مهرة : يلا قولي شعندتس ؟
حليمة بابتسامة ضيق : عرسي بعد اربع ايام
شهقو ميرة و مهرة : ها
حليمة : بتكون ملكة و زواج و بعد ماهو عرس بيملك و ياخذني معه على طول حتى عشاء مافي
————————————————————————
ابو احمد : سلمان رجال كبير فالعمر عمره 62 مريض قلب و سكر و تعبان حيل ولا له القوة انه يتحرك وعنده من الخلفة تسع عيال و بنت وحيدة متزوج خمس

ام احمد ميثاء( الزوجة الاولى ) طيبة و حنون جايب منها :
- احمد بكره : عمره 48 و هو له حلاله من عزبة و محل و هو ماسك حلال ابوه بخيل ولا يحب الا نفسه ولا همه حد متزوج و زوجته اخبث منه و دوم تحرظه على اخته المسكينة بدون سبب و باختصار ( خروف مرته ) و عنده ثلاث بنات و ولدين
- حمدان ثاني اولاده : عمره 45 لاهي فنفسه ولا عليه من حد وين مصلحته بيروح كان مسجون لمدة خمس سنين بتهمة النصب و الاحتيال و متزوج و عنده ولدين و بنت
- سعود رابع الاولاد : عمره 38 نفس طينت اخوانه لكنه اخبث منهم وين الفلوس بيدورها ان شاء الله لو كانت فالحرام اهم شي يترس جيوبه متزوج لكن ما الله رازقه بعيال و اكتشف انه عقيم لاكنه حاط العيب فزوجته و مايبغى يعترف لاحد بهالشي