لجل عين اهد ديار

2

صوت هذال على امه : يمه يمه
ام هذال طلعت من داخل : ارحب يمه بغيت شي
هذال بابتسامه و هو يبوس راس امه : البقى يجنتي لا والله بس حبيت اسالتس ودتس شي من البقالة؟ ناقصتكم اغراض شي ؟!
ام هذال : لا يا امي انت ما به شي ناقص
هذال : خلاص عيل قلت اشوفكم اذا ناقصكم شي
جاء هذال بيطلع الا تطلع ام ضاري
ام ضاري بابتسامة و هي تعشق هذال : هذال يولدي شلونك ؟
هذال بابتسامة وسعت ثغره : ارحبي يعمه بخير عساتس بخير انتي وشلونتس و شلون عمي و العيال ان شاء الله انهم بخير ؟!
ام ضاري : عسى دوم يا ولدي و كلنا بخير جعلك بخير
هذال : دوم دوم يارب عيل انا ما اطول عليكم بدخل و من يجهز الغداء يمه نادوني بدخل استريح فالمقلط
ام هذال : روح ياوليدي استريح و بناديك من يجهز ما عليك
هذال باس راس امه و تخل المقلط و ارتمى على اقرت تكاية و هو يغمض عيونه بينام شوي للغداء الا يجيه طيفها و يبتسم على جمالها سبحان الخالق :
سحرتي القلب بعيون الظبي
ياجعل سحر ما اتعالج منه
بدات عيونه تغمض و استسلم للنوم

— عند البنات —
دخلت وهج و هي مو على بعضها و تقول في داخلها ( هذا هذال ما شاء الله على الجمال اخخخخ يقلبي ) و للحظة تذكرت ( هيييه خير ان شاء الله نعم اخخخخخ يقلبي انهبلت انا ولا وش وعوو حتى انه ما شاف الحلا وع )
جميلة باستغراب : وهج شفيه وجهتس مخطوف لونه
وهج بارتباك : لا ولا شي بس حسيت بصداع شوي ماعليتس
  ريوف بخوف على اختها : تبغينا نرجع البيت اذا انتي تعبانة؟!
وهج و هذي الفرصة تبتعد و لا تقابل هذال مرة ثانية : اييي تكفين احس اني تعبانة
ميرة و مهرة بخوف : سلامتس بقلبي ما تشوفين شر
وهج بتمثيل التعب :  الشر ما يجيكم يقلبي
طلعت ريوف لامها تبلغها ان وهج تعبانه و يبغون يرجعون البيت
وافقت ام ضاري و قد جهزو جميلة و ميرة غداهم خذوه و طلعو للبيت

— المقلط—
دخلت ام هذال تهز كتف هذال : يمه هذال قوم يلا يمه صلاة الظهر
انتبه هذال لانه نومه خفيف : ان شاء الله يمه بقوم
هذال قام و هو يترنح للحمام ( عزكم الله ) غسل و طلع للمسجد

بعد الصلاة رجعو الكل و تجمعو على الغدا و تغدو و جلسو فبيت الشعر كلهم يتقهوون و يتحلون و ذياب ملاحظ سرحان هذال قام وجلس جنبه و دقه برجله و همسله: شفيك ؟؟
انتبه هذال : ما فيني شي ليه ؟!
ذياب : اشوفك من الغداء الين الحين منقلب حالك سرحان و شارد فيك شي ياخوي قول
هذال بابتسامة و هو يتذكر حبيبت قلبه : لا لا ياخوك مافي شي
ذياب و هو يدقق فالابتسامة : خير شو هالابتسامة
هذال و هو يوقف ياشرله و طلعو يمشون فالديرة
ذياب : خير انطق وش العلم ؟؟؟؟!
هذال بابتسامة : تخيل صادفة وهج اليوم
ذياب باستغراب : احلف
هذال : والله
ذياب ضحك : وانا اقول الرجال وشبلاه سرحان و حالته حاله
هذال و هو يضحك : تكفى والله قلبي انشلع اخخخخخ يا ذيبان ما شفت الي شفته يويل حالي صدق
ذياب تعالت ضحكاته : انزين و كيف شفتها ؟!
هذال قاله الي صارت و ذياب انفجر يضحك : خير وش هالمهبولة ذي
هذال بطرف عين : عن الغلط . . جعلني فدوة لها و لهبالها يشيخ
و كملو مشي و سوالف و ضحك دامهم فاضين