لجل عين اهد ديار

9

هذال بشوق اكبر و هو اشتاق لصوت عضيده : ارحب يبو ثنيان ارحب
ذياب و عيونه تغورق فرح : ابقه يالله شخبارك ياخوي طمني عنك ان شاء الله انك بخير ؟!!!
هذال بابتسامة : بخير جعلك بخير شخبار امي و ابوي
ذياب و هوي يفتح سبيكر : هذا هم حطيتك سبيكر - وتقدم ذياب بالجوال لابو هذال و ام هذال -
السلام عليكم يبه يمه و شلونكم ؟!
ابو هذال براحة بعد ما سمع صوت ولده : بخير يابوك بخير جعلك بخير وانت الامور طيبة عنك ؟! تشتكي شي ؟!
هذال نزل راسه: حمدالله حمدالله بخير انا وما اشكي شي يا ابوي
عبدالرحمن : ها متى بترجع ترا متنا من شوقنا لك صدق الشغل موحش بدون حسك
ميرة و هي تغورق دموع : ترا يقص عليك بالعكس راحة فكة مرتاحيييييين بدونك - وبدت تبكي بدون صوت -
ضحك هذال لانه يعرف انها كذابه و الحين تبكي خاصة من قالت مرتاحين و مدتها و تغيرت نبرتها : صح صح مرتاحة يالجذوب هين هيين اوريتس
الكل ضحك ابو هذال : بشرنا يولدي متى بترجعلنا ؟!
هذال بتنهيدة ضيق : والله يايبه اني للان ما عندي علم لكن الله يجيب الخير
ام هذال بحزن و فرحة انها اسمعت صوت هذال : يا امي انت انتبه على نفسك يا حبيبي طمني ترقد زين ؟ تاكل زين ؟
هذال بابتسامة حزن : اي يمه اي لا تحاتين كل شي تمام
ام هذال : حمدالله يا امي
صارت لحظة صمت و هذال قرر يسكر من بدت دموعه تنزل من شوقه الكبير لاهله و لذياب بذات : اهم شي انكم بخير واطمنت عليكم انا الحين لازم اسكر ما اقدر اطول بينا ان شاء الله من احصل فرصة و سلمو على الكل اعمامي و عيالهم وان شاء الله المرة الجاية يكونون موجودين
ابو هذال : يوصل ياولدي يوصل الله يحفظك انتبه لنفسك
ام هذال : مع السلامة يولدي دير بالك على نفسك ها
هذال و هو متماسك : ابشري يجنتي و ابشر يتاج راسي يلا مع السلامة
الكل : مع السلامة
سكر هذال و الكل رجع جلس براحة انهم اسمعو صوته على الاقل و اطمنو انه بخير و ما صابه شي ولكن ماكان ودهم يسكر كان ودهم يسولفون معه قام ذياب و هو ماسك نفسه وخرج من البيت و راح لاخر الديرة مايبغى احد يشوفه انهار بكي من شوقه الي له اسبوعين و هو عيا يتعود بعد دقايق قام و رجع ركب سيارته و اتجه للأسطبل دخل وشاف غيث ( خيله ) تقدم له و حط راسه على جبين خيله و هو انهد حيله من فرغ الي فقلبه لف لرعد ( خيل هذال ) وتقدم و ركبه و تذكر انه دوم يدخل الاسطبل مع هذال هاي اول مرة يدخل بدون هذال ضاق صدره و مشى فرعد وبدا يركض و يركض يرجع و يروح وقف و رجع رعد مكانه و طلع ذياب وركب سيارته قال البيت الي جا فباله يقول :
من كثرة الشوق شوقي من عيوني هطل
جلست انا في مكان و ضحكتي في مكان
تنهد بعد ما قال بيته و شغل السيارة راجع البيت

<< عند هذال >>
سكر من اهله وبكى كان يحس بشعور غريب يحس ان هاي بتكون اخر مرة يسمع فيها صوتهم ماكان يعرف شو السبب بعد ما هدا شوي شاف الساعة و زين كمل نص ساعة و رجع للفريق هزاع
دخل المكتب و دق التحية هذال
هزال : استريح يا هذال
استراح هذال و دخل و حط الجوال على مكتب هزاع : ان شاء الله ما تأخرت و على الوقت
ابتسم هزاع وناظر على الساعة : على الوقت بالضبط
ابتسم بخفة هذال : حمدالله اجل تامرني على شي ؟؟؟
هزاع هز راسه : لا سلامتك
دق التحية و استراح بعد كلمة هزاع و رجع لشغله على طول بعد شغل ثلاث ساعات نادا الفريق الاول مساعد مجموعة من العساكر و من ضمنهم هذال ودقوله التحية
الفريق مساعد : استريحو
استراحوا الكل بعد كلمته
الفريق مساعد : في مهمة قريبة من هنا و انتو الي بتمسكونها و بتكونون تحت مراقبة الفريق هزاع و بتتلقون من عنده الاوامر
الكل دق له التحية و استراحوا بعد كلمته و بدا يتكلم الفريق هزاع يوزع مهامهم و الاعمال و يقوللهم الخطة الي بيسيرون عليها وبعد قرابة الساعة و نص خلصو
فريق هزاع : هذا كل الي لازم تعرفونه بتوفيق للكل
الكل دق التحية و لفو يتجهزون للمهة الي بتكون بعد ساعة تقريبا