لجل عين اهد ديار

16

<< فبيت ابو هذال >>
الكل رجع بيوتهم بعد يوم فرح على البعض و حزين على البعض نامو بتعب
فالمقاط ناصر رجع و نام و ذياب و هذال باقي صاحين ماجاهم النوم
ذياب باستغراب : وشفيك منت على بعضك كنت تضحك و تسولف من دخلنا بيت عمي انقلب حالك شصاير ؟؟
هذال قام يجلس فاخر المقلط عشان ما يزعجون ناصر النايم و اشرله يجي
قام ذياب بشويش و راح لهذال و جلس : شصاير انطق !!
تنهد هذال وهو ما يقدر يخبي شي عن ذياب : اليوم مسكت القضية الي قلتلك اللواء سلمني اياه و هو مداهمة مروجين مخدرات
ذياب : طيب
هذال : و تخيل من رئيسهم و الي يصنف الاذكاء فترويج بينهم ؟؟
ذياب عقد حواجبه : من ؟؟؟
هذال : كاسر
ذياب ما استوعب : كاسر من ؟؟
هذال : كاسر ولد عمك من بعد
ذياب شهق : هاااااا
صفقه هذال و لف يشوف ناصر قام ولا و تنهد براحة انه ماقام و لف عليه و عطاه وحدة ثانية : قصر صوتك
ذياب : خلاص خلاص طيب بس كيف كيف كاسر مروج مخدرات مهو يشتغل فشركة ؟؟ ومادري وشوو ؟ طيب ليه ليه يسوي كذا ؟؟؟
هذال: والله اني ما اعلم انا بروحي جتني الصدمة و هذي طلعت شركته ترويج مخدرات
ذياب : وانت الحين صدق بتقبض عليه ؟؟ فكر فعمي ؟ مرته ؟؟ ترا ولد عمك يا هذال مهما كان
هذال بغضب و حدة : ان شاء الله لو انه ابوي يا ذياب بمسكه بمسكه انا دخلت هالوظيفة و انا قاسم قسم ما بكسر هالقسم لجل عواطف و اهل وبعد الي عرفته ما اتشرف فيه الكلب لكن هين
ذياب تنهد : الله يعين عمي الي كان يتفاخر فيه قدام الناس
هذال رجع ظهره لورا : وش نسوي هذي فعايل ولده و الله يعينه وانت اكتم على الموضوع ولا تجيب طاري
ذياب : ابشر اجل يلا قم قم نم وراك قومة الدوام وانا بعد يلا
هذال قام : يلا تصبح على خير
ذياب : وانت من اهله
وانسدحو ففرشهم و قرو الاذكار ونامو

<< مكان بعيد >>
دخل شخص : كاسر في عندنا صناديق لازم نبيعها خلاص هاليومين
كاسر بتنهيدة : خلاص تمام متاكدين كل شي جاهز ما نبغى ولا غلطة
زياد بقلق : والله يا كاسر على كثر ما بعنا على كثر ما ان قلبي قارصني من هالمرة الكمية هالمرة واجد كبيرة
كاسر بطرف عين : لا يشيخ وليه تحاتي ما عليك غير انك تسلمها و تفكنا و كل واحد ياخذ قسمته خلصوني
الكل : ابشر
و قامو كلهم يشوفون شغلهم و يتاكدون من كل شي لجل ما يصير اي غلطة وينكشفون

<< فبيت ابو ضاري >>
صحت وهج من النوم الي استأذنت من عمها انها تنام فبيت ابوها بحكم اختفاء كاسر المفاجأ وطلعت لقت اخوانها و امها و ابوها و جميلة موجودين حول السفرة
بو ضاري بابتسامة : حي الله بنتي تعالي تعالي افطري
وهج بابتسامة : الله يحييك و يبقيك جاية
و مشت لعندهم و وقفت ورا هايف الي كان جالس جنت ابوه و تكتفت لكنه مشغول ببطنه ولا انتبه لها
وهج تأففت و دقت برجلها ظهر هايف لجل يحس شوي و يزحف لها
لف عليها هايف ناظرها من فوق لتحت و رجع يكمل اكله
رفعت وهج حواجبها تطالع فيه ودقت باصبعها على كتفه : لو سمحت استاذ هايف ممكن تزحف شوي بجلس جنب ابوه
هايف بدون ما يلف : لا استاذة وهج مو ممكن
رفعت حاجبها اليمين و تخصرت : لا والله ترا انا امرك ما اسألك
هايف بتفكير : كان قلتي ممكن ؟؟؟؟
وهج : اجل اعدلها عشان تفهم قم يا نشبة و تقلع جنب طبجتك اهناك خلني اجلس افطر جنب ابوي قبل لا افطر عليك
الكل ضحك على ملامح نايف و هايف الي ناظرو بعض ولفو لها : نحن طبج ؟
هايف عدل جلسته : اجل والله ما اقوم يلا انقلعي
وهج بتمثيل زعل : يلا يلا زحف يبه شوفه
ضحك ابو ضاري ولف لهايف وصفق كتفه بخفه : زحف لاختك لعين السيح للملح و قبله يلا
هايف بطرف عين : ايي لي الله والله
نايف و هو ياشر لهايف يجيله : تعالي يقلبي انت ما عليك منه تعال يجعل محد يقعد جنبي الا انت
هايف قام و نقز على نايف يحضنه : جعلني قبله يعرب محد يفهمني غيره يناس
نايف حاوطه : مجار لبى عينك والله
و اعتدلو يجلسون و ابو ضاري يقص الخبز و ياكل وهج ناظروهم هايف و نايف بطرف عيونهم و يقصون الخبز و ياكلون بعض و الكل ميت ضحك عليهم
خلصو فطور بعد سوالف وضحك و قامو العيال لاشغالهم و لمو السفرة جميلة و وهج و غسلو المواعين و رجعو يجلسون مع ابو ضاري و ام ضاري
وهج : يبه
ابو ضاري : لبيه
وهج : لبيت فمنى ، يبه غرفتي السرية موجودة ولا فضيتوها و حولتوها مخزن
ضحك ابو ضاري لان كان حاس انها بتسال عنها : موجودة موجودة روحيلها و اقص يد الي يمد ايده و يخرج شي منها
نطت وهج تحض ابوها : تعرف انك اطلق ابو فهالدنيا الكبيرة
الكل ضحك عليها و قامت ركض بعد ما اخذت المفتاح من ابوها تركب درج السطح ودخلت غرفة صغيرة الموجودة