لجل عين اهد ديار

25

وبعدها بنص ساعة تاكدو ان جميلة نامت
ابو هذال : عبدالرحمن
عبدالرحمن: سم يبه
ابو هذال : ليه كذبت على اختك المفروض نقوللها ولازم تعرف خلاص
تنهد عبدالرحمن: يبه ادري انها لازم تعرف و مردها بتعرف بس يبه انت مو شايف حالتها مو ناقصة خبر مثل كذا خلها بعد كمن يوم ترد عافيتها و صحتها و نقوللها ماعليك
ناصر الي فهم على عبدالرحمن: صادق يبه اهم شي بهالوقت نداري حالة جميلة انت ما تشوف كيف تتعب و خاصة نفورها من ضاري الي ماهو داخل مخي
ذياب : اي والله شفت الضيق فضاري ومستحيل اصلا يزعلها و نحن عارفين كيف هم مع بعض يعني ماله سبب اصلا هو مصدوم من نفورها
ابو هذال هز راسه و هو الي ماقدر يحط سبب للي صار : خلها تهدا و بكرة نشوف الي بيصير

~ اليوم الثاني ~
< فبيت بو ضاري >
قامت وهج من النوم و دخلت تتروش خلصت لبست روبها و تقدمت للتسريحة رجعت شعرها لورا عشان ما يضايقها و حطت ماسك على وجها، اتجهت للدولاب وفتحته تدور بين فساتينها و هي الي صارت تعشق الفساتين الناعمة اكثر عن اول طاحت عينها على فستان ابيض وعليه ورود بالون الازرق بدون اكمام ابتسمت من شافته و مدت يدها له و خرجته و علقته على الدولاب اتجهت لارفف احذيتها و اختارت نعال ابيض مفتوح و يتزين بحبات لولو، اتجهت للتسريحة و هي تزيل الماسك و تحط ماسك تحت عينها فتحت الدرج و خرجت منكير درجة ( allure ) جلست على الكرسي و بدت تحطه على اظافرها الي كانو طوال و شكل ( ballerina ) وحطت فقط ٣ طبقات يبين شكل اظافرها كانها مسويتها ( French ) خلصت و تاكدت ان اظافرها نشفو شالت الماسك و بدت تشتغل فشعرها خلته ستريت و حطت شادو وردي خفيف مع مسكرة مشطة حواجبها بمسكرة حواجب و هي ما تحتاج اصلا ترسمهم لانها كانت كثيفة و مرتبة و تحبها على طبيعتها اخذت فرشاتها و حطت بلشر لونه خفيف و طبيعي مع شوية هايلايتر و قلوس وردي خفيف يعطي الشفايف لون طبيعي و فيه لمعة انتهت و شافت نفسها برضا تام مشت للدولاب و اخذت الفستان تلبسه فتحت الدولاب و اخذت عقد اللولو الي ابوها خذاه لها من فترة و هذه كانت اول مرة تلبسه و هي تعشق اي شي فيه لولو خلصت و رشت عطرها الي تعشق ريحته
خلصت و القت نظرتها الاخيرة لنفسها فالمراية و كانت جميلة جميلة تشلع قلب الي يشوفها من نعومتها و شعرها القصير الي زادها حلاوة وبرز جمالها و ملامحها

طلعت و مشت للصالة و شافت ابوها و اخوانها متجمعين دخلت هي تغني و تاشر لابوها :
يالبعيد الي هناك
يالقريب الي هنيا
يا هنيا فالفؤاد
و يا البعيد الي هناك
اقرب اقرب يا غرامي
كل عرقً في حيا
عاش عيشة تعز في قربك
وفي بعدك هلاك

ابتسم ابو ضاري ولف يشوف وهج الي تغني وتأشرله و هو يسمع كلمات الاغنية و يضحك فرح بشوفتها و طلتها الي صدق كانت محلوة الي خلته يذكر الله و يحصنها و المثل اخوانها الي ما فارقت البسمة وجهم ومنهم ضاري رغم ضيقة قبل ثواني الا انه شوفت اخته حسنت من مزاجه