لجل عين اهد ديار

6

<<عند هذال>>
دخل المباني وماكان عارف وين يروح مر قدامه عسكري ووقفه وعزيز طارت عيونه فهذال الطويل العريض عكسه قصير و ضعيف
هذال : السلام عليكم
العسكري عبدالعزيز : وعليكم السلام ورحمة الله وبركاته
هذال : والله اعذرني على الازعاج ياخوي لكن راسي دار بس بغيتك تدلي انا اول يوم لي و ماني عارف وين المكتب الي المفروض اروحله
عبدالعزيز : ولو ياخوي و اهلا فيك نورت المكان حياك معي
مشى عبدالعزيز و هذال خلفه يمشي بثقل وهيبه ودخل مكتب دق الباب عبدالعزيز و دخل بعد ما حصل الاذن دخل و دق التحية : طال عمرك في شخص موظفينه جديد برا
طالعه منصور : خله يدخل
دق التحية عبدالعزيز و استراح بعد كلمة منصور و طلع يقول لهذال يدخل، دخل هذال و وقف منصور ورفع عينه عليه وانصدم من ضخامته و هيبته و طوله ومن غير ثقل صوته و ضخامته من تكلم : السلام عليكم
منصور  مد يده يصافح هذال : وعليكم السلام ورحمه استريح
جلس هذال فالكراسي الي قدام مكتب منصور : اول شي اهلا فيك معنا و ان شاء الله الله يرزقك من جميع ابوابه ثانيا بقولك الاجرائات و راتب و الي عليك و الي لازم تعرفه
وبدا منصور يشرح لهذال كل شي و هذال يسمعله بتركيز وبعد تقريبا اربعين دقيقه
منصور : وهذا كل شي لازم تعرفه وسموحة لو طولت عليك
هذال : لاوالله مسموح وماعليه
منصور ابتسم : الان تروح تستلم البدل الي على مقاسك و بيدلونك مكتبك وتقدر ترجع لبيتك و تتجهز لبكره يبدا الجد و الدوام يبدا الساعة سبع لا تنسى
هذال ابتسم له : ان شاءالله ونساك موتك ما بنسى و على خير
وقف هذال وصافحه : ومشكور انك عطيتني من وقتك
منصور ابتسم : العفو واجبي و اذا بغيت اي شي تقدر تجي لي و ابشر
هذال : مشكور ما تقصر
منصور : ياا صالح يا صالح
دخل صالح ودق التحية : سم طال عمرك
منصور : استرح . . خذ الاخ هذال معك و دله على مكتبه و قسم البدل ياخذ بدلته
صالح ابتسم : ابشر .. حياك
دق التحية صالح و استراح بعد كلمة منصور و طلع مع هذال
صالح : ارحب ياخوي تو ما نور المكان
هذال ابتسم : ابقه يالله و منور فيك
صالح : الله يوفقك يا خوي ويرزقك
هذال : امين وياك يارب
اشر صالح على مكتب : هذا هو مكتبك دخل صالح و خلفه هذال و شاف مكتبه هذال و ابتسم
صالح بمزح : ان شاء الله هذا المكان الي بتنكرف فيه الله يعينك
ضحك هذال بخفة : الله يعين صدق
ضحكو و طلع صالح و هذال لقسم البدل و بدا هذال يقيس البدل و خذا بدلتين مع الشارات و كل شي طلع بعد ما شكر صالح على وقفته معه ورفض يتركه الين ما خلص هذال كل شي عشان ما يتوهق فشي

-الظهر -
<<بيت ابو ضاري >>
قامت جميلة و كان ضاري بعده نايم دخلت وبدلت ملابسها وطلعت بشويش وراحت للصالة مالقت حد سمعت صوت من المطبخ دخلت و لقت وهج و ام ضاري يبدون طبخ الغدا
جميلة : السلام عليكم
لفو عليها : وعليكم السلام
ام ضاري : خير يبنتي بغيتي شي
جميلة استغربت : لا يعمه جاية اساعدكم
ام ضاري : لا يا بنتي لا روحي ارتاحي نحن بنقوم بالغداء
جميلة هزت راسها برفض : لا والله ما ارتاح و انتو تشتغلون و عمه انا ماني غريبة وانا بنتس الي تبينه امري و من عيوني
ام ضاري برضى تام : الله يرضى عليتس يا بنتي
جميلة حبة راسها : روحي ارتاحي والله ما تمسكين شي وانا بخلص كل شي و وهج بتساعدني
وهج : اي يمه روحي نحن بنخلص كل شي دام جميلة هنا ما بيحترق الغدا و ضحكة وضحكو كلهم معها
ام ضاري : الله يرضى عليتس دنيا و اخرة و ها يبنتي انتبهي لوهج تراها دوم تحرق الرز
جميلة بضحك : ابشري من عيوني
وضحكة ام ضاري و راحت تجلس و كملو جميلة و وهج طبخ جميلة الي تطبخ و وهج تساعدها ومنها تتعلم شوي شوي نزل ضاري : هلا يمه ليه قاعدة بريحاتس وين البنات
ام ضاري بفرحة : والله يطبخون الغدا و حلفت عليي جميلة ما امسك شي الله يرضى عليها و يوفقكم يا يمه والله يا سعد حظي دامها مرتك و كنتي
ضاري برضى تام على تصرف جميلة : الله يخليتس لي يجنتي
ام ضاري بحب : ويخليكم لي كلكم
بدخلت ابو ضاري و العيال : السلام عليكم
ام ضاري و ضاري : وعليكم السلام
قام ضاري وحب راس ابوه وجلسو
ابو ضاري : اجل اليوم مافي غدا ولا وش
ضحكة ام ضاري : وشفيكم مستغربين اني جالسة هنا
هايف بابتسامة : لان يمه وقت غدا وانتي ما تطبخين فالمطبخ و تضاربين مع وهج وتفلعينها بالملاس لا في شي غلط
ضحكة ام ضاري و ضاري بخفة : والله يابو ضاري هذي جميلة الله يسعدها حلفت عليي ما اتعب نفسي و لا المس شي وهي بتسوي كل شي و بتطبخ كل شي و وهج تساعدها
ابو ضاري بفرحة عتصرف جميلة : الله يرضى عليها من يومها سنعة بنت اخوي
دقايق و دخلت وهج بسفرة تمدها و ضربت راس هايف فيها : قوم ساعدني بمدها
هايف مسك مكان الضربة بالم : هييييه انتي هدي هدي تراتس انثى اتركي عنتس هالحركات ولا من اليوم الثاني بيردتس كاسر و نبتلش فيتس
ضحكو الكل و رمت السفرة عليه : يظريف قم لا والله تحلم تاكل حبة ها حبة رز من الغدا و تعرف اسويها
قام هايف و مد معها السفرة و هو يستغفر وهج : اي اي استغفر استغفر كفر ذنوبك
ضحكو كلهم وجت جميلة بصينية الرز و حطتها وسط السفرة
ابو ضاري بابتسامة : تسلم يدينتس يبنتي و ياريت ما تعبتي نفستس
جميلة : افا يعمي تعبكم راحة و ماسويت شي بالعكس واجبي
وراحت ووهج معها يجيبون اللبن و سلطة ورجعو وحطوها على السفرة و رتبوها
جميلة : بالعافية عليكم
ابو ضاري بحنية : الله يعافيتس يبنيتي
و راحو وهج وجميلة يتغدون داخل بحكم ان جميلة تغطي عن هايف و نايف و وهج راحت معها عشان ما تكون لحالها و منها يسولفون و يتسلون
وجلسو يتغدون كلهم وسوالف و ضحك الين ما خلصو و لمو البنات الصحون نظفوها و رتبوها و الكل اجتمع فالصالة سوالف الين صلاة العصر