لجل عين اهد ديار

11

بعد اسبوعين قبل صلاة الفجر الساعة 3:25 فتح عيونه و هو يتالم لف يمين ويسار كان مستنكر المكان الي هو فيه رفع راسه وشاف الممرضة الي دخلت ومن شافته انصدمة و ابتسمت بفرح تقدمت : استاذ هذال انت صحيت ؟؟
هذال تحرك وحس بالم: انا وين ؟؟
غرام : هد استاذ هذال نحن فمركز الطبي للمعسكر وانت بعد مهمتك دخلت فغيبوبة لمدة اسبوعين و حمدالله قمت و ان شاء الله انك بخير
هذال رفع عيونه لها بصدمة : اسبوعين فغيبوبة ؟؟
وطلعت غرام تبلغ الدكتور ان هذال صحى ورجعت مع الدكتور
الدكتور بابتسامة : حمدالله على السلامة هذال خطاك الشر
هذال : الله يسلمك و خطاك اللاش
الدكتور فارس : بنسويلك كمن فحص نطمن على صحتك و عشان اذا في اي مضاعفة بعد الغيبوبة لا سمح الله تمام
هز هذال راسه و تقدم الدكتور يبداء يحرك اجزاء جسم هذال مرة يده و مرة رجله و مرة كتفه يتطمن انه يقدر يحرك كل اعضاء جسمه بعد تقريبا نص ساعة
الدكتور : حمدالله يا هذال مافي مضاعفات ولاشي وانت الحين بصحة و عافية بس خلال هاليوم لا تجهد نفسك كثير طيب
هذال بشبه ابتسامة : ان شاء الله مشكور ما قصرت
الدكتور : ولو ما سويت شي الحين انت ارتاح و رح نعطيك شوي مسكن عن يدك و ان شاء الله خير و ابشرك كلها اسبوع و نشيل الجبيرة عن يدك
هذال : حمدالله على كل حال
خرج الدكتور يبلغ الفريق الاول مساعد و الفريق هزاع ان هذال قام بالسلامة باعجوبة وحمدلله الله قادر يغير كل شي في لمح البصر

<< بيت ابو هذال >>
كانو مجتمعين على فطور و دخل ذياب وجلس جنت ابوه و كان طول هذي الفترة ذياب هادي وباله بعيد مع هذال دخلت مهرة ومدت السفرة على الارض و راحت تسوق مع ريوف و مهرة الفطور خلصو و رجعو البنات المطبخ يفطرون اهناك و العيال جلسو يفطرون مع امهم و ابوهم ولكن الجو كان هادي جدا محد كان يتكلم خلصو الفطور و جلسو العيال و جو البنات بعد ما خلصو تنظيف و غسيل الصحون و الكل كان ساكت قامت ميرة و جلست جنب ذياب و حضنته من على جنب، لف عليها ذياب و ابتسم و هو يعرف ان ميرة حاسة بضيقه و صارت عادتها من راح هذال تجي و تحضنه كل ما شافته ساكت رفع يده على شعرها يمسح عليها : خاطرتس فشي؟
ميرة ابتسمت : خاطري اروح الاسطبل تكفى ذياب و الله ضايقة
ابتسم ذياب بحنية : بس على خشمي اتجهزي العصر بجي اخذتس انتي و الي وده يروح من الموجودين و نروح الين الليل
فزت ميرة و حضنته بوناسة و حماس : احبك يا احلى اخو فهالدنيا
ضحك ذياب من قلبه ولف عبدالرحمن و ابتسم و غمز لناصر الي فهمه
عبدالرحمن مثل الزعل : اييي يا نويصر الدلع و الحب لناس و ناس
ناصر نزل راسه يمثل الضيق : عادي عادي ياخوك تعود انا صرت متعود على ميرة على كثر ما نسوي لها على كثر ما يطلع فعينها
ميرة ناظرتهم بصدمة و ذياب كتم ضحكته عشان ما يخرب عليهم مسرحيتهم
عبدالرحمن صد من داهمته ضحكة على ملامح ميرة : اييي وياريت نلقى منها شي لازم ننذل عشان ناخذ من عندها شي خلاص من اليوم و رايح مالي شغل بشي مابغا شي ولا بجيب شي
ناصر ضرب فخذ عبدالرحمن و هز راسه باسف : نفسك شورك ياخوي خلاص ماني حاط يدي فشي من اليوم و رايح ولا لسانها يطب لساني
ميرة غورقت عيونها و هي مهما كان لسانها طويل ما تحب تزعل اخوانها : افا هذا كله عليي انا متى ذليتكم ولا ضايقتكم و بعدين انا كل يوم احضنكم كلكم
عبدالرحمن بحدة متصنعة : لا تبربرين واجد و تسندرين راسي روحي وخلصي شغلتس بسكات احسن لتس
ميرة بصوت مهزوز نزلت راسها : ابشر
ولفت بتاخذ صينية الحلا و الم الصحون و الكل كان كاتم الضحكة و ريوف رحمتها واشر لعبدالرحمن انها تبكي فز عبدالرحمن و هو ما توقعها تبكي كانو مستعدين حق هواش راحلها و مسك الصينية و نزلها على الارض و حضنها : ليه تبكين ليه والله امزح والله
زادت ميرة بكاء بصوت و ضاق عبدالرحمن من دموعها و حضنها : اسفة يروحي انتي والله اسف ترا مزح نمثل شفيتس كذا بكيتي افا
تقدم ناصر و هو يضحك و اخذ فراولة وكانت ميرة تكره الفراولة لدرجة انها ما تلمسه و حطها جنب وجها : الله وجهتس شابه الفراولة ذي تصدقين
ضربته ميرة بقوة و الكل ضحك عليها و هي كل ما جاها تبكي وقام ذياب و سحبها و حضنها : ما تستحون تزعلون اميرتي والله
ابو هذال يعرف ان ميرة من النوع الكتوم و بكائها ذا يكون من شي كاتمته بقلبها و عاجزة تتحمله فتح ذراعه لها : تعالي و انا ابوتس تعالي
رفعت راسها ميرة و راحت لابوها و ارتمت فحضنه تبكي
ابو هذال بحنية : وشفيتس يابنتي ليه هالبكي وش تحسين به قوليلي ؟؟؟
ميرة زاد بكائها : اشتقت لهذال اشتقتله حيل يبه
الكل سكتو وكملت : عجزت يبه عجزت متى رح يرجع يبه احس بفراغ ما ابغى حد يغيب تكفى يبه ابغى اكلمه اشتقتله
وانهارت ميرة تبكي و هي جاست جرح الكل الي كانو يحاولون يتظاهرون عكس مشاعرهم والكل بان عليه الضيق لكن ما بيدهم شي و جلس ابو هذال يسمي على بنته و يمسح على ظهرها و بدات تهدا ميرة والكل قرر يروح شغله يهربون من مشاعرهم عشان يقدرون يكملون باقي الايام