لجل عين اهد ديار

19

<< فغرفة ضاري >>
اخر الليل دخل و هو شايل هم اخته و الي مرت فيه كله و ضيق ابوه و طيحت عمه ماهو عارف وش يسوي كل الي يعرفه ان بتمر عليهم ايام صعبة تنهد تنهيدة طويلة بتعب لف و ناظر على جميلة المنسدحة على سرير بيجامتها للحظة حس بضيق من التفكير و الي صار مع غلا تعوذ من بليس دخل بدل و توضا فرش سجداته وصلاة ركعتين يريح باله و يدعي ربه ، خلص و رجع انسدح بجنب جميلة اقرب منها و حضنها من الخلف
جميلة حست فيه لاكنها ما عطت ردة فعل فضلت انها تسكت لكن دموعها خانتها هي ماتعرف تتصرف ولا تعرف الصح الي المفروض تسويه كل ما يجي منظر غلا فبالها و حركاتها تنقهر اكثر و اكثر كانت شهقاتها مبينة وحس عليها ضاري
فز و لف عليها
ضاري بخوف : جميلة تبكين ؟؟؟
مارت عليه جميلة و حطت يدينها على عيونها وانهارت اكثر
ضاري خاف قام و راح جهتها و جلس قدامها يجلسها
ضاري : حبيبي قومي اجلسي شفيتس ؟؟؟ شصاير ؟؟ يوجعتس شي ؟؟؟
جميلة بضيق و انهيار : لا بس الحلا الي اكلناه كان يجنن بزيادة لدرجة اني مو قادرة يطلع من مخي
توسعت عيون ضاري بصدمة كيف جميلة عرفت و هو فهم قصدها عدل لكن يبغى يتاكد : مافهت ؟؟ شتقصدين ؟؟
جميلة يبكى : ضاري لا تحسب اني ما ادري عن الي صار بينك و بين غلا فالمطبخ و اختباصك من بعد ما شفتها جت تقهرني و بكل برود تقولي بفعلتها و تضحك
ضاري مسك جميلة وهو مضايق من صياحها : تكفين يروحي انتي اهدي انا مستحيل اميل لها و مستحيل يكون لي نظر عندها انا ما اختبصت من شوفها انا اختبصت لان اعرف هالشي غلط و جلست استغفر ربي انه يغفرلي انا مافكرت فيها او باي شي اصلا
جميلة : تبغاني اصدقك ؟؟
ضاري : جميلة والله والله وراستس اني مافكرت فيها بشي غلط والله انا اسف اني نحطيت فهالموقف انا مادريت بفعلتها ولو وقتها كنت ادري مانزلت المطبخ اصلا شفيتس جميلة انا لما خذتس خذتس عن حب و كنت احبتس من حنا صغار و انتي الوحيدة الي تملين عيني والله ياخذ عافيتي اذا شفت غيرتس
جميلة انهارت و حضنت ضاري : خفت والله خفت انقهرت خفت تاخذك مني
ضاري شد عليها : محد بياخذني منتس و خسي اشوف غيرتس اصلا خلاص اهدي ماحب اشوف دموعتس ما ارضى
جميلة بدا تهدا و انسدحت و رجع ضاري مكانه و حمد ربه ان جميلة رضت ولا صارت مشاكل و هو ما يبغى يخسر جميلة ابد هي حب طفولته مستحيل يزعلها و نامو بعدها بهدوء

————————-
بعد اسبوع
————————-

<< المحكمة >>
الكل كان متواجد ابو هذال و عياله و ابو ضاري و عياله و ابو متعب و متعب اليوم بيكون حكم كاسر و كان هذال يعرف الحكم الي بينزل على كاسر من افعاله لانه جاه العلم و هو ضاق و حاول يمهد لعمه شوي شوي لكنه ما قاله بصريح العبارة
بعد مرور ساعة دخل القاضي و بدا يلقي الحكم على كل فرد من العصابة و وصل لكاسر
القاضي : كاسر بن متعب بن قايد ال *** بعد التحريات كان يروج المخدرات من عشر سنين تحت اسم مجهول لكن عرف قبل سنتين باسمه تحت لستة الماهرين في هذا العمل مع الكشف عنها و بيع الممنوعات بين افراد المجتمع مع بيع و توفير الخمر بانواعه مع كشف عمليات تهديد قام بها على بعض المراهقين ليبدئو بالتعاطي و المشي في هذا الطريق و عمليات الت*رش التي قام بها ، مع الكل هذه التهم حكم عليه بالقتل
شهق ابو متعب و طاح عليهم متعب تصنم مكانه من الي سمعه مستحيل اخوه ذا مستحيل مستحيل
ابو هذال مسك راسه من هول الي سمعه ابو ضاري رجع جسمه للخلف وهو مو مصدق ان هذا ولد اخوه و الفترة الاخيرة زوج بنته الي عذبها معاه
العيال تصنمون و توسعت عيونهم من صدمة الي سمعوها لكنهم فزو لعمهم ابو متعب الي انهار انهار و هو توقع الحكم بيكون ثلاثين اربعين سنه راضي بس قتل مهما كان هو ما يقوى قلبه ما يقوى ولده ينقتل