ي بت ي شهد قوومي مش قلتي عندك محاااضره الصباااح يا امي عليك الله خليني اتم نومتي الوقت بدري يااااخ .. بدري شنو اختك شذي من بدري صحت وبتجهز في روحها ي امي شذي دي بتصحي بدري عشان تكمل المكياجات في وشها والمرطبات في جسمها يعني لم تخلص انا بلحقها قالت لي خليك كسلااانه كده ما عارفااك ح تفلحي وتبقي بت نشيطه متين ومشت خلتني وانا كعاااده قمت اطقش ولقيت فعلا الزمن اتاخر وشغاله افتش في هدومي واكورك اسكرتيني الرمادي كان هنا الشافو منو سرييييع ياااخ اتاخرت انا والمحاضره ح تفوتني يا شذي يا شذي الطرحه وين زفته ما سامعااااني يعني وطبعا امي بتعاااين لي كده مش صحيتك وقلتي الوقت بدري تستاااهلي قالت لشذي تعالي اديها الطرحه خليها تسكت شذي جات فتحت الدولاب وناولتي الطرحه قالت لي الزفته منو 😠 شحاااده ولسااانك طويل قلت ليها الواحد ما يهظر معاااك ياااخ 😅 قالت لي هظاار بزفته لمي عليك وتاني كوني رووحك لو سمحتي ده الحوار الروتيني كل يووم
نسيت اعرفكم انا شهد بقرا مختبرات في تانيه واختي شذي اكبر مني بتقرأ صيدله بس عكسي تماااما بتحب نفسها وبتهتم بروحها الصباح ما بتخلي شي ما بتعملو انا بالكتير حدي الكحل ولو اتقطعت بعمل قلوس وبدره كسل بس بعيييد عنكم ونبع الحناان اسمها ساميه وصغير البيت اسمو محمد ممكن تقولو عليهو فاكهة البيت بس امي وابوي خاربنو بالدلع وعندو حصااانه مافي زول يهبشو ونور البيت ابوي الله يحفظو اسمو صلاااح رجل اعمال يعني وضعنا المادي الحمد لله
طلعنا انا وشذي للجامعه ونجي للروتين التاني شكلة المواصلااات اي وحده بتقول للتانيه انا دفعت المره الفاتت المره دي تدفعي انتي وفي الاخر اي وحده بتدفع براااها كأنو ما بنعرف بعض
وصلت الجامعه وقابلت احلي صحبات وجودهم مخفف علي ضغط الدراسه (ريم وهدي وشيماء ورهام) كلهم زي شذي انا الوحيده الكنت فيهم ما بشتغل بالمكياجات كتير عشان كده مسمني عمي عبدو 😅 الحياة عندي ابسط من بسيطه دخلنا المحاضره وكـ العاااده الدكتور كان معاااط بس محمد الملقبنو بـ جنو كان ملطف الجو بتعليقاتو البقوله بتحت 😂
طلعنا من المحاضره ومشينا الكافتريا وكنا بنخطط لعرس ريم صحبتنا
نظام وزرا وشباين وكدا نشيل ونختار ونتغالط في الوان الفساتين ونكورك جو اولاد دفعتنا من ضمنهم واحد اسمو حسن دمو تقيل بس بحاول يتظارف قال لـ ريم اهم شي بعدين ظبطو لينا صحن العشااء واهاا انتو يا البايرااات دوركم متين 😅 نطت هدي قالت ليهو شينه في حقنا نعرس نحن البنات ونخليكم كفاايه ريمو مثلتنا شد حلك انت ومثل الاولاااد الاولااد فكو الضحكه قالو يا جماااعه كان في جبهه هنا مشت وين البلقاها يديها لـ حسن ده قالو ليهو ارح قبل ما يطيرو منك الراس كفااايه الجبهه 😅 ودعونا وطلعو ونحن لسه بنتناااقش وبنخطط وبعد مجادلااات طويييله اخيرا اتفقنا نمشي السوق نشتري الاقمشه بعد بكره لانو عندنا محاااضره واااحده والتخطيط ده كلو والعرس لسه باقي ليهو 3 شهور بس قالو عشااان قريب العرس ما نعديهو جري عشااان ينضفو جسمهم طبعا زي ما عااارفين انا خاااارج نطاااق الحكحكه دي 😅 صحبااتي مشركين لاصحاااب العريس قالو الا يطلعو من العرس ده بنصهم التاني بصراحه عريس ريم لقطه مُز شغال في الامارات عشان كده صحباااتي ختو عينهم علي اصحابو قبل ما يشوفوهم بس حكمو عليهم بعريس ريم نحن قاااعدين ريم ضربت لشذي اختي قالت ليها الا تمشي معانا السوق لاني حسبتك مع الشباين وعشان شذي بتجيني في الجامعه كتييير فـ مصاحبه صحباااتي كلهم واتفقنا علي كده وجينا طالعنا من الجامعه ودعنا بعض وأي زول رجع بيتو 😘 ....
#يتبــــع ⏪⏪⏪⏪
#
