اصبحنا الصباح ويدي لسه كانت بتألمني ومكان الاحمر لونها بقي اخضر حزقت الدم بس ما بينت لزول اتجهزته للجامعه طبعا محاضرتي الس11 بس قلت اطلع بدري احسن من المشاكل دي نزلت تحت لقيت وائل و وليد بشربو في الشاي طبعا وائل اتخلع لم شافني لابسه 😳 قبل ما يتكلم معاي قلت لـ وليد ولي بما انك لابس وطالع قدمني معاك الجامعه قال لي حتي انتي يا شهد ناس بيتنا علموك كلمة سوقني معاك وانا الحاله كنت فاكرك ما زيهم 😅 وائل قال ليهو امشي انت بوصلها انا وعاين لي 😒 قلت ليهو لا انت ارتاح ح امشي مع وليد 😊 وليد قال لي ايوووااا عايزه تريحي راجلك وتتعبيني انا يا زولة ما بتمشي معاي قلت ليهو حيوان ده يلا خلي زول يعمل ليك الحلويات لاصحابك قال لي لا لا والله بهظر انا عندي كم شهد اوصلك جوه القاعه لو حبيتي 😅 وزولكم داك شغال يحمر لي سااي 😂 وليد قال لي مسافه شربتي الشاي ماشي الغرفه وجايي قلت ليهو علي راحتك بعد قام وائل استعدل في القعده قال لي يدك كيف .. حركتها ليهو بجميع الاتجاهات مع انو الالم كان بقطع فيني قلت ليهو زي ما شايف مافي شي بيأثر معاي 😊 قال لي طيب طالعه بدري ليي تقريبا محاضرتك الضهر قلت ليهو لا حولوها الصباح قال لي طيب وليد ما مجبور يوصلك قلت ليهو ما شكا ليك 😊 في اللحظه دي سيلين جابت لي الشاي قالت لي ساهد بيتك هلو زيك قلت ليها ده من ذوقك بس ده ما بيتي ده بيت وائل الساعه الرفع راسو حمر لي 😠 قربت اخت الشاي واجري بس اتشجعته و واصلت الكلام قلت ليها ولأ اقول ليك قولي بيت شهد المؤقت غايتو ما فضل الا يقوم يدقني وانا مبسوطه اني غظتو والله بموت فيهو وفي عصبيتو وسيلين المسكينه ما فاهمه حاجه 😅 ولاء جات قالت لي شهد الليله مالك طالعه بدري قلت ليها مخنوقه ماشه اشم هوا تمشي معاي قعدت تضحك قالت لي طوااالي غايتو كان ما دقاني ما برتاح 😅 وليد وصلني الجامعه ومشيت قعدته في الاستراحه لحدي مواعيد المحاضره بعد نهايه الدوام طبعا اصلو ما اتصلت علي وائل عشان يجي يسوقني قلت للبنات الليله ح امشي معاكم بالمواصلات قالو لي لييه وائل وين قلت ليهم عندو حمي عشان كده قلت ليهو ما يجيني ريم قالت لي خلاص ارح معانا انا ولؤي نوصلك قلت ليها مافي داعي انا زاتي اشتقت لزحمه المواصلات 😅 طلعنا من الجامعه و وقفنا مع ريم لحدي ما لؤي يجي وبعديها نحن نمشي رهام قال لي شهد اتلفتي وراك الواقفه هناك ديك مش عربية وائل قلت ليها اتخيل ليك قالت لي والله ياها هو زاتو جايي علينا واااي قلبي الصغير لا يتحمل قلت ليها عايزاني اتلفت وبرضو ما بتلفت مسافة تميت كلامي اسمع ليك صوتو قال كيفكم يا شباب .. خلعني طبعا
لابس بنطلون اسود وقميص كحلي ومكفكف الاكمام للنص البشوف مزازتو دي ما يشوف كوراكو فيني امس
واللذيذه البنات شبكو ليك سلامتك وكفاره غايتو مشاهم يكون عرفها كضبه مني 😅 قال لـ ريم الزول ده لسه ما وصل قالت ليهو لسه طلع التلفون اتصل عليهو الو لؤي يا حبيبنا وين انت موقف البنات ديك قال ليهو قريب جايي عليكم .. بعد شويه وصل ريم مشت وائل حلف علي باقي البنات الأ يوصلهم مكان المواصلات في اثناء الونسه قال ليهم شهودتي عامله معاكم كيف عاينت ليهو بقعر عيني طبعا عايزهم يفتوني بس ما قصرو شكروني لم انا زاتي اتخلعته هههه بس بعدين شغلوها لي في القروب بكلمة شهودتي دي بعد نزلو وفضلنا نحن الاتنين قال لي صحباتك لييه كان بقولو لي كفاره وحمدلله علي السلامه الحاصل شنو سكت ما رديت عليهو بعد مسافه قال لي شهد تاني لم يكون في خلاف بينا يا ريت نحلو برانا ما تدخلي طرف تالت برضو ما رديت ليهو وقبلت منو
قال لي اها افهم كده انو ده زعل يعني لسه زعلانه مني وما عايزه تتكلمي معاي قلت ليهو ما شاء الله ذكي وبتفهمها وهي طايره قال لي اصلا ذكي عندك شك وفضلنا ساكتين وهو بعاين لي ومبتسم قال وقت مافي زول بتونس معاي احسن افتح MB3 واطرب فتح اغنيه
شووووق قلب كبير عشق كتيير
ماله خير الشوووق
هواااأااء
احتاج له
اتنفسه
انا اعشقه هوااء
ما اقدر علي بعدك دقيقه ما اقدر انا ما اقدااار..
خيالي انت وحقيقه
والحب لك يكبرر
وكل مره طبعا يديني نظره وابتسامه شايفاهو غير طريق البيت بس اصلو ما سألتو قلت ده ماشي وين كمان بس خلي يلف كده ان شاء الله للصباح قال لي ما عندك فضول عايزه تعرفي ماشين وين قلت ليهو مشيك انت ما بهمني تمشي محل ما تمشي 😊 عاين لي وابتسم وفضلنا ساكتين بس كل مره كان بديني نظره لحدي ما وقف العربيه جنب عماره وقال لي انزلي قلت ليهو انزل وين قال لي لم تنزلي ح تعرفي مش من قبيل عامله راسك قوي وقلتي ما بهمك هسه الا تدخلي حتي تعرفي قلت ليهو ولو قلت ليك ما نازله قال لي انتي حره لو عايزه تقعدي هنا اقعدي ونزل ما اشتغلت بيهو كتير فضلته قاعده قلت هسه دي مواعيد زياره يجي فيها لناس اتوكيت ماف في راجل كبير قاعد جنب باب العماره مشي سلم عليهو واتلفت لقاني ما نزلت ابتسم ودخل العماره قلت هسه يقعد يتونس مع صاحبو وينساني في العربيه بعد شويه اشوفو طالع من العماره وشايل ولد قلت اليجي يتم الناقصه يقول لي ده ولدي اصلو ما بستغرب فيهو لم عاينت ليهو لقيتو شايل الشافع ويتكلم معاهو ويأشر لي ويتبسم لم دققت في الشافع هيييي ده حمودي اخوي الجابو هنا شنو سريع نزلت مشيت عليهو سلمت علي الراجل وجيت قلعت حمودي من وائل واشيل واسلم عليهو قلت ليهو حمودي جيت مع منو قال لي ديت مع ماما وائل قال لي نزلتي مالك ما قلتي ما نازله حمرت ليهو وبقيت اتكلم مع حمودي وائل عارفني مسطحه وما عارفه حاجه بس شغال يتبسم فيني ابتسامة شماته 😊 بقلبي قلت ناس امي جو لمنو و وائل عرفهم كيف بتكلم كده وليد جا طالع قال لينا انتو داقين الحنك هنا والضيوف قاعدين في بيتكم بدل كده اطردونا مره واحده يا دوووب جمعتا الكلام بيتنا 😳 يعني دي الشقه طيب مش قالو نجي فيها يوم الجمعه جو الليله مالم 😢 مسكت في وليد والله الا تدخل معاي قال لي يا زوله سوقي معاك راجلك ما كفايه انا قبيل وصلتك الجامعه شايفك بقيتي تستنزفيني اكتر من راجلك وائل شوف مرتك دي وائل قال ليهو لو قلت ليها لا واصريت علي كلمتك كانت خلتك قلت ليهو انت الله يخليك للزي ده 😒 قلت لـ وليد طييب الـ ح يسوي ليك الجاتو منو قال لي شهد انتي ح تقعدي تهددي فيني طوالي كده 😅 قلت ليهو لا اخر مره ارح .. عايزين نمشي وائل شال مني حمودي قال لي تقريبا جا معاي انا ما ناقشتو خليتو ودخلت مع وليد ركبنا الاصانصير نزلنا في الطابق 5 بعد نزلنا من الاصانصير وليد ثبتو قال لي لحدي هنا ما قصرت معاك والله ما فضل الا تدقي الجرس يفتحو ليك خليني انزل بالاصانصير طوالي بدل يمشي ويجي بقلبي قلت ليهو حيوان ده انا لو عارفه ياتو باب بجيبك معاي من تحت قلت ليهو تم جميلك ياخ وتعال دق الجرس بنتكلم كده عمو محمد فتح الباب طالع قال لي اهااا الباب زاتو فتحو ليك قلت ليهو يلااا شوف ليك زول يعمل ليك الحلويات
مشيت سلمت علي عمو محمد قال لي ست البيت الدار ترحب بيكم قلت ليهو تسلم دخلت لقيت امي وشذي وخالتو نوره و ولاء سلمت عليهم وباركو لي البيت خالتو نوره قالت لي قلنا نعملها ليك مفاجأه بدل الجمعه اصلا البيت جاهز بس ترصو هدومكم قلت ليها ما بتقصري سيلين قالت لي ساهد انا كل يومين بجي انضف ليك السكه الموكته مسكت في الاسم 😅 قلت ليها مشكوره بس انا بنضف ما بحتاج طبعا شذي ميته من الضحك في كلمه ساهد قالت لي يا حليل اسمك وخساره السمايه 😅 وائل جا داخل بقينا نتونس كلنا وائل قال لي اها يا شهد لقيتي البيت كيف طبعا جنب ديل ما اقدر اطول لساني قلت ليهو حلو ولاء قالت لي انتي ما شفتيها تعالي افرجك فيها بدينا نلف انا و ولاء وشذي دخلنا المطبخ معمول نظام مطبخ فرنسي فاتح في الصاله وتاني غرفتين وحمامين واحد داخل غرفة النوم و واحد خارجي طبعا لم دخلنا غرفة النوم شذي و ولاء بقو يشغلوها لي فجأءه جا داخل وائل قطعو الحركه كلاب ما كان تواصلو 😅 براحه عملو انسحاب تكتيكي لم جيت طالعه وائل اعترض طريقي وقف لي في الباب 🙈 قلت ليهو زح قال لي ولو ابيت بقيت انادي يا شذي تعالي شيلي معاي ده زح لي وقعد يضحك حيوان
بالجد الشقه تحفه العصر جا ابوي يبارك لينا البيت وطبعا انا متلصقه جنبو وقعدو لحدي المسا كلهم قالو ماشين اهلي واهل وائل وانا شغاله احلف فيهم الا يقعدو خالتو نوره قالت لينا بعد ده الا نبيت معاكم قلت ليها طوالي يا ريت والله
وبقو يقولو لينا ان شاء الله تتهنو بيها وتبقي ليكم دار سعاده وخالتو نوره قالت لينا ان شاء الله تبقي وش سعد عليكم وتجيبو لينا احفاد يملو لينا حياتنا في اللحظه دي سرقت النظر عاينت لـ وائل لقيتو يتبسم ومسح شعرو بس ده الفالح فيهو .. وجن اتشبكت قال الا تقعد معانا بس احموها وانا بقيت احلف فيهم الا يخلوها في النهايه طلعو كلهم نزلنا معاهم تحت نودعهم وائل قال لي اها ح تركبي ترجعي مع منو قلت ليهو ده الدايرو انت ولويت خشمي بس لم عرباتهم اتحركت دموعي رقرقت جينا طالعين وائل بقي يكاوي فيني مسكينه خلوها براها طبعا دموعي رقرقت بس قلت الليله اصلو ما ببكي قدامو دخلت المطبخ اشرب مويه انزل بيها العبره لم قفلت التلاجه اتلفت لقيتو واقف وراي جيت اتخطاهو خت يدينو الـ2 في التلاجه وحبسني في النص قلت ليهو زح خليني امشي قال لي ما ح تتحركي الأ اشوف يدك 😊 انا خلاااص دوبته لانو ما فاصلنا الا سنتمتر باماره اني شامه ريحتو قلت ليهو وائل ما دايره معاك هظار 😒 قال لي والقال ليك منو بهظر معاك نشوف الليله الـ ح يتنازل للتاني منو بقيت واقفه ومدنقره وبقلبي بقول اوعك تتضعفي يا شهد قال لي طيييب ح اخليك تمشي بس بشرط توعيديني انك تخلي عنادك او علي الاقل تخففي منو .. طبعا انا ساااكته رفع راسي من حنكي بيدو وفضل ماسكو قال لي والله يا شهد عنادك ده ما بضر زول غيرك اها قلتي شنو حسيت بروحي زي الزول الـ عملو ليهو تنويم مغناطيسي هزيت ليهو براسي حاضر مسح لي خدي قال لي بعد ده ممكن تمشي وبعد اتحركت من جنبو براااحه قال ملاكي انا .. شكلها طلعت منو عفوا وانا ما كضبت طواااالي شلت كرعيني وجريت الغرفه وقفلتها بالمفتاح 😅 جا دق لي الباب قلت ليهو مالك وطبعا قلبي سامعه دقاتو باضاني قال لي عايز شنطتي ناس وليد قبيل دخلوها معاك قلت ليهو طيب ناولتها ليهو وبقيت واقفه ورا الباب قال لي تاني في الشنطه صغيره عاينت لقيتها دي الشنطه القال لي امانه يا ربي مالو ماسكها لحدي هسه اديتها ليهو قال لي بكره محاضرتك الس كم قلت ليهو 8 وقفلت الباب الوضع ده رجعني لزكريات دبي 😔 بس تاني اتزكرته موقف التلاجه وحياة سمع اضاني قال لي ملاكي انا .. هو صاح ما قاصد يسمعني ليها لانو قالها براحه وبعد زحيت منو بس سمعتها وبقيت اتبسم زي المجنونه
اصبحنا الصباح وانا مبسوووطه اتحممته ومشيت عملت الشاي وهو لسه ما طلع من غرفتو وجيت اتجهزته للجامعه لبسته اسكيرتي اسود وجكت اسود وقميص كبدي وطرحه كبديه وعملت لبشاين كبدي مع لوني طلع ظابط طلعته لقيتو قاعد في الصاله 😍 وخاتي صينيه الشاي قدامو ناولني الشاي بعد شربنا وجينا طالعين قال لي دقيقه دقيقه طالعه كده 😒 قلت ليهو اي في شنو وبقيت اعاين في هدومي قال لي خففي الفي خشمك ده عايزه تلفتي انتباه منو هناك 😠 حيوان خلاااص انا متظبطه ليهو هو .. وهو بفكر في الاولاد البره غاظني قلت ليهو ما ح اخففو قال لي حلو ممكن امسحو بطريقتي وبـ سحري احولو عندي في ثواني وبقي جايي علي خفته بسرعه شلت المنديل مسحتو 😅 قعد يضحك قال لي بعد ده ممكن نمشي وصلنا الجامعه قال لي الدوام بنتهي الس كم قلت ليهو 5 م كضابه يا انا من 2 بنتهي بس قررت ارجع بالمواصلات عشان حركاتو دي بعد انتهينا من المحاضرات طبعا عشان البيت جديد علي ما بعرف امشي بالمواصلات اطريت اركب امجاد واختكم شابكاهو لف شمال لف يمين لحدي ما وقف جنب العماره سألت البواب قلت ليهو وائل في البيت ما شايفه عربيتو قال لي لا من طلع معاك ما رجع قلت احسن شي 💃🏻💃🏻 طلعت الشقه نسيت اقول ليكم وانا طالعه شلت نسخه من مفتاح الباب دخلت بعد اتحممته قلت اعمل حاجه للغدا وقت فاضيه تاني اتزكرت انو ناس امي وخالتو نوره ما قصرو ملو لي التلاجه فتحت التفزيون اتذكرته الشنطه الخاتيها وائل وقال امانه مع اني ما مصدقاهو قلت امشي افتحها اشوف فيها شنو واقطع الشك باليقين اااي عارفه عدم الشغله بعلم الحرمنه 😅 دخلت غرفتو ورفعتها في نص السرير لقيتها مقفوله بارقام قدر ما حاولت افتح الارقام غلبني في النهايه استسلمته ختيتها في مكانه وطلعته قلت يا شهد حرام عليك ما صاح تخلي يصل الجامعه شلت التلفون اتصلت عليهو قال لي خلاص انتهيتي قلت ليهو اي قال لي انا مع امي لكن جايي عليك طوالي بلعت ريقي وقلت ليهو لا ما تمشي الجامعه اني جيت راجعه البيت قال لي شنووو ياتو بيت قلت ليهو بيتنا قال لي يعني انتي هسه جوه البيت قلت ليهو اي بعديها طوالي قفل الخط في وشي طبعا عرفت انو الجايي ما مطمن بعد نص ساعه اسمع ليك الباب فتح وقفل قلت خلاااص يا شهد يا حليل كنتي طيبه والله اول حاجه عملتها قعدته في وضع استعداد كان في شي اجري الغرفه جا شال الرمود قفل الشاشه ورمي مفتاح العربيه بزعل في التربيزه القدامي قال لي بعصبيه يعني يا شهد ما عارف اعمل معاك شنو قدر ما الزول يحاول يكون معاك هادي انتي تنرفزيهو 😠 مش قلت ليك اضربي لي الجابك بالمواصلات شنو قلت ليهو بس انا جيت بامجاد قال لي حتي ولو وبعدين ما تنسي انا راجلك ما رجل كرسي في البيت ده قمت اتزكرت العملو في يدي وقفت علي حيلي قلت ليهو لا ما نسيت بس شكلك انت النسيت انو راجلي بس علي الورق قال لي اهااا دي كل المشكله طيييب هسه زواجنا بدل يكون علي الورق يكون علي الواقع وجايي علي شلت التوب في يدي وجري علي غرفتي 😅 بعد شويه جا دق لي الباب قال لي تعالي اعملي الغدا قلت ليهو سخن من التلاجه انا ما عايزه قال لي تعالي والله ما بسألك انا قلت ليك كده بس عشان اقصر لسانك الطويل ده 😅 لبست التوب لانو كنت لابسه اسكرتي وتشيرت استغفر الله 🙈 سخت الاكل وحضرت الصفره النصيحه ما اتعرض لي بس شغال يتبسم ابتسامه انتصار وكده 😊 وعدا اليوم واصبحنا الصباح كعاده وصلني الجامعه جيت انزل قال لي صلحي الطرحه دي بس المره دي غريبه ما سألني بنتهي الساعه كم 😳 ودعني ومشا دخلت الجامعه لقيت البنات ريم براحه قالت لي شهد انتي و وائل متشاكلين قلت ليها لا ليي قلت دي عرفت من وين كمان معقول وائل الحيوان حكي لي لؤي و لؤي حكي لـيها 😒 قالت لي عشان امس دخل لي في الواتس قال ارسل ليهو الجدول بس عليك الله ما تقولي ليهو ريم كلمتني قلت ليها اي عشان امس رجعت بأمجاد وما اتصلت عليهو واطمني ما بقول ليهو انتي قلتي لي قلت طييييب يا وائل بتتجسس علي بعد الدوام انتهي وحياتكم ما خليت زول ما اتونست معاهو عشان أأخر الوقت وجاتني منو كم مكالمه عرفتو واقف بره ابيت ارد عليهو ريم قالت لي شهد ارح ياااخ قلت ليها اطلعي انتي انا وائل لسه ما جا قالت لي يلااا خلاص لبكره ودعوني وطلعو شهد جاتني راجعه قالت لي ريم وائل واقف ليك بره وانا اصلا عارفه واقف 😅 قلت ليك انتي امشي وانا بجي وراك قالت لي شهد امشي قدامي جرتني وطلعنا نحن في الباب لقيت شله ناس محمد جنو واقفين ومعاهم بنتين من دفعتنا ما صدقت وقفت معاكم وزولكم شايفني لاني واقفه قصادو ريم قالت لي هوووي بعد ده لؤي بشاكلني والله يا شهد انتي تستاهلي الكتل ودعتني ومشت وانا وقفت قصادو وشغاله اضحك واتبسم من غير سبب محمد جنو قال لي والله يا شهد لو عارفك بتبقي مزه كده كان ارتبطت بيك قلت ليهو هسه ما فاتت حاجه انفصل عشانك قال لي تخلي المغترب ونرتبط ونعيش ناكل الشيتات قعدنا نضحك اشوف ليك زولي نزل من العربيه وجايي علينا قلت ليهم يلا يا شباب لبكره ومشيت ليهو قلت ح يجي يشاكلني جنبهم لم وصلني قال لي ارجعي نسلم عليهم قلت ليهو لييه قال لي حابي اتعرف عليهم مش زملاء مرتي طبعا مشينا ليهم وقلبي في يدي قلت بس ح تتحرجي يعني ح تتحرجي من الاول في داعي يا شهد وصلناهم وعرفتو عليهم وكل ما اعرفو علي ولد واقول اسمو هو يكرر الاسم قلت ليهم ده وائل زوجي بعد سلم وسألهم من الدراسه وكده قال لي بعد ده نمشي يا شهد ونحن ماشين مسك لي يدي قوي جيت افكها ضغط عليها موقفي بقي بيش جنبهم واااي محمد جنو ح يشيل حسي في الجامعه فتح لي الباب ركبت
بعد دور العربيه قلت ليهو انت كيف تتجرأ تمسك يدي جنب الاولاد قال لي زي ما انتي اتجرأتي انك واقفه تتونسي معاهم وانا منتظرك سيادتك في العربيه 😊 وبعدين زعلانه مالك راجل ماسك يد مرتو وين الغلط في الموضوع حمرت ليهو وسكت 😒 قلت لو ناقشتو تاني ح يقلب بينا العربيه بقلبي قلت ليهو خليتك لقلبي وعزابو 😅 وصلنا البيت واي زول ماسك خشمو عليهو البركه في MB3 بعد الغدا قال لي شهد لو مافيها حاجه عايز كبايه شاي لو ممكن قلت ليهو جدا عملت ليهو الشاي وبقينا نتكلم عادي
المسا وائل فاتح فلم اجنبي عن لعبه دميه بتقتل الناس وبتمتص دمهم بديها طاقه المهم الفلم كان ظريف حضرناهو للاخر واي زول دخل غرفتو يلااا ظرافة الفلم ديك كلها اتحولت لي لـ خوف وتهيئات غلبني انوم ولعت النور برضو ما قدرت انوم وكان في دبدوب كبيييير مختوت منظر في الكورنه في الغرفه وحياتكم عيني وقت في الدبدوب جاني احساس اني انوم ويهجم علي ما كضبت شلت طرحتي وجري علي غرفة وائل وقفت في الباب مسافه متردده اني ادخل ولأ ما ادخل وما عندي حل تاني اتوكلت علي الله وفتحت الباب براااحه دخلت لقيتو نايم مشيت براااحه اديتو نظره وجيت رقدته جنبو في طرف السرير قلت بكره الصباح بدري قبل ما يصحي اطلع من غرفتو وهسه لو حصلت حاجه بقدر امد يدي اصحيهو علي كده نمت وانا مطمنه وراحت علي نومه لم صحيت لقيتو مقبل علي ونايم يا الله حتي وهو نايم يجنن اتأملت في وشو قلت يا بت بطلي انبراش وقومي قبل ما يحس بيك جيت اقوم مسكني من يدي لم خلعني الحيوان قال لي علي وين انتي بتجي علي كيفك وتمشي علي كيفك وكاله من غير بواب قلت ليهو انت صاحي قال لي من قبل ما انتي تصحي بس كنت بتأمل في القمر وهسه عايزه تتسحبي براحه قلت ليهو بصوت مبحوح امس بعد الفلم غلبني انوم من الخوف وانت مش قلت لي اعتبريني زي اخوك عشان كده جيت نمت هنا قال لي اهااا وبتقومي ترقدي مع اخوك في نفس السرير يا شيخه وجراني عليهو ومسكني بي يدينو الاتنين من نصي قال لي شهد كفايه كده تعالي نخت النقط علي الحروف اصلا فضل لي اسبوع واسافر ولحدي هسه ما لقينا سبب طلاق مقنع لاهلنا عارفه ليي لانو نحن زاتنا ما مقتنعين صاح !! طبعا انا ساااكته ومدنقره بعاين في فنيلتو غايتو حسبت عدد الخيوط المصنوعه بيها 😅 قال لي لو انتي عايزه تطلقي عشان اللخبطه الحصلت في العرس فـ اطمني الموضوع داك نسيتو والله من يوم بقيتي في عصمتي ولو عندك سبب تاني يبقي ده موضوع تاني وما ح اضغط عليك عندك فترة اسبوع تفكري فيها ومن ناحيتي كفايه اقول ليك انك ملكتي روحي وحياتي وحك انفو مع انفي و واصل كلامو بس في الاخر القرار يرجع ليك وانا بحترمو وبنفذو في الحالتين اهم شي راحتك وانا قلت العندي .. انتي عندك اي حاجه عايزه تقوليها هزيت راسي بمعني لا باسني في راسي ونزل قال لي انا ماشي اتحمم انت ناسيه عندك جامعه ولأ عايزانا نطلع من غير شاي طلعت سريييع عملت الشاي وبسبب التفكير حرقت يدي بس ما وريت وائل لانها بسيطه مشيت الجامعه وجيت راجعه وانا ما فاهمه حاجه اليوم كلو كنت بفكر وعقلي مشوش بين ابدأ حياة جديده زي ما بقول ولأ اواصل في فكرة الطلاق واتوصلت لقرار واتبعت قلبي انو اواصل في حياتي الزوجيه وارضي بالواقع طال ما وائل متمسك بي
دخلت المطبخ اعمل الغدا وعايزه اطير من الفرح سمعت صوت تلفون وائل يضرب كان خاتيهو في الصاله مشيت ادي ليهو لفتني اسم المتصل روح روحي تتصل بك بعديها حسيت براسي تقيل وشفت طشاش طشاش من الزعل تاني قلت يا بت ما تظلميهو احتمال دي خالتو نوره مسجلها كده فتحت الخط الووو جاني صوت بت قالت لي ده تلفون وائل قلت ليها اي انتي منو قالت لي عايزه وائل لو سمحتي ....
#يتبــــع ⏪⏪⏪⏪
