بعد شويه جا وائل دق باب الغرفه قال لي شهد اتلفحت بالتوب وفتحت قلت ليهو نعم ومعاها ابتسامه قال لي بما انو حلينا الخلاف البينا ممكن نطلع نتعشا مع بعض عربون صداقه وكده قلت ليهو نتعشا وين قال لي في اي مطعم تختاريهو بقلبي قلت ليهو البسمعك يقول لفلفتني دبي وعرفت اسم المطاعم عشان اجي اختار لي واحد وبعدين عايزني اطلع معاك بشكلي ده وشي زي الطماطم وعيوني مورمه من كترة البكا قلت ليهو لا خليها المره الجايه قال لي افهم من كده انو ما قبلتيي صداقتنا عشان كده ما وافقتي قلت ليهو لا والله بس مصدعه قال لي طيب اكيييد ما عندك مانع نتعشي هنا مع بعض وندردش حبه قلت ليهو تماااام ما عندي مانع قال لي خلاص ح انزل اجيب العشا واجي قلت ليهو تمااام قفلت الباب وشغاله انطط من الفرح اخيرا ح نجتمع في الصفره سوا وبكامل رضاهو دخلت اتحممت ولبست هدوم كده استغفر الله العظيم 🙈 جلباباتي في الغسيل وائل لسه ما جابها لي واتكحلت عشان عيوني تتفتح شويه من الغطسه الغطسته بكترة البكا وعملت مكياج خفيف وبقيت منتظره بعد شويه سمعت باب الشقه فتح واتقفل جا دق لي الباب قال لي اطلعي العشا مسافة البتزا حاره اتلفحت توبي وطلعت لقيتو راصي الصفره جاب معاهو بيتزا وفطائر وخاتي جك العصير والكبابي قال لي اتفضلي وهو مبتسم قعدنا وبدينا ندردش ونتعرف علي بعض صاح انا كنت مرتبكه حبه بس من ناحيه تانيه كنت طايره من الفرح اتعشينا ولمينا الصحانه سوا في المطبخ واي زول قال للتاني تصبح علي خير ودخل غرفتو اي بعد الونسه دي كلها لسه ما اجتمعنا في غرفه واحده 😅
نص الليل صحيت عطشانه مشيت المطبخ اشرب شايله كباية المويه كده الكهربا قطعت وانا عندي فوبيا من الضلااام من الخوف مسكت شربت الكباية كلها في جغمه واحده وختيتها 😅 والشقه عشان مقفله ما شايفه حاجه الضلااام عااااتم وشغاله اقول واااي يا شهد شلاقتك الطلعتك من غرفتك الوقت ده معقول الكهربا هنا برضو بتقطع لااا اكيييد ده حرامي طفي النور عشان ما تشوفيهو ويقوم يقتلك ويهرب .. بعيييد عنكم متأثره بافلام الاكشن 😅 جيت ماشه براحه وبقرأ في التشهد قلت علي الاقل اموت شهيده فجأءه طقشت زول اطول مني ما كضبت فكيت ديك يا الصرخه قفل خشمي بيدو لقاهو في الضلام ده كيف الله اعلم 😅 بقي يقول لي شهد هسسسسس انا وائل وانا لسه مهستره ما مستوعبه كلامو شغاله اكورك بس كاتمها لي بيدو وحضني عليهو شديييد باليد التانيه شهد قولي بسم الله انا وائل لم استوعبته الحصل بدل افكو من الخلعه مسكت في فنيلتو بورا وبقيت مكنكشه فيهو وببكي وهو لسه حاضني وشغال يقول لي اهدي قولي بسم الله اها الحمد لله الكهربا جات لم فتحت عيوني لقيت ليك المكان كلو منور ووضعي كان ااااسف وانا حاضناهو خجلت ليك يا روحي 🙈 فكيتو برااااحه وقمت جاريه علي الغرفه بقي ينادي فيني شهد اقيفي دقيقه وحياتكم كانو مافي زول بتكلم دخلت غرفتي وقفلت الباب جا دق الباب قال لي شهد انتي كويسه قلت ليهو بصوت مكسور وخجلااان اي قال لي يلا تصبحي ع خير ولا رديت ليهو زاتو من الخجل 😅 غطسته تحت البطانيه واااي ي شهد ده شنو الموقف البيش الختيتي نفسك فيهو ده يعني بعد ما علاقتنا بدت تتحسن تقومي تعملي الموقف الزباله ده تاني تواجهي وائل كيف بتكلم كده لحدي ما نمت صحيت الصباح اتحممته ولبست اسكيرت قصييير مع تشيرت ربع كم 🙈 وبقيت منتظراهو يطلع عشان ما اقابلو من موقف امبارح بعد مسافه سمعت باب الشقه فتح وقفل قلت الحمد لله طلع جيت طالعه من الغرفه
من غير توب ماشه بكل ثقه انو مافي وصلت بدايه الصاله لمحتو ليك قاعد رفع راسو عينا وقعت في بعض قال لي شهد دقيقه ما كضبت قبل ما يتم كلامو قمت جاريه رجعت الغرفه والجري زاتو غالبني مع الاسكرتي غايتو يا صحباتي عملتوها فيني دخلت الغرفه وجسمي كلو يضرب يعني بدل موقف واحد بقو اتنين وكمان شافني باللبس ده هسه يقول علي شنو بتكلم كده سمعتو دق الباب قال لي شهد ابيت ارد عليهو تاني دق قال لي شهد شفتك مافي طريقه تعملي نايمه اطلعي عايزك في كلمتين قلت ليهو حااااضر عاااد مافي طريقه زوقه بعد كده قبضه بالثابته 😅 واااي هسه اقابلو كيف بعد ده جرجرت توبي وطلعت ليهو من شافني قعد يتبسم وانا لو بيدي الارض تتشق وتبلعني قلت ليهو نعم ومن الخجل بقيت واقفه بقينا عاملين زي الاستاذ النادى طالبتو 😅 قال لي ح تفضلي واقفه كده اقعدي قعدت في طرف الكرسي لقيتو خاتي قدامو صينيه الشاي قال لي تشربي كم معلقه سكر قلت ليهو 2 ناولني الشاي مع البسكويت
ختيتو في التربيزه ومدنقره راسي طبعا دي اول مره القاهو منتظرني بالشاي قال لي يعني انتي مصره انو نلعب لعبة توم وجيري قلت ليهو كيف يعني 😕 قال لي زي هسه ما كنتي عايزه تلاقيني بأماره ما طلعتي من غرفتك الا بعد سمعتي باب الشقه اتفتح واتقفل وافتكرتيني طلعت صاااح ولأ لا 😊 ما رديت عليهو الحيوان غشاني فتح الباب وقفلو اساس طلع كشفني ياااخ 😅 قال لي نحن مش امس اتكلمنا وحلينا كل سوء التفاهم البينا قلت ليهو صاح قال لي طيب بتتهربي مني ليي قلت ليهو ما قاعده اتهرب منك قال لي اممممم يا شيخهه بأماره قبل شويه لم شوفتيني جريتي رجعتي 😅 سكت اقول شنو عاد قال لي تعالي نتفق لم تكون عندك مشكله او اي كلام تواجهيني بيهو طوااالي بدل تمسكي في قلبك وتمرضي زي المشكله الفاتت دي كان واجهتيني بيها ما كان صدعتي 3 ايام وما تنكري صداعك كان من الموضوع ده صاااح فضلت ساااكته 😢 قال لي تاني لو في حصلت اي حاجه بينا نتفق انو نتواجهه اتفقنا هزيت ليهو براسي اي
