شذي دخلت القروب قالت ليهم ما شفتو اهل وائل جايين بكره وبقو مشغلنها لي هدي قالت لي سبحان الله من عم عبدو لمدام وائل حكم والله 😅 شذي قالت ليهم احيييي يا انا اشيل واتنضف لعرس ريم وهي مرتاااحه في النهايه جات شالتو جاهز انا شغاله بس اضحك ريم قالت لي شهد بكره مكياجك علي ورهام قالت لي تسريحتك علي بس انتي سلمينا نفسك قلت ليهم تمااام عليكم الله تعالو بايتين معاااي وتاني يوم نمشي الجامعه من بيتنا قالو لي اكييييد بس جهزي لينا السراير قلت ليهم لا ح تنومو في الارض قالو لي كلبه دي نحن جايين لمنو قلت ليهم عليكم الله بكره تعالو بدري ريم قالت لي انا غايتو بجي مع نسابتي ناس العريس قلت ليها ابقي مره قالت لي براااحه ما يطق ليك عرق بهظر والله بجيك بدري ...
اصبحنا الصباح وانا عندي احساس اني فرحانه ومتوتره في نفس اللحظه زي الضهر كده جونا خالاتي يشيلو ويباركو عسسسل ياااخ جو اشتغلو مع امي العشا والعصر جو عماتي وجوني البنات بعد شوفتهم اطمنته حبه زي المغرب البنات استلموني ظبطوني تماااام انا زاتي ما عرفته روحي في المرايه ريم خطيره في المكياااج رهام جات تسرحني قلت ليها براحه علي الشعر ده لانو بقي املاك ناس ضربتي قالت لي غايتو الحسنه في المنعول بعد المغرب جو ناس العريس لم سمعتهم بقولو ليهم اتفضلو حسيت بقلبي اشتغل دلوكه الرجال دخلوهم الصالون والنسوان قعدو في الهول صحباتي سلمو عليهم وضيفوهم وكل مره يجيبو لي الشمار ويجو قالو لي بعد يتعشو اطلعي من الارتباك قلت ليهم ياااخ امشي قولو ليهم العروس مافي قعدو يضحكو فيني شذي قالت لي احيييي لو دي انا كان طلعت سلمت عليهم ووقفت في نصهم زغرته قعدنا نضحك كده جات بت خالتي داخله ومعاها ولاء قالت لي مرت اخوي العسسسل طبعا وشي بقي عاامل كده قلت اجي اسوقك غلبني اصبر لمن تطلعي قلت ليها بطلع بعد شويه ما هسه قالت لي يعني بعد نحن نمشي ولا شنو 😀 لانو نحن خلاااص طالعين وما في زول غريب ديل خالاتي وعماتي يعني خالاتو وعماتو لراجلك المستقبلي وااااي انا ساعة قالت لي راجلك قربت اقول ليها عيديها تاني قالت لي طيب وانا ماشه معاها حاسه برجليني مهويه من الارض وكل خطوه ضربات قلبي بتزيد قعدوني في الكرسي وجات امو سلمت علي قالت لي ربنا يتم ليكم علي خير وعرفوني بخالاتو وعماتو قعدو حبه وقالو ماشين ودعونا خالتو نوره (اي من هسه بقول ليها خالتو شويه كده وكنت ح اقول ليكم ماما نوره ) المهم خالتو نوره قالت لامي خلااااص نحن جاهزين وانتو خليكم جاهزين اول اجازه ليها ح نتم العرس امي قالت ليها ان شاء الله طبعا انا بقيت عاااامله كده صحباتي قالو لي واااي يا شهد يعني بعد 3 شهوور قلت بقلبي لااا يااااخ 3 شهوور بسيييطه بعد طلعو جو اعمامي وخيلاني باركو لي وبقو يشكرو في ناس العريس قالو ناس تماااام جا ود عمتي بارك لي قال لي ما قلتي عايزه تتمي قرايتك ولا مغترب الامارات بقطو ليهو القرايه وبتاع السعوديه لا طبعا ما قلت ليكم ده ود عمتي مغترب في السعوديه قبل سنه اتقدم لي وقلت لابوي ما دايراهو عايزه اخلص الجامعه اول هسه دي لحظه يحرجني فيها حيوان خلاااص اصلي ما بطيقو عمي قال لي والله العريس زاتو شكلو محترم قلت اجيييي عمي شافو وين ؟؟ نط خالي قال ليهو اي والله من طريقه كلااامو زول عاااقل وفاااهم بقيت عامله كده قلت قابلوهو وين ديل لم بشكرو فيهو كده ؟؟
بعد اعمامي وخيلاني مشو ابوي ناداني قال لي يا شهد اها بعد شوفتي اهلو رايك شنو طبعا انا ساااكته غلبني ارد امي قالت ليهو شهد خجلانه زي ما بقولو السكوت علامة الرضا قال ليها لاا الا اسمعها وبقي منتظر ردي غااايتو يا ابوي خجلتني قلت ليهو بصوت وااطي زي ما قالت ليك امي قعد يضحك قال لي والله ما فيهم كلااام حتي وائل اتكلمنا معاهو صوت وصوره وشكلو شاب محترم وزول مسؤول بعد ده ممكن اطمن علي مستقبلك قمت من جنبو دخلت الغرفه لقيت البنات يعلقو قلت ليهم هييي ما تقطعو في نسابتي 😅 قالو لي وااااي شهد خلااص باعتنا شذي قالت ليهم ولسه ما شوفتو منها حاجه وواصلنا الونسه سهره صباااحي .....
وفي اثناء الونسه تلفوني ضرب رهام ناولتني ليهو قالت لي هاك ده رقم عااالمي يتصل بخلعه قلت ليها رقم عااالمي بري يكون الرقم غلط ردي عليهو انتي طبعا كنت جاااده نسيت وائل خاااالص مع الونسه وبعدين الخطوبه لسه جديده 😅 قعدو يضحكو قالو لي واااي من غبااااك هدي قالت لي انا ما عااارفه ح تمسكي بيت كيف طبعا ده كلو والتلفون بضرب ريم شافت الرقم قالت لي وربي ده مفتاح الامارات بعد كلام ريم اتزكرت وائل ومسكتني الرجفه قلت لشذي اختي ردي انتي قالت لي لو رديت انا بشلبو منك بتكلم كده ريم فتحت الخط وختتو لي في اضاني اسمع ليك زول قال الو قلت الو قال لي يا هلاااا معاااي شهد قلت ليهو اااي قال لي معاك وائل اقسم شويه كده والتلفون كان ح يقع من يدي شده ما مرتبكه قلت ليهو اهلين قال لي بس ما اكون ازعجتك قلت ليهو لا عااادي .. ياااااااخ ده فيهو صوووت يدوووش تتمني ما يسكت قال لي كنت ح اقفل وقت طولتي في الرد قلت تكوني نمتي قلت ليهو لا صاحيه بس التلفون كان بعيييد كضاااابه يا رااابحه 😅 وبدينا نتعرف وكل مره وحده من صحباتي تجي تخت اضانه معاااي في السماعه 😅 اتونسنا شويه كده ريم شالت التلفون سلمت عليهو وباركت ليهو طبعا ريم بتعرفو قابلتو كم مره مع لؤي وتاني ادتو لشذي وبقو يتبادلو فيهو يباركو ليهو حسسوني زي العقدنا غايتو ح يكون ندم علي اتصالو لانو متصل بالرصيد 😅 في الاخر ادوني ليهو قال لي صحباتك ظريفات قلت ليهو تسلم قال لي بكره شغاله جامعه قلت ليهو اي قال لي خلاااص ما اساهر بيك ح اتصل عليك بكره قلت ليهو تماااام قال لي تصبحي علي خير قلت ليهو وانت من اهل الخير قفلت الخط يااااخ اتمنيتو ما يقفل صحباتي قالو لي واااي يا شهد الله اداك راجل حسن الخلقه والصوت يااا رب يدينا اشباه وائل 39 ريم قالت ليهم عيبو لي لؤي
#يتبــــع ⏪⏪⏪⏪
