بعد شويه جا دق لي باب الغرفه قال لي شهد انتي كويسه قلت ليهو اي قال لي بطلي جرسه كلها 3 شهور وترجعي حيوان خلاااص غالبو يدخل يطبطب علي وبعدين كل مره شابكني كلها 3 شهور وترجعي زي المتضايق من وجووودي 😒 ...
المغرب اذن اتوضيت صليت وبقيت ادعي انو ربنا يرد غربتي والقاهم سالمين تامين بعد شويه جا وائل تاني دق الباب حقو الواحد يقلع الباب ده نشوفو تاني بدق شنو 😒 البشوفو يدق الباب يقول انا بت جيرانهم وقاعده معاهو 😏 قلت ليهو اتفضل وكالعاده فتح الباب وواقف في مكانو قالي لي شهد عايزه حاجه قلت ليهو لا تسلم قال لي خلاااص انا طالع النادي وح اتاخر اتعشي ما تنتظريني دي مصيبه شنو دي ي ربي انا معرساهو ولا معرسه الشقه 😳 طلع حتي ما استني ردي وانا بخاااف اقعد براااي وخاصه المكان غريب علي بعد سمعت باب الشقه قفل جريت قفلت باب الغرفه بالمفتاح ودخلته تحت البطانيه العشاء اذن كويس انو الحمام داخل الغرفه قمت صليت وجيت راجعه تحت البطانيه وشغاله اقرأ في يس والمعوذتيت لحدي ما نمت ما صحيت الا الصباح وكان اليوم جمعه قمت بدري اتحممت وسرحت شعري وعملت الكحل كالعاده واقفه في المرايه وبتكلم مع نفسي كأنو امي قدامي قلت ليها بتك فشلت في اليوم الاول بالنسبه لوصيتك لكن اوعدك يا امي اطبقها الايام الجايه وانا بتكلم دموعي رقرقت قلت هوووي يا شهد خلاااص بديتي تتعولقي كفايه بكا اوووومممح حلاتك يلااا ارح ده كلو في المرايه طبعا نسيت اقول ليكم اني مرات مجنوونه 😅 وجيت طالعه لقيتو لسه ما طلع من غرفتو عملت الشاي وختيت الكبابي والبسكويت في الصينيه انا شايلاهم وطالعه من المطبخ جا طالع من غرفتو تاني ح اقول ليكم ما شاء الله عشان ما اسحرو يااااخ الولد ده كل مره بزيد حلااااوه جا شايل ليهو كرتونه في يدو قال لي صباح الخير قلت ليهو يسعد صباحك ناولني الكرتونه لقيتها تلفون Sony وناولني الشريحه قال لي عشان تتواصلي بيهو مع ناس السودان ختي في الشاحن بعد يشحن بجي اغزي ليك فيهو الشريحه قلت ليهو مشكوور قال لي ده الواجب وبالمناسبه ناس الشركه الليله المسا عاملين قعده عايزين يتعرفو عليك ياااااخ لم سمعت الخبر ده فرحت اكتر من فرحتي بالتلفون مع انو المفروض يكلمني من امس
يلااا المهم اخيرا ح اشم هوا قلت ليهو تمااام بس صدمني لم شال الشاااي ودخل بيهو غرفتو قال لي عن اذنك عندي شغل في الجهاز قلت اذا الحيوان ده قاصد ما يقعد معااي يا ربي ادخل اسألو ليي معاملتو معاااي اتغيرت بعد العرس قلت لا كده ح يقول علي شنو اسكت واشوف اخرتو بعد شربت الشاي دخلت غرفتي ومنتظره التلفون لمتين يشحن عشان اتنفس عن طريقو بدل السجن العايشه فيهو ده زهجت وجيت طالعه لقيتو في الصاله لابس جلابيه بيضا تسوي كده 👋🏻 الجلابيه ابيض من نيتي 😅 قال لي شهد افطري انا عندي مشوار ومن هناك ح امشي صلاة الجمعه واجيب معاي الغدا واجي قلت ليهو طيب اصلا ردي بقي عباره عن طيب وحاضر و اااي بقيت اسأل نفسي اسئله وكل الاجابات كانت عند وائل يا ربي هو اصلا بطلع كتير كده ولا بطلع عشان يتهرب من القعاد معاااي ؟؟ وتقريبا الاخيره دي الاجابه .. طيب ليي معاملتو معاااي اتغيرت بعد العقد ؟؟ احتمال يكون ما عايزني طيب ليي من الاول عقد علي ؟؟ قلت يا ربي اسالو الاسئله دي ولو سالتو هل ح يرد علي ولأ اسكت واخليها للزمن ...
