فتحت الخط الووو جاني صوت بنت قالت لي ده تلفون وائل رديت ليها اااي انتي منو قالت لي عايزه وائل لو سمحتي 😊 ..
كده اتأكدته تماما انها ما من العائله يلااا من غير ما اشعر ردحت ليها وانتي دايره لييه وبعدين ما عارفه وائل ده راجل متزوج وبي بيتو ومرتو لو ما عارفه هسه عرفتي وقلة ادب البنات دي كلنا بنعرف ليها انتي قلي ادب وانا بوقفك في حدك وابقي مره تاني رني علي الرقم ده عشان بعد ما إتعرفتي علي وائل كمان تتعرفي علي زوجة وائل علي اصولها وقفلت في وشها الخط القوه دي جاتني من وين ما عارفه بعد قفلت التلفون جاتني الخلفيه خاتي اخر صوره لينا سيلفي انا وهو قلت خاتيني خلفيه هنا ويقل في ادبو بهناك التافهه 😠
عايزه امسح الصوره ما عرفت الرمز في اللحظه دي وائل طلع من الحمام قال لي شهد الـ في التلفون منو قلت ليهو الرقم غلط 😊 ودخلت غرفتي ودمي بغلي من جوه بس قلت اكون قويه واحافظ علي بيتي وراجلي بعد شويه سمعت صوت التلفون تاني ضرب فتحت الباب قلت اقبضو بالثابته سمعتو قال اووو لؤي حبيبنا .. بعد مسافه قال ليهو لا والله ما ضرب خلاص دقيقه اراجع سجل المكالمات وارجع ليك قفل منو بعد شويه بقي ينادي فيني بأعلي صوت شهد يا شهد طلعت ليهو قال لي انتي رديتي علي التلفون ده 😠 قلت ليهو اي في شنو 😒 قال لي بحده طيب ما ناولتيني ليهو ليي ولم سألتك كمان بتكضبي وبتقولي لي الرقم غلط 😡 قبل ما تتخزي قرارك دايره تمثلي لي فيها دور الزوجه مش قلتي زواجنا بس علي الورق طيب بتفتحي تلفوني مالك كلامو ده بالجد طعنتني ودموعي نزلت واصل كلامو هسه ما فاضي ليك لم امشي واجي شال مفتاح العربيه وطلع انا دخلت الغرفه بكيييت انا قاعده هنا عشان خاطر امو وهو بهناك عايش حياتو لا وكمان مسميها روحي احسن مني في شنو عشان يشاكلني ليها وامس يعني بغش فيني بالكلام 😭😭😭 مسحت دموعي وجبت الشنطه ستفت هدومي من حر مالي اقصد مال ابوي واي حاجه جايبها لي خليتها في مكانها قلت اضرب لابوي يجي يسوقني تاني قلت يجي يطلقني اول قفلت باب الغرفه بالمفتاح ودخلته تحت البطانيه من الخوف منتظراهو عاينت للساعه 2 ص ولسه ما جا الس 3 ص ولسه ما جا الزمن ده كلو قاعد معاها وانا هنا ولا علي بالو 😭 تاني بكيت لحدي ما راحت علي نومه من غير ما اشعر قمت لقيت الساعه 8 صباحاً لبست العبايه والطرحه وطلعت الصاله لقيتو مافي دخلت غرفتو لقيتو لسه نايم فضلت منتظراهو في الصاله قلت كيف ما ينوم لحدي هسه وهو الليل كلو معاها 😭 زي الس 10ص كده جا طالع من الغرفه اول ما شوفتو دموعي نزلت قلت ليهو طلقني قال لي اول الواحد بقول صباح الخير قلت ليهو بس طلقني قال لي شهد والله امس مساهر وهسه مصدع اجلي النقاش لبعدين الله يرضي عليك وبفهمك اي شي قلت ليهو ما عايزه افهم حاجه غير تطلقني و وديني بيتنا وما مساهر معاااي انا عشان كده صداعك ما بهمني كتير 😠 وهو ساااكت قلت ليهو انا من الاول رضيت بالوضع ده عشان خالتو نوره بس انت ولدها ما عامل ليها اعتبار وعايش حياتك يبقي انا ما ملامه ضرب التربيزه قال لي شهد اتكلمي زي الناس قلت ليهو زعلان عشان قلت ليك الحقيقه طلقني وريحني وارتاح مني قال لي شهد من الاخر كده طلاق ما بطلقك لو ما قعدنا واتفاهمنا قلت ليهو ولا علي كيفك تطلقني قام علي حيلو قال لي نجوم السما اقرب ليك قلت ليهو ده كان اتفاق واختلفنا خليك راجل وعندك كلمه وطلقني ما حسيت الا بصوت صصصصصصصج كف غير ملامح وشي ويا دوووب اتأكدته انو الكره الارضيه بـتدور وشوفت طشاش طشاش قال لي ارح اطلعي قدامي عشان اوريك انا راجل ولا ما راجل قعدته في الكنبه وبقيت ابكي دخل غرفتو غير ملابسو وشال المفتاح وطلع دخلت غرفتي تميت بكيتي اتصلت علي شذي ما رفعت شلت شنطتي عايزه اطلع لقيتو قافل باب الشقه بالمفتاح جيت راجعه فتشت النسخه العندي ما لقيتها بعد ساعه جات ولاء ما حسيت بيها الا داخل الغرفه قالت لي بخلعه شهد الحاصل شنو قلت ليها امشي اسألي اخوك قالت لي والله ما فهمني حاجه بس وصلني قالت لي تعالي اقعدي مع شهد قلت ليها لانو ماعندو الجرأه يقول ليك انو خائن ولافي مع البنات قالت لي كيف يعني قلت ليها كيف دي يفسرها ليك هو ما انا قالت لي شهد اكيد فاهمه غلط قلت ليها لا سمعت صوتها بالتلفون وشاكلني ليها قالت لي طيب اهدي تلفونها ضرب ردت اي كويسه ما عندها حاجه سمعت صوتو ده وائل صرخت عشان يسمعني ما كويسه بس يجي يفتح الباب رجعني بيتنا ثانيه ما قاعده هنا قفلت الخط قالت لي شهد طيب اقعدو اتفاهمو مع بعض قلت ليها ما عايزه مفاهمه غير ورقتي شلت تلفوني عايزه اتصل علي ابوي شالتو مني قالت لي شهد ما تخلعي ناس بيتكم ساي
وائل جايي في الطريق ولاء مشت عملت لي عصير برتقال قلت ليها ما عايزه بس بقيت راقده في السرير حاضنه المخده وابكي لحدي المغرب ما جا سمعت صوت تلفون ولاء بعد شويه ولاء اختفت قمت فتشتها ما لقيتها عرفت انو الحيوان قال ليها اطلعي عشان يوصلها لانو الباب مقفول فضلت منتظره في الصاله جا داخل فتح باب الشقه وقفلو شال المفتاح قلت اصلا ما ببين ليهو اني ضعيفه قلت ليهو وائل وديني بيتنا وبعدين انا ما حيوان عشان تقفلني قال لي لو ما قعدنا اتفاهمنا ما في طلعه من الباب ده اها قلتي شنو قلت ليهو تفاهمي بس الورقه دخل غرفتو وقفل الباب بالمفتاح حيوان خلاااص رجعت غرفتي قلت الليله اصلا ما بتكسر ليهو واصلا بكره ح امشي الجامعه ومن الجامعه ارجع بيتنا
