وجات فتره الامتاحان كنت بمشي الامتحان واجي البيت القي خالاتي يعملو في الريحه قعدته اتونس معاهم لقيت ريحه كده شكلها في القزازه عامل زي موية الطين بس ريحتها عجيييبه شلتها قلت ليهم انتو بتغشو فيني تجيبو لي طين وتكبو فيهو مويه وتقولو لي ريحه قعدو يضحكو خالتي قالت لامي متاكدين انتو ح تعرسو لشهد دي 😅 امي قالت ليها عشان كده بفكر اني ما اخسر لي خبيز 😅 قلت ليهم غلطااانه انا البقعد اتونس معاكم قمت منهم دخلت الغرفه وائل اتصل علي سالني من الامتحان كان كل يوم بضرب يطمن اشتغلت كيف قال لي والله يا شهد ما لقيت اي طريقه انزل احضر العرس اخر محاوله فشلت ما لقيت زول يمسك مكاني قلت ليهو خلاااص العرس يتاجل قال لي كيف يتاجل بعد حجزنا الصاله وعزمنا الناس قلت ليهو ما عارفه بس يتاجل قال لي مافي طريقه للتاجيل العقد لااازم يتم عشان ترسلو لي الاوراق اطلع الزياره قلت ليهو بس العرس ما بكون حلو لو العريس ما حضر قال لي اوعدك اني اعوضك ليهو بقلبي قلت كيف يعني تعوضني العرس قلت ليهو خلاااص تمااام قال لي زعلتي قلت ليهو لا قال لي من نبرة صوتك شكلك زعلتي بس والله ما باليد حيله قلت ليهو مافي مشكله احييييي يا انا كمااان احاسيسو عاليه غايتو الله يقدرني واسعدو ♡ قفلت منو بعد شويه ضربت لي خالتو نوره قالت لي مرت ولدي العسسسل قلت ليها اهلييييين خالتو قالت لي طبعا وائل قال ليك ما عندو طريقه يحضر العرس قلت ليها ااااي قالت لي وضرب قال ياجل العرس عشان انتي زعلانه طبعا بقيت ساااكته غلبني ارد الحيوان فتاني ليها قالت لي والله يا شهد انا زاتي زعلانه انو ما ح يحضر بس كمااان فرحتي بعرسكم اكبر من زعلي والعمر ما معروف انا ما مصدقه اليوم التجي داخله فيهو بيتنا اساس انك مرت ولدي واحلف ليك والله ما ينقصك في عرسك اي شي غير العريس واي طقوس ح تتعمل كاااامله .. اثرت علي بكلمة العمر ما معروف دي قلت ليها والله يا خالتو انا ما زعلااانه بس كان عايزاهو يحضر بس ما مشكله العرس قايم في مواعيدو رضاااك اهم شي (لااازم الواحد يكسر تلج 😅) قالت لي واااعيه حبيبتي لم اخترتك مرت ولد ما عن فراااغ وقفلنا الخط علي كده
وانتهت الامتحانات واتحبست للعرس بس الحمد لله ما اتحبسته كتييير كلها كان 3 اسابيع 😅
وعدت ال3 اسابيع وجا يوم السعد ويوم المني بعد الناس عقدو ضرب لي وائل ريم فتحت الخط قبل ما تقول الو قال ليها حقتي انا قالت ليهو بس انا ما حقتك انا حقت لؤي واااي خجلت ليهو طبعا قال ليها ريم فاتحه الخط ده مالك اديني حقتي قالت ليهو زول ما حضر العرس ما عندو حق عندنا قال ليها طييييب هسه ح اضرب لـ لؤي اقول ليهو ريم منعتني مرتي قالت ليهو حيوان خلاااص هااااك خوفتني والله 😅 ادتني التلفون عايز يقول لي حقتي ريم هنا حاكتو قالت حقتي سمعتها منهم في وقت واحد من ريم ومنو قعدت اضحك قال لي مالك قلت ليهو مافي حاجه قال لي مبروووك لينا خجلت خجل التقول اول مره اتكلم معاهو وكالعاده البنات شالو مني التلفون باركو ليهو قال لي خلاااص ما اشغلك بتصل عليك بعد الحفله وانا بكون متابع مع وليد بالتلفون ما تنومي قلت ليهو تمااام قال لي وانتي تقدري تنومي وانا ما جنبك وااااي لااااا 🙈 طوااالي قفلت الخط عملت روحي ما سمعتو 😅 وبعد انتهينا من المكياج جا وليد اخو ساقني قال لي هسه عليك الله مش اولي انا من وائل الدبله لبستك ليها انا وهسه برضو سايقك انا قلت ليهو وانا عندي كم وليد قال لي لا لا الكلام ده ما بسكت عليهو دقيقه اضرب لي وائل قلت ليهو بطل فتنه لاني ح انكرك قعد يضحك قال لي اصلكم يا البنات ما عندكم ضمان طبعا وليد اخو وائل الصغير عشان كده بهظر معاهو وكالعاده صحباتي كانو الشباين واولاد خالاتي ما قصرو والله بقو شباين من غير عريس مشينا اتصورنا وبعديها مشينا الصاله العرس كان في مارينا بعد وصلنا انا اصريت انو ادخل الصاله مع ابوي
