وصلت البيت لقيت امي في المطبخ قلت ليها والله مشتاقين يا نبع الحنان قالت لي شوقك بعرفو كان قصدك الغدا ابوك متأخر ونحن اتغدينا .. فهمتني قااااصده شنو 😅 .. قلت ليها يلااا خلاااص كان كده الشوق قله طيب اتغديتو بشنو قالت لي في بطاطس قيمه وفي طبيخ مصقع البعجبك تعالي اكلي قلت ليها احشي لي بطاطس مسافة استحميت والله تعبااانه ما بقدر قالت لي نفسي اعرفك بتقدري تعملي شنو ان شاء الله يديك راجل يخليك تطبخي ليهو يومي قلت ليها لا لا انا راجلي بجيب الاكل معاهو دليفري قالت لي الله يحضرنا زمنك جااات شذي نااااطه قالت لي بتطوووولي 😅 قلت ليها نشوووف امي قالت لي يا شهد لو مرتبطه ليك مع واحد كلميني امشي اخطبو ليك انا قبل ما هو يغير رايو امي دي عسسسل والله بس بتقصف جبهتي كتيير 😂 قلت ليها لااا لااا انتو ارتاااحو بعزمكم للعقد وبعدين كلمي ابووي ده لااازم يجي بدري يحضر العقد لانو لو اتاخر دقيقه ما بننتظرو شذي قالت لي البسمعك يقول العريس واقف ليك جنب الباااب البوره ما كعبه كعبه احلام اليغظه 😅 حمرت ليها قلت ليها عاجبني حقنك الواقفين صف امي نهرتنا قالت لينا خلاااص عايزين تبدو مناااقره شذي قالت ليها والله اصلا بحب اشغلها ليها عشان عااارفاها بتتنرفز قالت لي خلي روحك رياضيه عاينت ليها كده ولا رديت عليها اتلفت علي امي قلت ليها ماشه استحمي واجي ما تنسي تحشي لي قالت لي في المسافه الرغيتي فيها دي مش كنتي حشيتي والجامعه خربتكم في البيت بقيتو تحشو غااايتو الله يصبرني
مشيت اتحممت وجيت اكلت ودخلت الغرفه قلت اخد لي نووومه جات شذي صحتني شهد ي شهد قلت ليها اهااا مالك لخصي عايزه شنو قالت لي دقت لي قبيل ريم قلت ليها عااارفه كنت معاها قالت لي اها عااايزين موووني للسووق طواااالي انا نطيت واتربعته في نص السرير طبعا الموضوع العايزاني ليهو اهم من النووم بصراااحه قلت ليها اي والله غااايتو انا بحنك امي تديني وانتي بظروفك قالت لي كده يعني قصدك اي زول وشطارتو قلت ليها اااي قلت لروحي ي بت يا شهد النوم ملحووق قومي اضمني قروش السوق طلعت لقيت امي في الهول قلت ليها شنو الجمال والحلاوه دي قالت لي اهااا طلبك شنو ؟ مش قلت ليكم امي دي مفتحه 😀 قلت ليها طيب من الاخر كده زي ما عااارفه عرس ريم قرب ونحن الشباين وكده قالت لي ربنا يتم ليها علي خير بس المطلوب مني شنو ؟؟ ( يعني تفهميها وهي طااايره بس دي ما عرفتيها ولا قاااصده ) قلت ليها المطلووب شوية قريشاات بعد بكره للسوق واديتها ابتسااامه ظريفه 😊 قالت لي بتشووفي ابووك قلت ليها اي لييه 😳 قالت لي يعني بتعرفيهو كويس قلت ليها اكيييد !! قالت لي بسسس لم يجي طواالي امشي كلميهو انا ما عندي ليك اي قرررش 😒 طبعا شذي فكت الضحكه وكانت ضحكت شماااته قالت لي قلتي لي انتي وشطااارتك لكن لقيتك بليييده 😂 عاينت ليها وسكت ما عندي وش اتكلم معاااها بعد شويه نسمع بوري عربية ابوي جرت شذي فتح ليهو وجات شايله الحاجات وماشه وتتونس معاهو وتضحك جا داخل سلم علينا وقعد قبل ما يغير جرت جابت ليهو المويه استحمه وجا يتونس شذي جرت سوت ليهو الشاااي خلعتني طبعا 😳 ابووي قال ليها الليله حاااسه بشنو قالت ليهو ده اقل وااااجب 😊 من يومها بكاااشه وحناااكه وبعد اتونسنا والمكان بقي هااادي قالت لي شهد قلت ليها اي قالت لي اعتزري ليها باي شي ان شاء الله تقولي ليها جاتني حٌمي والبيت فاضي وانا قاعده معاك ومابنقدر نجي قلت ليها اعتزر لمنو 😳 غمزت لي قالت لي تعتزري لريم قلت ليها ااااي الا كده وبقينا الـ2 عاملين كده 😔 وامي شغاله تتبسم فاااهمه الفلم ابوي قال لينا مالكم مبوزين في شنو انا ساااكته قلت اخلي شذي تتم الطبخه براااها عشان انا عااارفه روحي شتره بخربها 😅 نطت شذي قالت ليهو عرس صحبتنا ونحن وباقي البنات الشباين قال ليها كيف يعني الشباين قالت ليهو يعني وزيرات العروس ولاااازم نلبس كلنا لبس موحد يعني نمشي السوق سوا نختار القماش بس ما مشكله ما شرطي نمشي العرس بنعتزر ليها قال ليها يعني هسه ممرضه اختك عشان كده وما شين السوق متين .. بسرعه قالت ليهو بعد بكره قال ليها هسه ما قلتو ح تعتزرو طلعتو يوم السوق زاااتو محددنو وانا من قبيل اقول خدمااات كزام البتعملي فيها دي اخرها شنو 😅 خلاااص بكره بجيب ليكم القروش معاااي قمنا جارين اي وحده طبعت ليهو بوسه قال لينا بوسة المصاااالح دي ههههه الحااج طلع زاااتو مفتح اتلفته علي امي قلت ليها شوفي الذووق ده واشرت ليها علي ابووي عاايزه تجدعني بالشبشب جريت دخلت الغرفه يااااخ امي دي سسسكره عامله زي اختنا التالته
جات داخله شذي قالت لي كلمة شكرا مااافي قلت ليها ليه دااافعه القروش من جيبك قالت لي ما من جيبي بس بواسطتي النصيحه كلااامها صااااح 😅 بس ابيت اتنااازل قلت ليها لو ما طيبة ابوي وكرمو ما كان اتسوقنا قالت لي الموووهم شوفي الحنك ده كييف واتعلمي مني .....
#يتبــــع ⏪⏪⏪⏪
