ومرت الايام في يوم اتصل علي ناس بيتهم اداني سلمت علي خالتو نوره وعمو محمد و ولاء وفي الاخر ادوني وليد قلت ليهو ولي الاخبار واتونسنا بعد انتهيت وائل شال مني التلفون قال ليهو والله يا وليد بختك شايف عاملين ليك اهميه وكمان بدلعوك يا ولي وقعدو يضحكو 😅 مع انو خجلني الحيوان بس هو نسي لم قال شذويه 😒 تاني سمعتو قال وجونتي انا 😍 طبعا بتكلم مع بت اختو اسمها وجن بس حظها مدلعها 😏 قال ليها والله بحبك انتي اكتر منها وقعد يعاين ويضحك قلت الحيوان ده بضحك فيني في شنو .. واصل كلامو لا هي زاته شينيه انتي احلي منها ولسه بتكلم بعاين لي ويضحك ولاء شالت منها التفون وائل قال ليها اي عرفتها بتغير منها غيره شديده 😅 بقلبي قلت نعلو قاصدني البغير انا 😳 ده حيوان ولا شنو 😠 قال ليها هي طفله كده بتغير الله يعينك عليها لم تكبر 😅 ظلمتو ساااي ياااخ طلع بتكلم عن وجن ودعهم وقفل الخط قال لي دي وجن غارت منك قالت لي انت بقيت تحب عروسك اكتر مني عشان كده اضطريت اقول ليها انك اشني منها بس بعتزر قلت ليهو ما مشكله ولا يهمك .. انت عارف اكتر اتنين بفرحو برجعتنا السودان منو ؟ قال لي منو ؟ قلت ليهو حمودي و وجن يفرحو برجعتنا بعد يعرفونا انفصلنا عن بعض 😊 طبعا اداني نظره ما عرفتها شنو غايتو قلبت ملامح وشو وقام مشي من غير ما يتكلم معاااي ....
مرت الايام وكل يوم بمر بنتعود علي بعض اكتر وعلاقتنا بتقوي اكتر يوم فاتحه التلفزيون ومندمجه في فلم اتصلت علي ريم قالت لي شهد ما شوفتي الحصل قلت ليها خير قالت لي تتزكري ساره بت جيرانا الكانت معاكم شبينه في عرسي بقلبي قلت ليها لو نسيت الدنيا كلها ساره دي ما بنساها قلت ليها اي ماله قالت لي خطبوها قلت ليها والله ما شاء الله ربنا يتم ليها علي خير قطعت كلامي قالت لي دقيقه اتم ليك الشمار جا خطبها ولد صاحب ابوها مغترب في السعوديه بقلبي قلت الحمد لله ربنا عوضها بدل وائل قالت لي ما شوفتي يوم الخطوبه داخت ودوها المستشفي لقوها حامل قلت ليها شنوووو كضااابه قالت لي والله ولم اهلها واجهوها اعترفت وطلع العمل فيها كده ود مسؤول في الحكومه كان واعدها بالعرس وعمل عملتو وخلاها قلت ليها استغفر الله العظيم و لا حولا ولا قوه الا بالله وح تعمل شنو قالت لي ما عارفه والله اهلها دخلو في صدمه وطبعا الولد نكر وما يقدرو يشتكو عليهو لانو ما ح يستفيدو حاجه عشان ابوهو مسؤول وتقريبا وزير .. هسه هم رحلو من الحله باعو بيتهم واشترو في مكان مافي زول عارفهم ما كلمو ناس الحله انهم راحلين قلت ليها الله يعينا وينصرها ويصبر اهلها قالت لي ان شاء الله والله كلنا بندعي ليها قفلت الخط علي كده عايزه اقوم اشوف ليك وائل واقف لم اتخلعت قلت ليهو جيت متين انت قال لي من ساعه بتستغفري وتتشهدي 😊 قلت ليهو يعني واقف بتسنط في كلامنا 😒 قال لي العفو جيت لقيتك مندمجه في الونسه وما حبيت اقاطعك جا قعد في الكرسي قال لي دي منو البتتكلم معاك قبل ما ارد ليهو شلت خدودية الكرسي ختيتها في رجلي تميت بيها الاسكيرتي وربعت يديني عشان نص الكم اللابساهو ده 😅 قلت ليهو دي ريم قال لي قالت ليهو شنو خلتك تتأثري كده قلت ليهو كلام بنات ما بهمك 😒 قال لي اهاااا بعتزر وقعد يتبسم قلت ليهو وبعدين راجع الليله بدري مالك قال لي ما بدري ده زمني زاتو 😊 عاينته للساعه لقيتو فعلا ده وقتو البجي فيهو بس انا الوقت سرقني مع ريم قلت ليهو طيب مش المفروض تعمل حركه وانت داخل نظام جيت 😒 قال لي تقريبا داخل بيتي ما بيت غريب عشان استأذن 😊 قلت ليهو اممممم ظريف طيب ادخل غير هدومك عشان اعمل الغدا قال لي خليهو حبه ما جعان هسه كلامي معاهو ده كلو عشان يحس يقوم عشان انا اقدر امشي اتكشح لي في توب ولأ عبايه اتستر بيها من الهدوم اللابساها دي بس الحيوان لقيتو عامل رااايح وقاعد في النهايه اطريت قلت ليهو وائل ادخل غرفتك عشان اقدر اقوم قعد يضحك قال لي من قبيل عااارفك قاصده شنو بس قلت الا اشوف آخرك 😅
قام دخل غرفتو وانا جري ع التوب لبستو وجيت رصيت الغدا بعد الغدا جيت قعدته في الصاله بتكلم بقلبي قلت الله بريد وائل عشان كده حصلت اللخبطه في العرس هسه كان اتصطدم فيها صدمه اكبر من صدمتو بي المفروض يشكرني الحيوان بتكلم كده جا وائل طرقع لي اصابعو زي الكمساري قال لي سرحانه وين قلت ليهو بحسب فضل لي كم وارجع السودان كضاااابه يا انا 😅 قال لي والقال ليك منو انك ح ترجعي السودان 😊 قلت ليهو قصدك شنو 😳 قال لي يعني ح نجدد الزياره قلت ليهو لا شكرا ولأ دقيقه ما بزيده 😊 قال لي زهجتي مننا يعني قلت ليهو بالظبط كده قال لي ترجعي بالسلامه وخلاني دخل غرقتو وشكلو زعل وانا بصراااحه قاصده ازعلو ما عارفه الهدف شنو بس بقيت احب اكاويهو وخصوصا بعد عرفت نقطة ضعفو شنو بكون مبسوووطه لم احس انو كلامي اثر عليهو
#كسـره :
بعتـزر للتأخـير بس يوم الجمعه ما بنزل الصباح
#يتبــــع ⏪⏪⏪⏪
