اصبحنا اليوم التاني صليت الصبح ورجعت نومت عشان كان اووف ما عندي جامعه قمت لقيت شذي طلعت قلت لامي شربتو الشاي قالت لي لاا لسه منتظرنك لحدي ما تصحي الساعه 9 دايما نبع الحنااان في حالة قصف الجبهات لملمت باقي كرامتي ومشيت المطبخ كبيت الشااي وجيت قالت لي اهااا راجلك ان شاء الله ح يجيب ليك الشاااي برضو دليفري قلت ليك راجلي يا يمه راجل السرووور راجل البنات لي حدهم يحلف علي ما انزل من السرير يعمل لي الشـاااي ويجيب الاكل معاهو دليفري قالت لي وانتي معرسك خاتيك ابجوره في البيت من غير ما اشعر قلت ليها لا خاتيني ام لاولادو ما عارفه كان درعتها ولا لأ طلعت عفوا غااايتو 😅 قالت لي بطلي كلاام كتيير وقومي نضفي البيت ده وخوفي يرجعوك بخبيزك قلت ليها اطمني كان رجعني بقعد جنب الباب باكلو وبجيك داخله يدي فاااضيه 😅 ويقول لي ارح اوديك ناس امك زياره اقول ليهو لااا لاااا ناس امي ما ماشه ارح لماما التانيه قصدي لنسيبتي طبعا 😅 جدعتني بشبشب حمودي قالت لي خلي مامتك التانيه الليله تعمل ليك فطور الحمد لله انها ما بتعرف توزن الضربه دايما بتجلي جريت حضنتها قلت ليها اي شي ولا الجوع والله بهظر وغلااوتك بكضب نسيبتي زاااتها قبل ما اعرفها ما بطيقها 😅 ماتشوفو لساني الطويل ده بره البيت خجوووله شدييييد مشيت نضفته البيت ودخلت الواتس اتونست مع البنات وفتحنا موضوع العرس تاني اصلا ما عندنا سيره غيرو ريم نزلت كم صورة تصميم للفساتين واخترنا لينا فستان بسييييط واتفقنا انو لونو يكون اوف وايت وفيهو شغل بالكبدي بسيييط في النص ومكان الرقبه طبعا صورة الفستان الاخترناها من النت كان كط عريان شيماء قالت نعمل شفون كلنا اعترضنا قلنا يكون من نفس القماش بطلع حلو هدي قالت لينا رايكم شنو نعملو ربع كم قلت ليهم انا ما بلبس ربع كم ✋🏻 قالت لي اها يا عمي عبدو ح تلبسي كيف كٌم طويل ان شاء الله قلت ليهم لا يكون ¾ ويكون ضيق مع اليد وكفة اليد تكون فيها حنه بسيطه ورفيعه ح يطلع كده هدي قالت ليهم لا لا شهد قلبت الهوبه عليكم الله صفقو ليها رهام قالت لي عمي عبدو عقبال ما تطلعي شهد عدلان الجواااك حيوانين خلااااص عشان ما قاعده اعمل فل ميك اب سيرو علي اسم عمي عبدو 😅 ريم قالت ليهم مالكم مع شهوده دي والله بعدين شوفوها ح تطلع امز وحده فيكم قلت ليهم احم احم اسمعو اسمعو الناس الفاهمه وبعدين انا وحبيبي ح نجي بي عندكم وما نسلم عليكم قالو لي بخجلك ده تلقي حبيب وين ياااخ انتي اولاد الدفعه مشخته ليهم قلت ليهم اولاد الدفعه مشخت ليهم لانهم شفع يلاااا غورو نتلاقي بكره
العصر قاعدين في صينية الغدا كدا شذي قالت لابوي اهااا يا حاااج الحكايه شنو من قبيل منتظراااك قال ليها منتظراني لشنو 🤔قالت ليهو للقروش يعني الا تحسسني اني شحاااده وكده 😅 قال ليها طيب لو غيرت رايي نطيت انا قلت ليهو لاااااا استحااااله بعد ما وعدنا صحباتنا وشذي بدت تكورك اصلها عامله زي الرادي لو فتحت خشمها سبحان من يسكتها تاااني 😅 ابوي قعد يضحك قال لينا لما درسوكم اداب الطعاام اكيد كنتو نايمين في الفصل قلت ليهو لا ما نايمين لكن سيرة القروش دي تنسيك اسمك زااااتو 😅 قال لينا بهظر معاكم ما غيرت رايي بس عندي شرط يوم العرس اوديكم واجيبكم قلنا ليهو تماام اتفقنا تمينا غدانا وشلنا الصينيه وجبنا الشاااي ابوي ادانا القرووش نط حمودي قال ليهو بابا وانا ليي تدي ثحد وثدى وانا ما تديني والله انت حدار حلاااث ابووي قعد يضحك شالو واداهو 10 ج شالها وشغال يوري زول زول انو عندو قروش 😅 ...
اصبحنا اليوم التاني صحيت بدري الدكتور ده صعب لو دخل ما بدخل بعديهو زول وانا طالعه صحيت شذي قلت ليها بعدين ما تتاخري عشان تلاقينا للسوق نحن عندنا محاضره وحده وبنطلع بعدها قالت لي تمااام ورجعت نامت
طلعت وصلت الجامعه وانا ماشه علي القاااعه شفت الدكتور داخل قنعت اني ادخل بس الحمد لله وقف يتكلم بالتلفون وانا زغت دخلته جا داخل وقفل الباب ادانا المحاضره ومعطنا معط طلعنا لقينا هدي وشيماء واقفين بره فاتتم المحاضره قعدنا نضحك فيهم قلنا ليهم اللهم لا شماااته شيماء قالت لينا لو عارفه كده كان تميت باقي نومتي وقابلتكم في السوق هدي قالت اها هسه ماشين ياتو سوق شيماء قالت لي نمشي العربي قلت ليهم لاا يااااخ نمشي سعد قشره عشان نغشي الترزي طوااالي قالو لي فكره ضربت لشذي عشااان تقابلنا واتحركنا علي السووق ....
#يتبــــع ⏪⏪⏪⏪
