اصبحنا اليوم التاني صحيت لقيت نفسي في نفس الوضع و وائل صاحي يتأمل فيني رجع لي شعري لورا قال صباحو حبيبي انا قلت ليهو يسعد صباحك جيت اقوم مسكني قال لي علي وين قلت ليهو وائل قال لي خلاص طيب جيبي تزكرة الخروج قلت ليهو لو ما فكيتني ح امشي خروج بدون عوده باسني في خدي قال لي خلاص امري لله امشي ونادي وليد يساعدني ولأ ح تساعديني انتي قلت ليهو لااا ظريف نزلت ناديت ليهو وليد بعد شويه طلعت ليهو الشاي قال لـ وليد ما تطلع الشغل عشان تقدم معاك شهد الجامعه اول وصلها البيت تلبس وليد قال لي يعني اول اوديك ناس امك وائل قال ليهو ما بتسمع بيتنا عشان تلبس وليد قال ليهو نسيت اقول ليك شهد نقلت هدومها كلها عند ناس امها طبعا وائل ما اتكلم بس اداني نظره وسكت قال ليهو لا وكمان قالت انت لافي مع البنات وانت مسكين كنت في الحادث قال لي شهد شوفت انا كيف بحب عمل الخير قلت ليهو الله يخليك للزي ده قلت لـ وائل شوفت وليد ما قال لي انت في المستشفي قال لي عندو شغل وليد قال لي لانو دي تعليماتو 😅 وائل قال لي انا الـ قلت ليهو ما يكلمك وبالمناسبه حتي امك وابوي كانو معاااي في المستشفي قلت ليهو شنو قال لي والله بس برضو أكدت ليهم ما يكلموك قلت ليهو عشان كده لم سالت شذي قالت لي مشو ناس عمتي ولم سألت امي قالت لي مشينا ناس خالتك طلعو بكضبو علي يعني وليد قال لي خلاص يا شهد ما تتاخري قلت ليهو بالسلامه انا ما ماشه وائل قال لي كيف يعني لااا ح تمشي قلت ليهو لو اصريت علي ح امشي ناس امي وما ح امشي الجامعه وليد قال ح تقعدو تتجادلو في المشي كتيير قلت ليهو وانت اصلا الموقف لحدي هسه شنو 😅 وائل قال ليهو خلاص امشي دي اصلا عنيده اتلفت قال لي كده عرفتي رفضته يكلموك بالحادث ليي عشان كان عندك سمنار واتوقعتك ما ح تمشي لو كلموك قلت ليهو ظريف لكن يعني كده كويس تخليني اتفاجأ اخر وحده ومنظري يكون بيش كده قعد يضحك قال لي بس مستقبلك اهم من منظرك والمسا جوني البنات ما قصرو
تاني جو بنات اهلو لـ وائل يتخاففو ويتراشقو مع وائل ويتكلمو بي نياصه وحده قالت كفاره وسلامتك والعالم كلو كرامتك قال ليها الله يسلمك بقلبي قلت ليها يسد نيتك بس اختينا انتي التانيه قالت ليهو واااي يا وائل والله ما تستاهل ان شاء الله عدوينك نطت التالته قالت ليهو ان شاء الله نحن ياااخ ولا إنت قال ليها بعد الشر عليكم تسلمو انتو ياااخ وهو زاتو ما قصر معاهم شغال يكسر ليهم في التلج ويتبسم ويعاين لي وانا شغاله اعاين ليهم بقعر عيني قلت اكيد روح روحي المسجله في التلفون وحده من ديل متين ح يتمو الفلم الهندي ده هم شغالين يقولو ان شاء الله نحن وهو يقول تسلمو لي قال اتغظته منهم جيت اقوم وائل مسك يدي بقيت الاوي فيها عايزه افكها وهو ماسكها قوي قلت ليهو بصوت عالي جنب البنات وائل فك يدي عشان يتحرج ويفكها قال لي بس انا كده مرتاح احرجني انا الحيوان 🙈 البنات قعدو يضحكو قالو لـ وائل يلا عن اذنك قال ليهم بدري قالو ليهو نازلين لناس خالتو تحت قال ليهم تمااام بس ما تنسو تودعوني قبل ما تمشو واتلفت اداني ابتسامه بغيييظ فيني الحيوان قالو ليهو اكييييد طلعو وقفلو الباب ... قلت ليهو بحده وائل ده شنو العملتو ده قال لي عملت شنو قلت ليهو تحرجني لييه جنبهم مش كان تفك يدي وانتهينا قال لي عشان اوريك لو انتي عنيده انا اعندك منك
وبعدين خلينا من ده بتعايني للبنات كده مالك قلت ليهو كيف يعني قال لي بتحمري ليهم وما ارتحتي ليهم صاح ولأ انا غلطان قلت ليهو لااا غلطان .. قال لي طيب كان انا غلطان لييه عايزه تطلعي وتخلي ليهم الغرفه من غير ما اشعر قلت ليهو عشان اخليكم براحتكم تتمو الفلم الهندي ده قعد يضحك قال يسلم لي حبيبي الغيور قال لي اديك معلومتين عشان ترتاحي اولا البتفتشي فيها ما معاهم وما بتجي هنا بعد ابقي كويس بوديك ليها وتانيا شال يدي ختاها في قلبو قال لي خليك مطمنه مافي زول هنا غيرك خلعني طبعا زحيت يدي منو بسرعه وجري نزلت تحت خليتو يضحك قال لي تعالي يا مجنونه ابيت ارد عليهو كاني ما سمعتو نزلت تحت اتونست مع البنات بعد اطمنته انو ديل ما البنت الـ في الـتلفون وطلعو ظريفات والله ♡
فضلنا شهر علي الحال ده وانا و وائل علاقتنا اتحسنت شديييد بقينا شبهه ما بنفترق وانا كل يوم وليد يوصلني الجامعه ويجي يرجعني في يوم وصلني الصباح وبعد المحاضرات انتهت وجينا طالعين ريم قالت لي دي مش عربيه وائل قلت ليها اي يكون وليد شال منو المفتاح لم قربنا عليها وائل نزل منها من غير ما اشعر صرخت وجريت حضنتو 🙈 لانو دي اول مره يطلع فيها من البيت بعد الحادث قال لي مجنونه صحباتك بعاينو لينا 😅 قلت ليهو مش راجلي قال لي طيب رايك شنو تديني بوسه علي السريع قلت ليهو قليل ادب وزحيت منو جو البنات سلمو عليهو وركبنا العربيه ومشينا قال لي رايك شنو في المفاجأه قلت ليهو وربي احلي مفاجأه مسكت يدو البعشق بيها ورقدت في كتفو فضل سايق بيد وحده قال لي انا جربت الحادث بس شكلك انتي حابه تجربيهو 😅 قمت من كتفو قلت ليهو هيييي لااا قعد يضحك قال لي تعااالي تعااالي بهظر ورجع راسي في كتفو وباسني وقال حبيبي انا وقف العربيه نزل وجا شايل معاهو دليفري ودور العربيه وواصلنا في الطريق قلت ليهو ماشي وين طريق ناس خالتو نوره بهنا قال لي ناس امي خلاص فارقناهم قلت ليهو كيف يعني قال لي فضل لي شهر من الاجازه الادوني ليها عشان الحادث وعايز اقضيها مع مرتي في بيتنا عندك مانع قلت ليهو بس شنطنا هناك وانا ما ودعت ناس خالتو نوره قال لي جبتهم قبيل حتي ولاء وسيلين جو معاااي نضفو البيت وجبنا معانا الشنط وبكره بوديك تودعيهما تاني في حاجه هزيت راسي لااا .. وصلنا البيت وكان بالجد نضيييف ومبخر 🙈 ...
#يتبــــع ⏪⏪⏪⏪
