قعدنا البنات برانا مع بعض نتونس ونضحك طلعو ظريفين والله وشلنا ارقااام بعض وفي نفس اللحظه عملو قروب واتس بعد شويه جو الاولاد قعدو معانا وائل قال ليهم زحو كده عايز اقعد جنب مرتي احيييي ساعة قال مرتي قربت اقوم ازغرت في نصهم واحضنو بس ي بت يا شهد اعقلي .. زحو ليهو قعد جنبي مرت زميلو قالت ليهو والله يا وائل خير ما اخترت عروس حلااااته ودمها خفيف قال ليها احم احم وانا بختار ساااي قالو ليك قلت ليها تسلمي كلك ذوق والله الباقين قالو ليها والله كلامك صااااح الا الحيوانه ديك ساااكته تعاااين لي سااااي نط واحد اسمو احمد قال لينا ولايقييين علي بعض من خلقوكم لبعض ربنا يسعدكم ان شاء الله ♡ وائل قال ليهو امييين وربنا يقدرني واسعدها العمر كلو مصطفي الفضح البت قال ليهو ربنا يديني مره زيها عشان اخلي الشغل واقعد بس قصادها وائل قال ليهو مصطفي بعد ده ح نختلف ما تتغزل في مرتي وبعدين دي بتجي حبه واحده في الدسته انا بقيت مخلوعه في ردود وائل اكتر من كلامهم لقيتو يختلف تماما عن وائل الفي البيت بقلبي قلت ليهو حبه التخنقك بضاعه انا قالو ليك وانا شغاله ارد ليهم تسلم وكلك ذوق ومن ذوقك يااااخ وشي بقي زي الطماطم من الخجل غيرو السيره دي يااااخ اخيرا البت نطقت وسمعتنا صوتها هي نسيت اقول ليكم اسمها سهي قالت ليهو وائل اتعرفتو علي بعض كيف 😊 غااايتو مش كان اقرب تسأليني انا جاريه بس لـ وائل برضو مافي ليك 😏 قال ليها بحتفظ بالتفاصيل بس يكفي اقول ليك عن طريق الصدفه وكانت احلي صدفه 😍 اها الاحراج كده كويس مش كان اخير ارد ليك انا 😅
اتونسنا مسااااافه وائل قال لي شهد بعد ده نمشي هزيت ليهو راسي ب اي الباقين زاتهم قالو ماشين جينا طالعين كلنا سوا ومن قمت وائل مسك لي يدي يااااخ دخلت في ضفوري جنبهم بس من جوه كنت طايره من الفرح بصراحه وكان نفسي اقول ليهو خليك ماسكها كده علي طوول وكنت مبسوووطه انو رجع زي الاول وماشين ونتونس كلنا سوا لحدي ما طلعنا ودعتهم وكل وحده تقول لوائل عليك الله جيب شهد وتعالو لينا زياره في البيت الا فلانه اقصد سهي اصلا لو قالت لي ما كنت بمشي ليها الشلابه يلااا اي وحده اسمها سهي شميته وقلبي اباها دقيقه دقيقه بهظر والله بس سهي دي وصلنا العربيه فتح لي الباب وهي شغاله تكشف لينا ساااي جا ركب ساق العربيه ولا اشتغلنا بيها في الطريق ونحن ماشين قال لي اها انطباعك عنهم شنو قلت ليهو ظريفين والله عاين لي قال لي كلهم ولا جزو منهم قلت ليهو كل واحد اظرف من التاني عارفاهو داير يصل لشنو
وصلنا الشقه وانا فرحانه انو وائل تعاملو رجع زي الاول واحسن قال لي يلااا تصبحي علي خير قلت ليهو وانت من اهلو بقلبي قلت الحيوان ده فهمو شنو يعني في قصة انفصال الغرف ده بديت اشك انو عندو انفصام في الشخصيه دخلت غرفتي نمت صحيت الصباح عملت الروتين اليومي وجيت طالعه لقيتو قاعد في الصاله لابس ويشرب في الشاي قلت ليهو يسعد صباحك قال لي صبحك الله بالخير قلت ليهو ما قايلاك شغال كان قمت بدري عملت ليك الشاي قال لي ما في داعي ما تشتغلي بي انا اصلا بحب اخدم نفسي براااي 😊 قلت ليهو بس ده واجبي قال لي اي واجب اتجاهيي اعتبري روحك عاملاهو وما تهتمي بامري كتيير يلا عن اذن خلاني واقفه مزهوله من كلامو 😳 وشغاله اقول لا هو جادي ولا بهظر والله شكلو جااادي معقول ده وائل نفس الشخصيه الامس 😳 قلت يا بت احسن يمكن الله داير يريحك من مسؤولتو شلت الشاي وفتحت الواتس دخلت قروب البنات قلت سلام الرسايل بدت تطاقش البتقول لي مدام وائل اخيرا ظهرت والبتقول لي يا كلبه وائل نساك لينا قلت ليهم والله ما كده بس ما كان عندي شريحه قالو لي اها دبي كيف بقلبي قلت ليهم الا اوصف ليكم الشقه العايشه فيها 😢 قلت ليهم حلووووه شدييييد قالو لي حلو دبي ولا حلوه عشان فيها وائل مساكين فاكرني عايشه حياة زوجيه سعيده زي ما بقولو قلت ليهو اكيييد عشان فيها وائل ريم قالت لي شهد لؤي كيف قلت ليها تماااام بس حصليهو قبل ما يشلبو منك لانو كل يوم مع مزه شكل 😅 قالت لي جاااده انتي ي بت ما توقفي قلبي قلت ليها ابردي يا بت والله تمام فاقدك بس قلت ليهم عليكم الله مره مره امشو لامي قالو لي والله طوالي بنتصل عليها وعلي شذي شغاله بتونس معاهم كده دخلت لي مكالمة واتس من ولاء فتح الخط ولويه مشتاقين قالت لي بالاكتر والله وسألتها من ناس البيت قالت لي تمااام الحمد لله سكتت مسافه وقالت لي شهد علاقتك مع وائل كيف استغربته من سؤالها قلت ليها كويسه قالت لي يعني مافي بينكم اي خلاف قلت الهبله دي انا جيت متين عشان تحصل خلافات قلت ليها لا الحمد لله قالت لي ان شاء الله ما تحصل بينكم مشاكل وربنا يسعدكم والله يا شهد زي ما قلت ليك وائل ده اطيب من قلبو الله ما خلق بس اصبري عليهو وخلي بالك طويل قلت البت دي بتخوفني من اخوها ولا بتشكر فيهو قالت لي والله اعتبريني زي شذي واكتر لو عندك اي حاجه ما تترددي تتصلي علي قلت ليها ان شاء الله قالت لي يلا سلمي علي وائل قلت ليها يبلغ و وصلي سلامي لخالتو نوره وقفلنا الخط بعديها اتصلت علي شذي لقيتهم كلهم ملمومين عند ناس خالتي اخدت بكيتي معاهم وامي بعد سلمت علي قالت لي شهد اها وصيتي ماشه بيها بقلبي قلت ليها والله المفروض توصيهو علي هو مش توصيني انا قلت ليها اي ماشه بيها ما تشيلي هم نومي داك خليتو 😅 قلت ليهم ادوني حمودي شال السماعه قال لي ثحد انا ثعلان منك عثان ما ثقتيني معاك من سمعت صوتو قعدت ابكي لم قفلت الخط هديت حبه قمت نضفه البيت وصليت الضهر وبقيت منتظره حضرة سيادتو يصل جا داخل ناولني الكيس بس المره دي قال لي داخل استحمي حضري الغدا في المسافه دي ما شوفتو الفرحه الانا فيها قدر شنو بكلامو ده عرفت انو ح يقعد يتغدا معاااي حضرته الصفره وختيت جك العصير جا طوااالي قعد يتغدا من غير ما اعزمو زي كل مره قلت ليهو الشغل كان كيف قال لي تمااام قال لي الواي فاي اشتغل معاك قلت ليهو اي بقينا ناخد وندي في الكلااام ولمينا الصفره مع بعض ي دوووب حسيت بتغييير برضو مافي كلام كتير بينا بس برضو احسن من الاول شال العصير ودخل غرفتو
بعد المغرب كنت قاعده وفاتحه الواتس جا طالع كالعاده ماشي النادي طلع وانا واصلت ونستي مع البنات والله فرقو علي كتير وملو لي فراغي رهام قالت لي شهد راجلك وين فاكيك لحدي هسه في الواتس قلت ليها قااااعد بس مديني راحتي ما خانقني قالت لي اريتو راجلي بقلبي قلت ليها ربنا يديك الاحسن منو ده عندو انفصام شخصيه قلت ليهم يلااا مع السلامه لبكره وائل بناديني شغلوها لي وقفلت التلفون كضبت عليهم عشان ما يحسو بحاجه وهم مفتكرين اني عايشه في سعاده فتحت التلفزيون حضرت لي فلم وقفلتو دخلت غرفتي ما جايني نوم فتحت اليوتيوب سمعت باب الشقه فتح بعد شويه باب غرفتو اتقفل قلت طال ما معاملتو معاااي بدت تتغير امشي اشوفو لو محتاج لحاجه وانا اصلا صاحيه طلعت عايزه ادق الباب سمعتو يتكلم بالتلفون مع احمد صاحبو وكانت اكبر صدمه لي ....
#يتبــــع ⏪⏪⏪⏪
