خالتو نوره قالت لينا انا و وائل تعالو معاي طلعت غرفتها طلعنا وراهو ونحن مستغربين وبنعاين لبعض شكلو الموضوع خطير قعدت في السرير قالت لي تعالي يا شهد يا بتي اقعدي هنا اشرت بيدها اليمين جنبها في السرير طبعا في اللحظه دي انا اتوترته قعدته بيمينها و وائل بـ شمالها قلت ليها نعم يا خالتي قبلت علي قالت لي طبعا يا شهد يا بتي عمك محمد اشترى شقه في الرياض وكتبها بإسم وائل .. بقلبي قلت وانا علاقتي شنو بالموضوع ده " بخت مرتو الجايه 😏 قطت افكاري بكلامها قالت لينا وانا ح اطلب منكم طلب ولأ اعتبروهو امر عديييل وما عايزه فيهو نقاش قلت ليها من عيونا اطلبي ونحن ننفذ قالت لي تسلم عيونك بس عايزاكم تمشو تعيشو فيها باقي اجازة وائل طبعا انا بقيت عامله كده 😳 و وائل كـ العاده ساااكت مدنقر راسو قلت ليها خالتو نوره انا غلطة معاكم في حاجه 😢 قالت لي حاشاك الغلط قلت ليها طيب ليي عايزانا نمشي منكم قالت لي يا بتي انا عارفاك هنا ما مرتاحه عشان كده طوالي بتمشي اهلك وانا والله ما زعلانه منك قلت ليها لا لا ما عايزين نمشي عايزين نقعد معاكم وانا والله تاني ما بمشي بيتنا الا وائل يسافر 😢 والله انا هنا مرتاحه طبعا الحيوان داك ساكت كل العملو قام علي حيلو مسح شعرو وطلع من غير ما يتكلم 😒 قلت بقلبي معقول يا شهد تحرمي ام من ولدها وكلها باقي ليهو اسبوعين ويسافر دموعي جرت حضنتني عليها قالت لي ما تبكي اي وحده من حقها يكون عندها بيت منفصل يعني دي ابسط حقوقك قلت ليها لا دي ما حقوقي وما عندي حق امنعك من وجود وائل وهو قرب يسافر 😭 مسحت دموعي قالت لي يا شهد وائل ده بقيتي انتي احق بيهو مننا بعد ده خلاص كون اسرتو من حقو ينفصل وبعدين القال ليك منو ح اخلي ليك وقعدت تضحك 😅 النهار كلو لم تكوني في الجامعه بكون قاعد معاااي وانتي ده بيتك قبل ما يكون بيت وائل وشقتكم ما بعيده من هنا وبعدين عشان تعيشو حياتكم المستقله ولو خليتكم معاااي كده انا بكون انانيه بس انتي لو عايزه رضاااي وافقي علي طلبي هزيت ليها راسي بمعني موافقه وبستها في راسها قالت لي تسلم البطن الجابت وكل مره بتثبتي لي انو اختاري ليك زوجه لـ وائل كان في محلو طبعا كلامها ده سبب لي جرح هي بتتكلم عن الاستقرار ونحن زواجنا في الهاويه وشارف علي النهايه
قالت لي فرحتي قلبي الله يفرحك ويسعدكم بعد ده ممكن تمشي تشوفي راجلك وتلمو حاجاتكم طلعت منها قلت طال ما وائل ساكت وما اتكلم اكيييد دي فكرتو ... صاح انا هنا ما مرتاحه لانو 24 ساعه يا بالتوب يا بالطرحه مع جلباب طويل حتي لم اكون في غرفتي و وائل موجود ما لاقيه راحتي في اللبس عشان كده كنت بمشي ناس امي والسبب التاني كنت بحاول ابعد من وائل بقدر الامكان لانو حسيت بروحي في الفترة الاخيره اتعلقت بيهو شدييييد والمصيبه هسه ح نقعد مع بعض برانا دخلت غرفتي لقيتو مافي بعد شويه جات ولاء دقت الباب قالت لي شهد ماشين انا وسيلين ننضف بيتك ارح معانا علي الاقل تشوفيهو قلت ليها مصدعه ما بقدر قالت لي يعني ح تقعدي براك البيت فاضي امي وابوي طالعين بكا و وليد زي ما عارفه صايع ما بجي هسه وانا وسيلين مودينا وائل ارح معانا عليك الله قلت ليها ما بقدر والله ما مشكله بقعد براي قالت لي تمام بس يا حليلك يا شهوده بعد اتعودنا علي وجودك ح تمشي تخلينا قلت ليها والله ما عايزه امشي عليك الله حنسي خالتو نوره تلغي الفكره قالت لي يا بت امشي فرصه وجاتك بس ح نشتاق ليك والله سمعت وائل ضرب ليها البوري قالت لي واااي طلعو يلا يا شهود لبعدين
