رجعنا البيت وتاااني يوم ريم سافرت شهر العسل ماليزيا عدت شهر ونص وجات راااجعه اتلمينا كلنا مشينا ليها في الشقه وقضينا معاااها يوم توووحفه يوم قاعدين نتونس في قروب الواتس ريم جاتني في الخاص قالت لي شهد بت خالتي اتقدم ليها عريس برسل ليك صورتو هسه وريني رايك شنو ؟ قلت ليها ماشاء الله ربنا يتمم ليها علي خير بس انا رايي بفيدها بشنو 😅 قالت لي لا بس عشان متغالطين فيهو عايزه اشوف رأي الناس قلت ليها طيب نزليها في القروب زي ما عارفه البنات ديل بفيدوك اكتر مني ولسه هي مصره قالت لي اول اشوف رايك وبنزلها بهناك قلت ليها طيب نزليها النشوفه ورسلتها لي واااااي منو قلت ليها في زمتك ده بختلفو فيهو ده توافق وهي مغمضه قالت لي الهبله ما وافقت عليهو قلت ليها غبيه بس الا تكون مرتبطه مع واحد قالت لي لا انا متاكده انها ما مرتبطه قعدت اضحك قلت ليها دي مجنونه قلت ليها بهظار التديني ليهو 😅 قالت لي يعني لو جاااك بتوافقي قلت ليها ياااخ لو جاني بمشي معاهو بدون عقد قالت لي طيب دقيقه اضرب ليك ضربت لي فتحت الخط قالت لي يلااا لمي هدومك لانو العريس ده جاك انتي والله قلت ليها كيف يعني قالت لي والله قصة بت خالتي دي تمهيد للموضوع العريس اصلا اتقدم ليك انتي اسمو وائل شغال في الامارات ولد خالتو لـ لؤي قلت ليها خلاااص قولي ليهو ينتظرني اخر الشارع ماشه عليهو 💃🏻💃🏻 نهرتني قالت لي خليك جاده قلت ليها مش لم تكوني انتي جاده قالت لي والله انا جاااده اجييي يا جاده انا قلت ليها طيب شافني وين قالت لي تتذكري البت الجات سلمت عليك في عرسي واتونست معاك وتاني جو ودعوك هي وامها قلت ليها اي بتذكره قالت لي يلاا دي امو واختو شافوك وعجبتيهم صاااح وائل ما حاضر العرس رسلو ليهو الـ CD وشافك و وافق واتصلت علي اختو قالت لي وائل عايز شهد صحبتك وقالت لي انها اتونست معاااك في الحفله قلت ليها اي صاااح بس هسه مابفكر في العرس قالت لي كيف يعني ؟؟ يعني ما موافقه قلت ليها اي قالت لي هسه مش قلتي كان جاك بتوافقي قلت ليها كنت بهظر معاك قفلت الخط في وشي الحيواانه 😅
وضربت لشذي جاتني شذي قالت لي وصلني خبر جاك عريس اخيرا ح اتخلص منك قلت ليها قفلي علي الموضوع ده لا في عريس لا زفت قالت لي يعني رافضاهو انتي حيوانه وانتي اصلك ما بتفهمي بنتكلم كده ضربت لي رهام قالت لي سرييييع ادخلي القروب دخلت القروب لقيت ريم منزله الصوره والبنات منبرشات فيهو وكلمتهم انو اتقدم لي وانا رفضته شاكلوني كيف ارفضو وشغالين يهيجو فيني لحدي ما زعلت منهم وطلعت من القروب
بعد يومين ريم اصرت الأ نجيها في البيت وشذي قالت لي الا نمشي ليها وصلنا دقينا الجرس لؤي فتح الباب ودخلنا سلمت علي ريم ولقيت ولاء في وشي يااااخ خجلت خجل وقربت ارجع وفي اللحظه دي زعلت من ريم انو ختتني في الموقف ده سلمنا عليها وقعدنا بعد اتونسنا مسااافة ولاء قالت لي طبعا يا شهد ريم كلمتك بالحاصل قلت ليها اي قالت لي والله لم قعدت جنبك في العرس ما كانت صدفه كنت مرسلاني امي من شافتك وعجبتيها ولم قعدت معااك لقيتك العروس المناسبه لاخوي والله انا ما ح اشكرو ليك لانو ح تقولي عشان اخوي لكن اسألي منو ريم قلت ليها والله ما عشان اخوك بس ما بفكر في العرس هسه قالت لي ما بضغط عليك بديك فترة اسبوع تفكري وتستخيري نطت ريم قالت ليها ان شاء الله ح توافق قالت ليها بنتمني والله واستاذنت مننا وقالت ماشه عشان بتها بتبكي ودعتنا وقالت لي ان شاء الله تبقي صاحبه النصيب وتبقي اختي التانيه شذي قالت ليها ان شاء الله بعد طلعت بدو يضغطو علي ريم وشذي ريم قالت لي عليك الله وافقي عشان تاني نمشي المناسبات حقت نسابتنا سوا ونجي سوا ونسافر سوا عليك الله وافقي شذي قالت لي لا متوقعه تلقي احسن منو وين انا ما فضل لي الأ ابكي اول مره اتخته في الموقف ده جا لؤي داخل قعد قال ليهم ما تضغطو عليها دي حياتها هي اتلفت علي قال لي ما تستعجلي في الرد ومن ناحية وائل بالجد والله ما فيهو عيب بس القرار راجع ليك واعتبري دي نصيحه من اخو واي قرار تتخزيهو اتأكدي تماما اننا واقفين معاااك وانسي انو وائل ولد خالتي بعد كلااامو ده حتي حسيت اني ارتحته ..
