قلت احسن تجي مني وقت اصلا عايز يطلقني قلت ليهو وائل الحصل ده زي ما عارف انا ما عندي ذنب فيهو وكضابه لو قلت ليك بقدر ارجع الزمن لورا ولأ اقدر ارجع ليك ساره بس البقدر عليهو انو اطلب الطلاق واريحك مني رفع راسو وقاطعني قال لي ممكن سيرة الطلاق دي ما تذكريها تاني قلت ليهو بس ده الحل الوحيد ولو خايف انك تطلقني عشان ما تحصل ليك مشكله مع اهلي اطمن من الناحيه دي قال لي شهد انا لو كنت عايز اطلقك ما كنت طلعت ليك الزياره لانو عرفت الحصل بعد العقد مباشرة وانتي في السودان بس واصلت في اجراءات الزياره عشان عارف الطلاق ما حل طبعا بعد عرفت انو باعد فكرة الطلاق من راسو عايزه انطط من الفرح قال لي وافرض اني طلقتك عارفه الناس ح يقولو عليك شنو والفكره الـ ح ياخدوها عنك شنو كونو انا رجعتك لاهلك في اسبوعك بقلبي قلت ايووووا الحيوان عايز يستفزني بالناس يعني قلت ليهو انا ما بهمني كلام الناس قال لي بس اكيييد بهموك اهلك ولو انتي كلام الناس ما بهمك اهلك بهمهم فكري لم احقر واحد ما يسوي حاجه يسمعك اهلك كلمه فارغه بسببك موقفك انتي ح يكون شنو ؟؟ عندك قوه تشوفي استفزاز الناس لأهلك بحاجه أصلا ما حاصله وبعدين ما في زول ح يتوقع ولا ح يصدق السبب الحقيقي الطلاق وكل اللوم ح يرمو عليك ده غير الاشاعات الـ ح يطلعوها فيك حتي لو اتكلمو فيني انا كلامهم ده ما ح يأثر معاااي لاني عايش هنا ما معاهم بس انتي عايشه في وسطهم يعني ح يسمعوك كلام انتي واهلك في غنا عنو كده عرفتي لي الطلاق ما حل وعشان انا راجل الما برضاهو لاختي ما برضاهو لاي بنت وانتي لو ما بتعايني لروحك وما بفرق معاك راعي لاهلك طبعا اداني محاضره بس اقنعني بكلامو زووول فاااهم يااااخ قلت ليهو طيب الحل شنو قال لي اول حاجه تشيلي فكرة الطلاااق دي خااالص من راسك في الوقت الحالي .. بقلبي قلت الحيوان ده يعني مفكر يطلقني لـ قدام بس ما هسه تانيا تكملي فترة الزياره هنا عااادي وترجعي السودان وبعدين نحن الـ 2 هنا في بلاد غربه يعني في مكان ما بسمح لينا ناخد قرار المناسب بعد نرجع السودان بنشوف الحاصل شنو ونتخذ القرار الصاح ... قلت يعني ح يطلقني بعد 3 شهور في السودان .. قلت ليهو كيف يعني اقعد معاك 3 شهور لااا طبعا شهر واحد بس وترجعني قال لي شهد مافي حل مناسب حاليا غير كده فترة شهر نفس فترة الاسبوع عشان كده ما تخليني اكرر كلامي القلتو ده يا ريت تفهميني واوعدك والله خلااال الـ 3 شهور ديل ما اضايقك ولا بكلمه خلي كلمه ولا بي نظره ولو غلطت عليك اوعدك اني اسفرك واسافر معاك وممكن تعتبريني صديق عزيز او اخ بالنسبه ليك او فرد من بقية عيلتك او اي حاجه بتقدري تتعايشي معاها عشان نقدر نتعايش مع بعض في الفتره دي 😊 وااااي قال لي اعتبريني اخ خووووخه التشقك في اخو بعقد علي اختو 😒 يااااخ ممكن اعتبرك اي شي الا اخو دي صعبه علي والله زول يفهمو 😅 قال لي وبالنسبه للشرع والدين نحن متزوجين يعني مافيها حرمه انو نعيش مع بعض 😊 بقلبي قلت ليهو بسسسس انا زاتي عايزه خيار الدين ده 😅 قلت ليهو تماااام بس عندي شرط قال لي شرطك اوامر تطلبي وينفذ .. احييييييي يا انا احرجني بذوووقو ده 😍 قلت ليهو تتصل علي ولاء تعتزر منها لانو والله هي ما كلمتني وما عندها دخل ابتسم قال لي اتصلت عليها في نفس اليوم اصلا انا و ولاء استحاله يعدي يوم ونحن متزاعلين من بعض وعرفت انو هي ما كلمتك بس طيب انتي عرفتي كيف ومن وين قلت ليهو زي ما تقول خدمتني الصدفه 😊 ما عارفه سرعه البديهه الجاتني في الرد ده من وين قال لي افهم من كده انك ما عايزه توريني المصدر مع انو مافي زول عارف الموضوع ده غير ولاء قلت ليهو شبهه كده 😊 بقلبي قلت ليهو كضاااب نسيت احمد صاحبك مش حكيت ليهو 😏 قال لي من اللحظه دي ح ننسي الفات ونبدأ صفحه جديده اتفقنا قلت ليهو موافقه بس لفترة 3 شهور قال لي كيف يعني قلت ليهو لحدي ما ارجع السودان ونحل مشكلتنا حل جزري قال لي اتفقنا 😊 وما معروف الزمن كفيل بانو يغير حالنا للاحسن بعدها استاذنت منو ودخلت غرفتي وكنت مبسوووطه حاسه بهم وانزاح مني بالرغم من انو كنت شايله هم بعد الـ 3 شهور تخلص مصيري ح يكون شنو 😢 بعد شويه جا دق لي باب الغرفه قال لي شهد ....
#يتبــــع ⏪⏪⏪⏪
