اصبحنا اليوم التاني كان يووم خميس صحيت اتذكرت وصية امي قلت يا بت يا شهد قومي وبطلي كسل دخلت اتحممته واتسرحت واتكحلت وطلعت لقيتو طالع من المطبخ قمر ما شاء الله الواحد ما بقدر يعاين ليهو مرتين
قال لي صباح الخير 😊 قلت ليهو صباح النور قال لي الشاي جاهز قلت ليهو طيب اقعد النجيبو قال لي لا انا شربت وطالع الشغل قلت ليهو بعتزر للتاخير بس اخدتني نومه عشان امس نومته متأخره قال لي ما مشكله 😊 بتلقي كل شي جاهز عندك الاكل في التلاجه سخني بالمايكرويف وافطري والغدا بجيبو معاي بعدين ولو عايزه حاجه في تلفون ثابت في الشقه اضربي لي منو ورقمي عندك قلت ليهو طيب وطلع علي كده مع انو كنت متوقعه يقضي معاااي الخميس والجمعه بس قلت اكيييد شغلو اهم
وانا بشرب في الشاي اتزكرت لمة الشاي مع ناس امي ومشاغلتنا ومكاواتنا انا وشذي لبعض اخدته بكيتي مشيت غسلت كبايتي لقيتو غسل كبايتو نشفها ورفعها اتزكرته كلام امي لما قالت لي تصحي الصباح تجهزي لراجل وتنضفي البيت قعدت اضحك قلت يا حليلك يا امي يا ريت لو تجي تشوفي البيت القلتي لي نضفيهو طلع انضف من لساني 😅 قلت مسافه هو مافي آخد لي لفه في البيت واصلا ما عندي شغله اعملها دخلت اشوف غرفتو وبالمره ارتبها ليهو دخلت لقيتها ما شاء الله مرتبه اكتر من حياتي كانو ما قاعد فيها زول .. فيها سرير ودولاب صغير ضلفتين فتحتو لقيت مرتب هدومو بطريقه منظمه وفيها كرسين طقم السرير والدولاب بينهم تربيزه صغيره طلعت منها دخلت الحمام لا يقل من حمام الغرفه كتير رجعت دخلت غرفتي قلت طيب وقت مافي حاجه افضي الشنط رصيت هدومي في الدولاب والجزم والشباطه في الجزامه والريحه في التسريحه بعد انتهيت مشيت الصاله فتحت التلفزيون حبه زهجت قفلتو دخلت المطبخ فتحت التلاجه لقيتها ماشاء الله مليانه شلت جبنه وزيتون كسلته اطلع اكل اسخنو اي كسلت مالكم 👊 من خلا عادتو قلت سعادتو بس امي ما تسمعني 😅 مشيت الغرفه رقدته اخدته لي نومه صحيت عاينت للساعه حسيت بالزمن واقف ما بتحرك مشيت الصاله
اخيرا الساعه 2 جات دخلت اتحممته ولبست جلباب معاهو طرحتو هوووي ما تسمعو كلمة جلباب دي وتكشرو والله اشتريت جلبابات راقيه والله بس صحباتي قليلات ادب دايرني البس المخشلع عشان كده دقو فيهم جرس وكل ما اجي البس واحد اتزكر شكلتنا يا حليلهم يااااخ المهم سرحت شعري وعملت كحل وجيت شغلت التلفزيون بقيت احضر سمعت صوت الباب فتح شلت الطرحه لبستها قال لي سلااام قلت ليهو اهلييين قال لي ان شاء الله ما اكون اتاخرت عليك اكيييد زهجتي قلت ليهو لا ما اتاخرت زهجه بسيطه احتمال عشان المكان غريب علي قال لي بتتعودي وناولني كيس الغدا قال لي هاك دي سندوتشات ولو عايزه غيرها الاكل زي ما شوفتي في التلاجه قلت ليهو طيب غير ملابسك مسافه حضرت الصفره قال لي لا اتغدي انتي انا اتغديت في المكتب 😊 طبعا غلبني ارد عليهو من الصدمه 😳 دخل غرفتو قلت احتمال بوزعو ليهم وجبة الغدا في الشركه ما اهتميت بالموضوع عديتو عااادي فتحت السندوتشات لقيتها سمك وهوت دوق اكلت منها اصلا كنت جعانه 😅ولميت الباقي اتزكرت لم قلت لامي بعدين راجلي بجيب لي الاكل جاهز شكلو دعوتي اتحققت بس ما كنت عايزاها كده اي زول براهو دخلت المطبخ طلعت من التلاجه برتقان خلطو سمعت باب غرفتو فتح جا داخل المطبخ يشرب مويه رفعت راسي عاينت ليهو لابس ترين ماشاء الله ملاك علي هيئة بشر 😍 شرب المويه ومشي فتح التلفزيون شلت جك العصير والكبايه مشيت كبيت ليهو وختيتو جنبو قال لي شكرا الولد ده فيهو برود عجييييب جاب كثافتي اصلو يا ح يجلطني بحلاااتو يا ح يقتلني بي برودو 😒 شال التلفون قال لي هاااك اتصلي علي ناس بيتكم وطمنيهم عليك اتصل علي رقم ابوي وناولني ليهو ودخل غرفتو دمو بارد بس عندو ذوق نظام ما عايز يتسنط وانا بتكلم مع ابوي بقيت بعاين ليهو وهو ماشي 😍 لحدي ما جذبني صوت ابوي بقول الو اهلا وائل من سمعت صوتو غلبني اتكلم ودموعي جات جاريه 😭 ابوي بقي يقول لي شهد دي انتي شهد انتي كويسه رديت بعد مسافه قلت ليهو اي وتاني غلبني اتكلم جا وائل طالع شال مني التلفون قال ليهو اهلين عمي صلاح لا والله كويسين الحمد لله .. هو بتكلم بالتلفون بيدو التانيه ناولني كرتونه المناديل المختوته في التربيزه عشان امسح دموعي ولسه بتكلم مع ابوي قال ليهو عوجه تب مااااف خليتو ودخلت غرفتي
بعد خلص المكالمه جا دق لي باب الغرفه قال لي شهد انتي كويسه قلت ليهو اي قال لي بطلي جرسه كلها 3 شهور وترجعي 😊 حيوان خلاااص غالبو يدخل يطبطب علي 😏 وبعدين كل مره شابكني كلها 3 شهور وترجعي زي المتضايق من وجووودي 😒 ...
#يتبــــع ⏪⏪⏪⏪
