نزلت تحت ما لقيت وائل بقيت افتش فيهو بنظراتي ما ظهر سألت ولاء قالت لي طلع مع ابوي من بدري قال ماشي معاه الشركه ما كلمك قلت ليها كنت نايمه يكون ما حبه يصحيني قالت لي احيييي زكرتوني احمد طبعا احمد ده راجلها مقيم في السعوديه بتمشي ليهو زيارة بقيت منتظره وائل لحدي الضهر ما جا اتصلت عليهو انت وين قال لي في الشركه عايزه حاجه 😊 قلت ليهو انت مش وعدتني الليله توديني ناس امي 😒 قال لي اي ولغيت الفكره قلت ليهو كيف يعني 😳 قال لي عديييل يعني مافي مشي قلت ليهو لو ما ح تجي توديني بمشي بامجاد قال لي شهد قلت مافي مشي يعني مافي مشي قلت ليهو انت منو عشان تتحكم فيني وبصفتك شنو قال لي شهد وطي صوتك ناس البيت ح يسمعوك قلت ليهو اسمع انا ماشه وح امشي قال لي كدي اجي القاك ماف عشان اجي لناس بيتكم اقول ليهم مرقت بدون اذني قفلت في وشو الخط وبقيت ابكي جات ولاء دقت لي الباب عملت نفسي نايمه بعد ساعه سمعت الباب فتح ده الحيوان جا عملت نفسي لسه نايمه طبعا حتي وشي مغطياهو بالبطانيه قرب مني بقي يقول لي شهد شهد ما رديت عليهو بعد نص ساعه تاني جا يناديني شهد شهد قلت اخلي ينبح كده اصلو ما ارد عليهو لحدي ما نزل مني البطانيه من وشي وحسيت بيدو بلمس في شعري وجاتني ريحه عطرو فتحت عيوني لقيتو جالس علي ركبتو في الارض قصادي قلت ليهو زح مني ما تهبشني قال لي يا شيخه خلعتيني قال لي قومي ارح الغدا قلت ليهو ما دايره قال لي شهد بطلي عناد العناد ما بحل مشكله قومي ومسك يدي عايز يقومني فكيتها منو بقوه قلت ليهو ما تهبشني قال لي طيب ما ح اهبشك يلا ارح قلت ليهو انا حره ما عايزه قال اووووف الله يطول يا روح ومسح بيدو شعرو طيب لو حابه تمشي بيتكم الليله ح تنزلي معاي الغدا ولو ما عايزه تمشي زي ما قلتي انتي حره وقام عايز يمشي قلت يا بت يا شهد احسن تعامليهو بالسياسه عشان تقدري تطلقي بسهوله بعد موقف الليله ظهر علي حقيقتو وبدل يستعرض في قوتو قمت زحيت البطانيه ونزلت اتلفت علي قال لي تصرفات اطفال بس ما اتكلمت معاهو حمرت ليهو ونزلت بعد الغدا مشينا ناس امي وقلت اقعد يومين حتي اجي ولم يضرب لي اقول ليهو ما راجعه بس فشلت خطتي لم جا طالع جنب ابوي قال لي شهد بعد صلاة العشا بجي اسوقك قلت ليهو اوك قعدنا نتونس ابوي قال لي والله يا شهد الله اداك راجل بمعني الكلمه اوعك تفرطي فيهو بقي هو يشكر وامي تشكر حسسوني انو هو ولدهم وانا مرت ولدهم المسا جا ساقني ونحن طالعين قلت لامي قدام وائل خلاص زي ما اتفقنا بجيكم بعد بكره طبعا امي اتخلعت لانو اصلا ما اتفقنا قلت كده عشان وائل يجيبني من غير نقاش 😅 طلعنا فضلنا ساكتين قال لي رايك شنو ناكل اسكريم قلت ليهو ما عايزه قال لي يعني لسه زعلانه مني والله تصرفات اطفال بس المفروض انتي تكوني مكان حمودي 😅 قلت ليهو اممممم ظريف قال لي احم احم عارف وقف محل الاسكريم مشي جاب 2 ناولني واحد .. قلت ليهو اعيدها ليك تاني ما عايزه قال لي كده ح افهم انك عايزانا ناكل الـ2 من كاس واحد ولأ تحبي أأكلك بطريقتي ولأ ح تشيلي تاكلي برااك طوالي ختفت منو االاسكريم اي شي ولأ التهور 😅 اكلنا الاسكريم ورجعنا البيت لقيت خالتو نوره سألتي من ناس امي قلت ليها كويسين الحمد لله استاذنت منهم ودخلت غرفتي وائل جا داخل وراي افتح معاهو موضوع الجامعه قلت ليهو بصوت مكسور وائل قال لي نعم قلت ليهو لم الجامعه تفتح ماشه اقعد عند ناس امي قال لي وهنا مالو قلت ليهو هنا ما بقدر اقرأ قال لي احول ليك غرفة الضيوف لـ مكتبه قلت ليهو بس انا متعوده هناك وانت لم قلت لي الاتفاق اساس اقعد عند ناس امي اسبوع وهنا اسبوع وانا شغاله كل مره احنن ليهو صوتي 😅 قال لي خلاص نشوف قلت ليهو اسمها موافق ما نشوف الله يرضي عليك قول موافق قعد يضحك قال لي البشوف البت الواقفه قدامي دي ما يشوف العنيده ام لسان طويل بقلبي قلت ليهو انت لسه شوفت حاجه قلت ليهو اها قلت شنو قال لي امري لله موافق كده عرفت الاسلوب الاستخدمو معاهو عشان ينفذ لي كل متطلباتي
صحيت الصباح كـ العاده نزلت تحت سيلين جابت لي الشاي قالت لي انت يا ساهد سعرك تويل وهلو بتعمل ليهو سنو قلت ليها دهن بتعملو لي امي قالت لي كلمي امك تعمل لي قلت ليها طوالي خالتو نوره قالت ليها سيلين شكيت محنك انتي شفتي شعرها وين وهي 24 حايمه يا بالطرحه يا بالتوب 😅 قالت ليها يوم الرهله كان فاكاهو هلو طبعا ده كلو وائل قاعد بعد شويه وائل طلع الغرفه اتزكرت التلفون والمصاريف الكان مرسلها لي قلت ده الوقت المناسب ارجعهم ليهو طلعت وراهو دخلت الغرفه لقيتو قاعد في الكنبه مشيت فتحت الدولاب ناداني شهد اتلفت عليهو اها 😊 قال لي شعرك ده تاني ما القاهو فاكي خارج الغرفه دي عاينته ليهو وسكته شكلو عاش دور الزوج شديييد وبعدين حتي وانا معاهو برانا ما قاعده افكو وطرحتي في راسي
جيت شايله كرتونه التلفون وظرف المصاريف قلت ليهو هاك رفع راسو عاين ليهم قال لي ديل شنو ختيتهم ليهو في التربيزه جنبو قلت ليهو انت شايف شنو قال لي مش قلتي تلفونك بايظ ورسلت ليك ده وما استعملتي يعني كنتي بتغشي فيني قلت ليهو لا بس صلحت القديم قال لي ده ظرف المصاريف بقفلتو قلت ليهو اي كنت قاعده في بيت ابوي وكان بصرف علي زي شذي و واحد عشان كده ما احتجته ليها قال لي ايوااا يعني اهلك فاكرين اني هاملك وجادعك عندهم وما رسلت ليك قلت ليهو لا عارفنك رسلت بس ابوي قال لي اصرفيها لحوجتك الشخصيه وانا ما احتجت ليها عشان كده رجعتها ليك قال لي شهد شيليهم من وشي ديل حقاتك ما بخصوني قلت ليهو ديل حقاتك ما حقاتي .. ضرب التربيزه وقال لي بأعلي صوت شهد انتي عايزه تجننيني طبعا انا من الخلعه لم عيوني دمعت قال لي شيليهم ان شاء الله تحرقيهم ما بهموني وبقي يكورك قلت ليهو انتي أولي بحرقهم لز التربيزه وطلع قفل الباب بكل قوتو نزل لقي خالتو نوره في السلم قالت ليهو في شنو يا وائل قال ليها مافي حاجه يا امي سوء تفاهم بسيط وانتهي 😊 وطلع خلاها ..
وانا هنا قعدت ابكي باب الغرفه دقه قلت الليله اصلو ما اقول ليهو ادخل تاني سمعت صوت خالتو نوره قالت لي شهد يا بتي انتي كويسه مسحت دموعي وقلت ليها اتفضلي ادخلي يا خالتو نوره دخلت قالت لي انتي كويسه قلت ليها اي قالت لي بعتزر اني اتدخلته بينكم بس ما بقدر اشوفكم متزاعلين من بعض واسكت وماجيت عشان اعرف سبب المشكله جيت اقول ليك انو اي مره وراجلها لازم يحصل بينهم نقاشات بس لازم واحد فيهم يكون بارد عشان يمتص غضب التاني عشان المشكله ما تكبر والله انا بقول ليك كده لانو عاداك زي ولاء بتي بعد كلامه ده دموعي جرت مسحتها لي وباستني في راسي قالت لي ارتاحي وانا والله لم وائل يجي ما بخليهو وطلعت كلامها خفف علي حبه
بعد شويه جات سيلين دقت الباب ساهد يا ياساهد افتهه الباب قلت ليها ناقصاك انا كمان فتحت الباب ناولتني جك عصير برتقان والكبايه قالت لي ماما نوره قال ليك اسرب ده قلت ليها مشكوره استلمت منها وقفلت الباب جيت اختها في التربيزه شوفت التلفون والقروش دموعي نزلت شلتها ختيتها ليهو في دولابو وبقيت قاعده منتظراهو بس المره دي ما كنت خايفه عشان ما قاعده براي في البيت زي السـاعه 12 جا داخل وكالعاده عملت روحي نااايمه ...
#يتبــــع ⏪⏪⏪⏪
