جيت راااجعه لقيت الصدمه حمودي خاتي المكوه في الفستان لم شافني قال لي بابتسامه بريئه تَويتو ليك وقام جاااري انا وقفت في مكاني وبقيت اكورك والله الليله اقتلك والله الليله ما اخليك في النهايه جريت عليهو بس في الزمن الضااايع لقتو اتشال حتي المكوه حبتو وشالتو بكوراكي امي وشذي جو جارين وانا قاعده ابكي والدموع عشره عشره امي قالت لي بتكوركي عشان فستان انا قلت حصلت ليك حاجه قلت ليها حاجه اكتر من فستان يبووظ قبل ما يتلبس قالت لي وقفي بكا والبقت بقت والحل بسيط بكره بديك تمشي السوق قلت ليها امشي السوق اعمل شنو والعرس بعد بكره شذي قالت لي خلاص يا شهد البسي فستاني قلت ليها انا العرس ده زاااتو خليتو بس حمودي ده الا ادقو عشان تاني ما يقرب علي حاجاتي امي قالت لي تساوي عقلك بشااافع (ما قلت ليكم عندو حصااانه ) فجأه امـي انتبهت انو حمودي مافي قالت لي هسه مشي وين بقينا نفتش ونكورك ي حمودي وما عندو اثر قلت ليهو حمودي تعال حبيبي والله ما بهبشك وبرضو ما ظهر نص ساعه نفتش فيهو سالنا جيرانا مع انو ما متعود يمشي ليهم بعد فقدنا الامل امي قالت بعد ده اضربو لابوكم كلمو خلو يجي يتصرف وانا حسيت بالذنب وبقيت الوم في نفسي وهسه لو حصلت ليهو حاجه الفستان ح يفيدني بشنو شذي دخلت الغرفه التانيه تجيب التلفون جات شايله حمودي نايم قالت لقتو نايم تحت السرير بقينا نتبادل في شيلو ونسلم عليهو زي البيبي المولود يا دوووب جا ابوي وشذي حكت ليهو بالحصل اداني قروش اكتر من القروش الاولي بس برضو ما عوضتني الفستان شذي قالت ليهو يعني امشي احرق فستاني ولأ شنو قلت لشذي بكره ارح معاي السوق اشتري فستان عااادي للعرس بس ما ح اكون مع الشباين قالت لي شيلي حقي قلت ليها لا اصلا ماعندي مزاج اكون شبينه انا بس زعلانه علي الفستان شذي دخلت القروب وكلمت البنات اتاثرو شديييد وضربو لي تلفون ومصرين اكون شبينه معاهم قلت ليهم انا بجي العرس لكن ما بشاتر الرصه ريم حلفت لي ما اكون معاهم ما تدخل الحفله قالو لي اشتري فستان يكون لونو اوف وايت او كبدي بمشي الحال قلت ليهم تمااام بمشي السوق بكره وانا بتكلم كده جا حمودي اخوي وقف قدااامي قال لي انت دايله تكتليني و وشو ماخد وضعيه انو داير يبكي قلت ليهو بهظر معاااك حبيبي انا قال لي يعني ما ثعلانه حضنتو وقعدت ابكي ما عارفه ببكي عشان حمودي ولا عشان الفستان 😅
تاني يوم مشيت السوق قدر ما فتشت ما لقيت فستان اوف وايد لقيت فستان كبدي مشغول بالبيجي اشتريتو لقيتو اقرب لالوان الاول رجعنا البيت وشذي شغاله لي خساره شعرين في وشي جيتي خربتي لي بلفة السوق دي قلت ليها ياختي ابردي انتي ما العروس 😅 طبعا ريم وباقي البنات بايتين في بيت ناس رهام الا انا وشذي ابوي قال لينا مبيت بره البيت مافي لكن بوديكم ليهم الصباح الليل كلو كنا شغالين نتونس معاهم في القروب شيماء قالت لينا واااااااي ما شفتو لؤي كسار كيف وظريف ظراااافه ريم قالت ليها مش خطيبي وح يكون راجلي كيف ما يكون كسار
كملنا ونستنا وقفلنا التلفون ونمنا
يوم الجمعه قمنا بدري ستفنا شنطتنا وصحينا ابوي قام نص صاحي ونص نايم مش قال لينا بوديكم 😅 امي قالت لينا للحوامه تعرفو تقومو بدري وفي الايام العاديه تنومو نوم اهل الكهف
ابوي وصلنا قعدنا كده ريم قالت لينا لؤي في الطريق ومعاهو صاحبو عشان عربيه وحده ما بتشيلنا كلهم قالو عايزين يركبو مع الصاحب اي عارفاهم خفييفين زي شاي البكا جهزو حاجاتهم لؤي ضرب لريم قال ليها اطلعي طبعا ريم ملبسنها نقاب كااااامل حتي البرقع منزلنو ليها عشان ما يشوفها وحزرناها لو ماتت ما ترفعو في العربيه طلعنا لقيناهم واقفين يا قول رهام واااااي من لؤي ومن صاااحب لؤي جو سلمو علينا كلنا الأ ريم ما سلمو عليها افتكروها انصار سنه ونحن سقناهم فيها رفعو ليها يدهم نظام السلام عليكم وهي هزت راسه نظام وعليكم السلام ولؤي يعاين ناحية الباب منتظر ريم تجي طالعه من البيت ريم مشت فتحت باب عربيه لؤي قدام وركبت هو بقي واقف مخلوع يعاين ليها وغلبو يتكلم قال لينا ريم بتعمل في شنو اتاخرت شيماء قالت ليهو قالت ما جايه غيرت رايها وقعدنا نضحك قال لينا ايواااا ما تقولو لي الركبت دي ريم ومن قبيل بتغشو فيني طيييب بعملها فيكم وانا اقول المنقبه دي بتركب قدام ماله 😅 مشينا اتوزعنا في العربيتين انا وريم وشذي ورهام ركبنا مع لؤي وهدي وشيماء وساره ركبو مع صاحبو بقلبي قلت احييي يا ريم لو ما صحبتي كان شلبتك 😅 قال لينا ملبسنها كده مني يعني قلنا ليهو بصووت واحد اااي قال ليها طيب وشك عرفناهو لسانك مربوط ما بتتكلمي ما تكوني بقيتي بكمه وانا ما عارف رهام قالت ليهو بكمه عوره خلاااص اتدبسته ومافي مفر قال لينا بس اعرفو لو ريمي دي حصلت ليها اي حاجه ما بعرف تشوفو لي عروس بعد خسرت الخساره دي كلها وعاين لريم قامت ضربتو في كتفو قالت ليهو حيوان قعد يضحك قال ما خليتها تتكلم وصلنا شقة خبيرة التجميل نزلنا وخليناهم مع بعض في العربيه بعد شويه ريم نزلت وقالت ليهو بعدين ما تتاخر قال ليها من عيوني وانا اقدر اتاخـر
#يتبــــع ⏪⏪⏪⏪
