وصلنا البيت وكان بالجد نضيف ومبخر 🙈 دخلت غرفتي اشيل غيار اتحمم فتحت الدولاب لقيت هدوم وائل مرصوصه اتذكرت ايااام كان كل واحد في غرفه منفصله ايااام الله لا عادها طلعت الصاله وائل قال لي شهد ختي الغدا عشان عندنا مشوار قلت ليهو وين قال لي قلنا بعد الغدا قلت ليهو لو ما كلمتني مافي غدا قال لي طيب تعالي قعدنا في الكنبه قال لي تتزكري روح روحي المسكينه الانتي شاكلتيها من غير سبب يلا موديك تتعرفي عليها 😅 قلت ليهو كمان بتقول عليها مسكينه ويعني انت لسه ما نسيتها وكمااان موديني ليها قال لي معقول انساها دي بنسوها انا انسي روحي وما انساها عايزه اقوم ودموعي خلاص ملت عيوني مسكني من يدي قال لي حلات حبيبي وهو غيران انتظري احكي ليك قصتها قلت ليهو فكني ما عايزه اسمع قال لي حتي لو عرفتي انها في مقام امي خلعني طبعا قال لي طيب اسمعي يا ستي دي ام صاحبنا الله يرحمو انا ولؤي وعمار كنا اصحاب شدبيييد عمار كان سند لاهلو بعد وفاة ابوهو اعمامو استولو علي املاكهم ورفع فيهم قضيه وكان جارين في المحاكم بس عمار ظهر ليهو مرض خبيث وبقي طريح الفراش ولم مات صادف انا ولؤي في الاجازه وكنا يومي بنزورو في يوم بعد طلعنا منو العصر ضرب لينا قال لينا الأ تجوني هسه واستغربنا لانو الس كانت 2 ص بس ما اترددنا انو نمشي ليهو ولم وصلنا لقينا حالتو متأخره وكان اخر كلامو معانا بوصينا علي امو واخواتو وبعديها بقي في زمة الله طبعا بتكلم كده وظاهر الالم والحزن في صوت وانا دموعي جرت قال لي وعمار امو بالنسبه ليهو زي روحو عشان كده انا مسجلهم ب روح روحي ولم اتصلو علي وانتي رديتي دي اختو اتصلت من تلفون امها عشان كان تعبانه وعايزه يودوها المستشفي عرفت لي انا انفعلت فيك والليل كلو كنا مساهرين معاها في المستشفي ولم جيت راجع كنت عايز اشرح ليك الحصل بس انتي ما اديتيني فرصه طبعا لم رفع راسو عاين لي لقي دموعي نازله عشره عشره جا مسحها لي قال لي شهد انا حكيت ليك عشان ابرر موقفي ما عشان تبكي وضماني عليهو قال لي والله ح افتش في النت عن مشروع بتعمل عن طريق الدموع تكسبنا دهب احسن من تروح كده ساي حيوان خلاااث 😅 قلت ليهو هسه امشي اقابلهم كيف بعد العملتو ده قال لي ديل ناس طيبين ما بشيلو في قلبهم ح يكون نسو المسا مشينا وقف جنب بيت اقل من عادي وانا نازله ومتردده مسكني من يدي وضغط عليها قال لي انا معاك ما تتوتري دخلنا وبالجد ناس حبوبين يدخلو القلب بسرعه واعتزرت للبنت اسمها علياء قالت لي ولا يهمك انا اصلا نسيت ولو في مكانك كان عملت نفس الشي وربي عسسسل قعدنا مسافه وجينا طالعين قلت لوائل اجرو ليهم بيت في مكان احسن من ده قال لي الناس ديل عندهم عزة نفسهم اهم حاجه استحاله يوافقو ونحن بنساعدهم بس ما بنحسسهم بالنقص ومتابعين القضيه وان شاء الله املاكهم ح ترجع ليهم .. قال لي حبيبي الحنون انا يلا اركبي اتحركنا غشينا مطعم اتعشينا وجينا راجعين دخلت الغرفه فتحت الدولاب وائل جا حضني بورا قال لي حبيبي انا اوعك تفكري في يوم اني اخونك من المستحيلات حتي لو فكرت اعمل كده قلبي ما بطاوعني الا اذا لقيت وحده مزه اتفكيت منو واتلفت عليهو ضربتو في كتفو وحمرت ليهو ضحك وحضني عليهو قال لي تسلم غيورتي انا قلت ليهو زح مني عايزه اتفكه مسكني قوي قال لي قصدي مزه من اشباهك الـ 39 قلت ليهو حتي اشباهيي حرمان عليهم بس انا قال لي حاااضر حياااتي كلها ملكك ...
