فضل يومين للشهر ينتهي و وائل يجي امي قالت لي شهد حضرتي شنطتك قلت ليها شنطت شنو قالت لي شنطت هدومك مش راجلك جايي بعد بكره وبجي يسوقك قلت ليها لا ما ح يسوقني اتفقنا مع بعض انو انا اقعد هنا وهو يقعد مع اهلو قالت لي كيف يعني قلت ليها عشان انا ح انزل الجامعه قالت لي الـ مانعك تمشي الجامعه وانتي قاعده معاهو شنو قلت ليها هناك ما بقدر اقر بس انتي قولي ما عايزاني اقعد معاكم قالت لي اي ما عايزنك ما بنمسك مره من راجلها وبكره تمشي تتحنني والمسا بولع ليك الحفره تدخني قلت ليها امي لوني كده نضيف الدخان بوسخو لي ياااخ قالت لي بنات اخر زمن انتي حره وطبعا انا شغاله كريمات ترطيب من قبل شهر ولوني اصلا فاتح 😅
وانتهي الشهر وجا يوم المني يوم وصول وائل صحيت الصباح مبسوووطه ضرب لي وليد قال لي شهد شعورك شنو والليله وائل جايي طبعا دايما بشغلها لي قلت ليهو ودي دايره سؤال قال لي اها رايك شنو اعمل فيك معروف اجي اسوقك نمشي نستقبلو سوا بقلبي قلت ليهو يا ريت والله اشتقت ليهو بالجد قلت ليهو لا ما تجي بس عليك الله اول ما يصل رسل لي في الواتس من غير ما وائل يعرف طبعا اكيييد استغرب انو قلت ليهو وائل ما يعرف قال لي تمام وقفل الخط وامي داخله ومارقه تحمر لي مش الفروض ترجي راجلك عند نسابتك ولأ علي الاقل تستفي شنطتك قلت ليها امي بالمناسبه انا قاعده في بيت ابوي لو ما عاجبك ممكن تمشي بيت ابوك 😅 جدعتني بالشبشب قالت لي انتي قايله روحك لو عرستي يعني كبرتي خلااص وما بدقك امي عسسسسل ياااخ المغرب رسل لي وليد قال لي وائل خلاص وصل بالسلامه وهندا جنبي وسأل منك فاكرك راجياهو في بيتنا قلت ليهو حمد لله علي سلامتو قال لي نغشي نسوقك قلت ليهو لا انا بجيكم بكرا قال لي يلا لحدي بعدين بتكلم معاك الاستوب قافل بس فتح ... نفسي كان استقبلو واول ما اشوفو احضنو اشتقته ليهو يااااخ هوووي ما تنسو ده راجلي يعني ما تقولو قليلة ادب 😅 امي قالت لي ما في خبر من راجلك قلت ليها وصل قالت لي عرفتي كيف عشان ما تشك قلت ليها اتصل علي هسه قالت لي حمد لله علي سلامتو اها قال ليك ح يجيك متين قلت ليها بكره وانا كضااابه طبعا حمودي قال لي ثحد انتي ح تمثي تاني وما ح تثوديني معات قلت ليهو افوتك وين انا قاعده معاك هنا لم تزهج مني .. امي قالت لي ي بت تفي من خشمك الله لا قعدك معانا بصوره مستديمه طبعا بعد كلام امي ده اتأثرته شدييييد قلت بعدين كيف اواجهه امي بقرار الطلاق ويا ربي ح تتقبلو كيف
المسا كده تلفوني ضرب فتحت الخط لقيتها ولاء قالت لي شهد نحن طلعنا جاينكم قلت ليها بخلعه نحن منو وجايين وين قعدت تضحك قالت لي يا بت قولي بسم الله انا و وائل و جاينكم في البيت وائل جايي يسلم علي اهلك بس عازراك من الفرحه ما ركزتي في الكلام يلا لحدي ما نصلكم قفلت الخط .. جريت لامي وابوي قلت ليهم وائل جايي في الطريق امي قالت لي ي بت مش قلتي قال ليك جايي بكره قلت ليك شكلو غير رايو بقيت ادخل وامرق زي ام العروس ما مصدقه من الفرحه مشيت طلعت فستان اسود غامض وهاف جكت فوشي واتمكيجت مكياج خفيف شذي قالت لي واااي يا شهد طااالعه توووحفه بس ارفعي كم الجكت لفوق حبه عشان منظر الحنه يا حليل زمن بتقولي لي تعالي مكيجيني شكلي تاني انا الـ ح اجيك تمكيجيني بنتكلم كده الجرس ضرب شذي قالت لي ابو النسب وصل متشوقه اشوف شكلو فيس تو فيس من سمعت ابوي قال ليهم اتفضلو حسيت بروحي دوبته ولأ العجب لم سمعت صوت وائل قال ليهو حمودي يا بطل تعال سلم واااااي لا قلبي الصغير لا يتحمل حسيت بضربات قلبي في حلقي
شذي طلعت سلمت عليهم وضيفتهم وجات جاريه قالت لي وااااي يا شهد الله اداك راجل وربي قمر 14 احييييي لو ما اختي وفي الشرع حرام كان شلبتك امي جات داخله قالت لي منتظره شنو عايزاهم يجو يسلمو عليك هنا قلت ليها طالعه وقفت في المرايه اديت النظره الاخيره ولفيت الطرحه وانا ماشه عليهم وسامعه صوتو بتونس مع ابوي قلبي طلع من مكانو لم دخلت الصالون وشوفتو انبهرته فيهو زي الاول مره اشوفو ♡ كان شايل حمودي في رجلينو سلمت علي ولاء قالت لي حمد لله علي سلامة وائل قلت ليها الله يسلمك مشيت علي وائل كان شايل حمودي نزلو و وقف علي حيلو وسلم علي والله لو ما استغفرت ربي كان حضنتو جنب ابوي وامي يااااخ ريحتو براها ترد الروح ابوي قال لي اقعدي اشر لي علي الكنبه جنب وائل قاعدين نتونس كده بعد شويه امي وابوي استاذنو طلعو وقالو لـ وائل اخد راحتك ولحقتهم ولاء بقلبي قلت ليهم لا راحتو شنو خليكم ياااخ طلعو خلونا برانا وانا خلاااص سيحته البشوفني ما يقول كنت قاعده معاهو 3 شهور في بيت واحد المهم اتلفت علي قال لي حمد لله علي سلامة زوجك وابتسم اممممم ظريف قلت ليهو الله يسلمك معاها ابتسامه سخريه قال لي اخبارك شنو قلت ليهو تمام الحمد لله قال لي اتوقعتك تجي تستقبليني او تنتظريني في البيت ونجي نسلم علي اهلك سوا طبعا ساكته ما رديت عليهو وكنت متوتره شغاله العب بالدبله ألف فيها يمين وشمال حمودي جا داخل ناداهو قعدو في نصنا قال ليهو خلاص صالحت شهد ولأ لسه زعلان منها 😅 حمودي ساكت يعاين ليهو عشان اول مره يشوفو قال ليهو البشوفك هادي كده ما يقول بكيت شهد بدمعتها مع انو اصلا هي حساسه ودموعها قريبه اقل حاجه دموعها بتنزل .. الحيوان عامل روحو بتونس مع حمودي وموجهه لي الكلام انا جو داخلين ناس ابوي اتونسو شويه وائل قال نستأذن بعد ده ابوي قال ليهو الأ تقعد تتعشو معانا قال ليهو والله مره تانيه والايام لسه جايه بس الحاجه لسه ما قعدتا معاها والله قلت اول اجي اسلم عليكم ما بخليكم للصباح ابوي قال ليهو ما بتقصر البيت بيتك في اي وقت تشرف وانا عامله روحي مدنقره بس مره مره بسرق النظر واعاين ليهو بطرف عيوني قلت اشبع عيوني منو قبل ما يمشي وائل اتلفت علي قال لي شهد نمشي بعد ده طبعا خلعني مره واحده من غير ما اشعر قلت ليهو وين قال لي بيتنا قلت ليهو شنطتي ما جاهزه بجي بكره 😊 قلت بعد يمشي اتصل عليهو افهمو انو كل واحد فينا ح يقد مع اهلو ويمهد ليهم موضوع الطلاق لحدي ما نعلنو قال لي ما مشكله ارح معانا هسه عشان امي منتظرانا وبكره بجيبك راجعه تشيلي الشنطه طبعا واقفين نتكلم كده والباقين ساكتين امي قالت لي خلاص يا شهد امشي وشذي بتلم ليك حاجاتك بكره بتجي تلقيها جاهزه ... طبعا ما عارفه روحي ازعل ولا افرح بس كنت شبهه مبسوووطه بس في نفس الوقت خايفه قلت ليهم طيب دقيقه دخلت الغرفه جات لاحقاني شذي قالت لي شهد والله وائل رجوله و وجاهه ده بلقو نسختو وين قلت ليها في الاحلام امي جات داخله قالت لي شوفتي كده كويس عشان ما بتسمعي الكلام مش من امس قلت ليك حضري الشنطه مشيت حضنتها قلت ليها هسه ح تودعيني وانتي زعلانه كده قالت لي ده كلو لمصلحتك يا بتي بوستها وقلت ليها كلو يهون في وجودك ضربتني قالت لي بطلي بكش قومي ما تأخري الناس ديل شلته شنطه يد دخلت فيها غيار و جينا طالعين وائل ودع ناس بيتنا ولاء فتحت باب العربيه ورا ركبت جيت اركب معاها قفلت الباب وائل فتح لي الباب قدام ركبت وجا ساق العربيه وطبعا وائل و ولاء بقو يتونسو وانا ساااكته و وائل كل مره يعاين لي ولاء عايزه تلطف الجو قالت لي شهد اعفي لي حاسه بروحي زي شوكة حوت بينكم نط وائل قال ليها احساسك في محلو بس تاني ما تكرريها وعاين لي وابتسم قالت ليهو انا بتكلم مع شهد ما معاك قال ليها انا وشهد واحد اتلفت علي ولأ شنو يا شهد قلت ليهو اكييد وابتسمت ليهو ابتسامه استنكار 😊 قالت لينا ما هذا القصف الرائع فتشو معاي جبهتي قعدنا نضحك ولاء قالت لي طبعا يا شهد وجن من يوم جبتي ليها الهديه كل يوم تمرق لي اللبسه من الدولاب تقول لي لبسيني هدوم خالتو شهد قلت ليها عسسسلي يا ناس بس كان تقولي ليها دي جابها ليك خالو 😊 طبعا الـ2 اتخلعو من كلامي 😳 ولاء قالت لي هسه مش قلتو انتو الـ2 واحد قلت ليها ااي بس مافي كل شي طبعا وائل اتلفت علي جر لي نووور 😒 وزاد سرعة العربيه الحيوان شكلو عايز يكتلنا بحادث بقينا ساكتين لحدي ما وصلنا بيتهم ولاء نزلت عايزه افتح الباب انزل وائل مسك يدي قال لي دقيقه قال لـ ولاء ادخلي بنلحقك ولو سألوك مننا قولي ليهم ريم مرسله امانه لاهلها مشو يوصلوها ليهم قالت ليهو طيب انت ماشي وين قال ليها بنجي هسه قالت ليهو خلاص اهدأ وسوق براااحه عليك الله .. قال ليها تمااام وائل دور العربيه وباقصي سرعه وانا الخوف عايز يقتلني غمضته عيوني شديييد اصلا دي طبعتي لم بخاف بغمض قال لي شهد بطلي خوف فتحي قللت السرعه فعلا فتحت لقيتو ماشي براحه وصلنا شارع النيل بركن العربيه في مكان هادئ وفضلنا ساكتين لمده خمسه دقايق رفع راسو عاين لي طبعا انا خلاص اتوترته وبقيت كـ العاده العب بأصابعي واحرك في الدبله شمال ويمين مسك يدي قال لي شهد خليك ريلاكس لم انتي تتوتري بتوتريني معاك جيت افك يدي منو ضغط عليها وفضل ماسكه قال لي ملاحظ ليك من جيت كل ما نكون قاعدين برانا بتكوني متوتره ومرتبكه قبيل في بيتكم برضو نفس القصه خايفه مني يعني شهد بتكلم معاك ردي خايفه مني هزيت ليهو راسي بمعني لااا قال لي طيب ده اعتبرو شنو ؟ انا مدنقره رفع راسي بيدو و قال لي عايزك تطمني خااالص انو مافي حاجه بتحصل بالغصب ولأ بالاستغلال ما انا البعمل كده اوك وجبتك هنا عشان عايز اوضح ليك حاجه اولا بعتزر لاني ختيتك جنب اهلك امام الامر الواقع وجبتك معاااي من غير رضاك بس لم تعرفي السبب اكيد ح تعزريني زي ما عارفه قبل اسبوع امي ارتفع سكريها ودخلت في كومة سكري والدكتور نبهه علي ناس البيت انها ما تتعرض لأي ضغط او صدمه ولم جيت طالع جاييكم في البيت أكدت علي اجيبك معاي في يدي عشان كده اتصرفت التصرف ده عايزك تساعديني في انو نخليها ما تدخل في كومه بسببنا بـ اننا نمثل جنبها اننا عايشين مبسوطين واصلا اجازتي كلها شهر اقعدي معانا اسبوع وبعديها بنلقي عزر ترجعي بيهو بيتكم واوعدك انو ما اضايقك خااااالص لا بي كلام لا بي تصرفات وقبل ما اسافر بيوم ح احقق ليك كل متطلباتك بس خلال الشهر ده بتمني ما نحسس امي باي حاجه وانا كل مره بمهد ليها ولو رفضتي مستعد ارجعك بيتكم هسه من غير تردد قلتي شنو بقلبي قلت والله خالتو نوره ما قصرت معاي عاملتني زي ولاء بتها قاطعني وائل قال لي شهد منتظر ردك قلت ليهو موافقه قال لي علي شنو قلت ليهو امشي لخالتو نوره ابتسم والفرح ظاهر في وشو قال لي جميلك ده عمري ما ح انساهو ليك قلت ليهو كلو يهون عشان خاطر خالتو نوره 😊
