قلت ي بت يا شهد ده ما وقت انك تمرضي فيهو مشيت التلاجه اكلت جبنه قلت ترفع لي الهبوط وجيت راجعه الغرفه قلت الليله الحيوان ده اصلو ما عايزه اشوفو بس حاضنه المخده وراقده سمعت باب الشقه فتح
دخل غرفتو بعد ربع ساعه جا دق لي الباب قال لي شهد المره الاولي ما رديت عليهو ناداني المره التانيه قلت ليهو عايز شنو قال لي لا ما عايز حاجه بس عشان متعود القاك في الصاله والليله من الصباح ما شوفتك انتي كويسه قلت ليهو ااااي قال لي طيب صوتك مالو مبحوح كده كنتي بتبكي ولأ شنو بقلبي قلت ليهو وانت دخلك شنو ابكي ولأ اتشقه قلت ليهو لاا بس مصدعه تاني ما سمعت صوتو زول يقولو ليهو مصدعه يمشي يخليني غااايتو بعد شويه جا دق الباب قال لي شهد هاك حبوب شوفتو ظلمتوهو سااي ما تتسرعو تاني 😅 فتحت الباب ومديت ليهو يدي ناولني حبوب اكسترا عايزه اقفل الباب قال لي هاك المويه شلتها منو وقفلت الباب لا شافني لا شوفتو بلعت الحبوب وبقيت منتظره بفارق الصبر يطلع النادي عشان اشيل الجهاز ..
بعد المغرب سمعت تلفونو ضرب نطيت من السرير فتحت الباب براحه عشان اسمع المكالمه قلت احتمال المره دي يذكر اسم البنت ويريحني من الفتيش سمعتو رد علي واحد قال ليهو والله الليله ما بقدر اجي المدام تعبانه شويه لم سمعت منو كلمة المدام دي عقلي طار من الفرح بس بسرعه رجعت للواقع المرير قال المدام قال تطم بطنك قوم طير خليني اشوف الـ CD بعد نص ساعه تاني دق الباب قلت ليهو اهاااا قال لي بقيتي كيف قلت هي حبوب ولا مخدرات عشان طوااالي يسألني قلت ليهو كويسه قال لي لو في حاجه مؤلماك غير الصداع ارح الدكتور قلت ليهو لا شكرا بقيت اتكلم معاهو باخر نفس لانو بالجد شميتو وقلبي اباهو عارفه شعور انك تحبي وااحد لمرحله الجنون وتجي تتصدمي فيهو بس دي المرحله الانا وصلت ليها قال لي خلاص لو احتجتي لاي حاجه ولا حسيتي باي مضاعفات انا قاعد في الصاله بره قلت ليهو تمام الحبوب بالجد شالت لي الصداع بس عيوني بقت مورمه وغالبني افتحها بعد مساااااافه جا دق الباب قال لي شهد ابيت ارد عليهو تاني دقا عملت روحي نايمه سمعت الباب فتح وجا داخل قلت الحيوان ده جايي وين جا ماشي علي لمس راسي بيدو عايز يشوفني محمومه ولا لأ يا ريت العلي لو كان حمي كان بتتعالج بس جرح القلب بتعالج كيف لقي ما عندي حمه جا بالجهه التانيه للسرير قلت ده ماشي وين ده فجأه اشعر ليك بزول فك لي شعري براااااحه خلخلو بيدو (شعري طويل ناعم ) قلت الحيوان ده لقاني نايمه وشكلو داير يتهور اقوم اديهو كف يغير ملامح وشو ويرجعو لي وعيو وانا بتكلم كده صلح لي البطانيه وطفي النور وطلع الله مرقو من كف هههههه
بعدها نمت من غير ما اشعر صحيت الصباح قلت الليله برضو ما بوري وشي ما بطلع من الغرفه الا اتاكد انو طلع قاعده ومنتظره عاينت للساعه لقيتها 9 قلت هو بطلع من الساعه 8 ياربي يكون طلع وانا ما حاسه بس ما سمعت صوت الباب فتح 🤔 عايزه اطلع كده سمعت تلفونو يضرب عرفت انو ما طلع قلت الحيوان ده المقعدو لحدي هسه شنو رد علي التلفون سمعتو قال ليهو لا الليله ما جايي المكتب مودي المدام الدكتور لا كويسه بس احتمال ارهاق من السفر بس عايز اطمن عليها .. دكتور شنو الموديني ليهو الغبي ده قال يطمن علي قال نظام بهمك وكده وشابك الناس المدام المدام التقول قاعدين مع بعض غااايتو
قلت يا بت يا شهد لااازم تتصرفي تخلي يغور المكتب بدل يقعد يصاقرك كده 24 ساعه وعشان القي طريقه افتش الـ CD يمكن ألقى .. مافي حل غير اثبت ليهو اني كويسه وما عيانه فتحت الدولاب عايزه اشيل غيار اتحمم لقيت الجلبابات كلها في الغسيل ما عندي غير الهدوم المخشلعه عزلت منها اطول اسكرتي لبستو لقيتو اقصر من الركبه 🙈 وربي كلمة اسكرتي فيهو كتيره ياااخ ده حرف الكاف ما واصلها خلي كلمة اسكرتي كامل وتيشرت نص كم غايتو دخلت فيهم وطبعا ريحتهم بخور بخور 🙈 سرحت شعري وكشت لي توب اصلا ما بعرف البسو اتلفحتو وجيت طالعه رفعت عيني لقيتو قاعد في الصاله وماسك تلفونو يااااخ ما شاء الله ولد زي قطعة المارشلينو كان لابس ترينق رفع راسو قال لي شهد اصبحتي كيف قلت ليهو تمام الحمد لله قال لي تعالي اقعدي النجيب ليك الشاي قلت ليهو لا بقيت كويسه بجيبو براااي 😊 قال لي امس جيت اطمن عليك لقيتك نايمه قلت ليهو مشكور بقلبي قلت ليهو لا كنت صاحيه وكمان فكيت لي شعري 😒 قال لي بعتزر امس فكيت ليك شعرك عشان قلتي مصدعه بس تاني لم تكوني مصدعه لا قدر الله ارخي ربطه الشعر او هويهو 😊 قلت ليهو ان شاء الله انت الليله ما شغال قال لي لا قاااعد معاك والمسا بوديك الدكتور قلت الاهبل ده يتفكو منو كيف 😒 قلت ليهو لا انا ما عندي شي كان صداع وهسه كويسه مافي داعي للدكتور انت امشي الشغل 😊 قال لي طيب الدكتور خلي بس ح اقعد معاك يمكن تحتاجي لشي ملاح الويكه ده يتخلصو منو كيف قلت ليهو لو احتجت لحاجه بتصل عليك قال لي يعني متاكده انك كويسه وما بتشعري بحاجه قلت بقلبي لا بشعر بالجوع والعطش ده ما شعور ي بت يا شهد ده ما وقت خفة دمك قلت ليهو لااا ما عندي حاجه قال لي طيب تماااام النمشي البس اطلع قلت الحمد لله اخيييرا بعد شويه جا قاشر طالع واااي قلبي الصغير لا يتحمل قسوه المشهد 😍😍 قال لي خلاااص لو حسيتي باي شي رني علي وانا الليله بجي راجع بدري قلت ليهو ان شاء الله .. بطل كلااام كتييير واتخارج يااااخ 😞 طلع بي هنا وانا بديت رحله البحث بي هنا بس من غير فايده
بعد ساعه ضرب لي عاينت للرقم قلت اتفك منك في البيت تنط لي في التلفون حقو الواحد ما يرد عليهو اتمالكت نفسي وقلت ليهو الو قال لي كيفك تماااام قلت ليهو الحمدلله قال لي قلت اطمن عليك قلت ليهو تسلم 😊 بقلبي قلت بس اختاني انت اصلو مافي زول معزبني غيرك داير يقفل الخط قلت ليهو وائل قال لي معاك قلت ليهو زهجانه عايزه الـ CD حق عرس وائل افرق بيهو قال لي تلقيهو في الدرج تحت الشاشه ومعاهو DvD وCD حق عرسنا برضو معاهم يعرس ركابينك قلت ليك عايزه حقنا قلت ليهو يلاااا ما اعطلك قال لي طيب لبعدين
من امس شغاله افتش فيهو وهو في ابسط مكان بقيت ماشه عليهو وقلبي زادت ضرباتو يا ربي ح القاها منو فيهم فتحت الدرج شلتو ويدي ترجف شغلتو وقاعده احضر فيهو وكل ما يجيبو وحده من صحباتي اقول ليها سامحيني لو كنتي انتي ودموعي جااريه عشره عشره والعجب لم جابو شذي لم حسيت بنفسي ضاااق
وفعلا جابو لحظة كنت قاعده وهي قاعده معااااي الكاميرا كانت مثبتانا وكانت المفاجأه .....
#يتبــــع ⏪⏪⏪⏪
