فتحت الـ CD وجابو لحظة كنت انا قاعده وهي قاعده معااااي الكاميرا كانت مثبتانا وكانت المفاجأه انو دي ساره صحبت ريم الحمد لله ما طلعت وحده من صحباتي ي دوووب حسيت براحه نفسيه مع انو زعلانه عشان اخدت وائل منها بس في نفس اللحظه فرحانه عشان علاقتي بيها ما قويه قلت يا شهد حتي لو ما كانت من صحباتك بس نفسك ح تسمح ليك تعيشي مع وائل كيف بعد ما عرفتي الحقيقه وقلبو مع وحده تانيه بديت افكر في مواجهه وائل مشيت صليت الضهر وقريت صورة البقره ودعيت ربنا يديني قوه اواجهه بيها وائل سمعت باب الشقه فتح عرفتو وصل جا دق لي الباب قال لي شهد قلت ليهو اهلا طبعا من غير ما اقول ليهو اتفضل بقي واقف برا قال لي بقيتي كيف قلت ليهو الحمد لله قال لي يعني ما محتاجه نمشي الدكتور قلت ليهو لااا قال لي خلاااص جبت معاي الغدا شويه كدا واطلعي مسافة اتحممته قلت ليهو شكرا انا اكلت قبل شويه 😊 وانا كضاااابه وجعااانه بس عامله عزت نفس وكده 😅
دخل غرفتو قلت امشي اواجهو تاني قلت يا بت ما تكوني قاسيه خلي الولد اليتغدا ويرتاح وامشي ليهو رجعت قلت يتغدا السم انا ما اتغديت انتظر لم يتغدا هو ما كضبت طوااالي لفحت توبي وطلعت لقيتو لسه ما طلع من غرفتو مشيت دقيت ليهو الباب جا فتحو مسرع وكان بزرر في قميصو قال لي بخلعه شهد حاسه بي حاجه احيييي بعد شوفتو قربت اقول ليهو حاسه بروحي وحيده وفاقداك قلت ليهو لا انا كويسه بس عايزاك في موضوع قال لي شهد لو الموضوع ما مهم اجليهو هسه عشان بالجد تعبان يعني تعبان اكتر من نفسياتي قلت ليهو لا مهم ومهم شديييد كمااان قال لي خلاااص جايي وراك مشيت انتظرتو في الصاله ومحضره ليهو كلااااام كتيييير ومقدمات افتح بيها الموضوع اول ما رفعت راسي وشوفتي جايي علي الكلااام كلو طار من راسي قربت اقوم جاريه عليهو احضنو بس قلت كرامتك فوق كل شي وهو جايي كان بكفكف في اكمام قميصو عندو الحركه دي يكفكف اكمام يد القميص لحدي النص قال لي غيرتي رايك نمشي الدكتور قلت ليهو لااا جا قعد قال لي ان شاء الله خير بما انو الكلام طار مني دخلت في الموضوع توووش قلت ليهو عايزه ورقتي العندك قال لي ورقه شنو قلت ليهو الورقه البتربط علاقتنا ببعض يعني من الاخر كده طلقني قال لي قلتي شنو انتي واعيه بروحك قلت ليهو وااااعيه شديييد لدرجه انو نفسي ما بتسمح لي اعيش في مكان ما من حقي واحتل مكان وحده تانيه قعد يضحك ومسح شعرو بيدو قال لي ده الكلااام المهم الموترك ليهو يومين ومصدع بيك قلت ليهو اااي ولو انت شايف حياتك معاااي ما مهمه انا حياتي الثانيه فيها مهمه بالنسبه لي قال لي لا ما قاصد كده انتي قصدك كلام مصطفي حق يوم الرحله صح اصلا مصطفي بفلت الكلام ساااي وكلامو كان هظار قصدي ده الـ ما مهم قلت ليهو مصطفي منو كمااان قال لي مصطفي صاحبي لم قال ليك في وحده كانت عايزاني قلت ليهو لا انا اصلا كلام مصطفي ده ما ركزت معاهو كضاااابه يا انا كنتي مركزه معاهو لحدي ما عرفت البت منو 😅 قلت ليهو انا قصدي ساره صحبت ريم قال لي لاااا دقيقه دقيقه انتي شكلك جاده وعدل قعدتو قعد في طرف الكرسي ومسح شعرو بيدو قلت ليهو ومن متين في بينا ونسه عشان اهظر معاك واصلا ده ما موضوع بتحمل الهظار قال لي طيب ساره منو وريم منو قلت ليهو والله انت اولي انك تعرفهم قال لي بصوت حاد شهد اتكلمي زي الناس انا لو عرفتهم ما سالتك وبأعلي صوت قال لي وبعدين لم تتكلمي معاك ارفعي راسك ده وعايني لي طبعا الله اداني قوه من وين ما عارفه بتكلم معاهو بقلب قوي واصلا ما بكيت زي كل مره بس لم الحيوان ده نهرني دموعي رقرقت وقربت تنزل بس حبستها وطبعا اصلا ما كنت بعاين ليهو في وشو كنت بتكلم ومدنقره راسي عشان عارفه روحي ضعيفه جنبو لو عاينت ليهو بنهار وهيبة الزعل بتروح 😅 استجمعت قوتي وقلت ليهو اولا ما تكورك فيني ولا بتقول خير وسيله الدفاع الهجوم عشان كده بتعلي صوتك علي قال لي شهد انا اسف بس انتي استفزيتيني طيب ممكن توضحي اكتر لاني بالجد والله اتوترته قلت ليهو يعني عايز تقنعني انك ما بتعرفهم ولا بتتغابي فيهم العرفه لو بتتغابي العرفه عشاني احب اطمنك اني عرفته الموضوع كلو مسح شعرو وقال لي شهد ممكن تتكلمي معاي من غير الغاز وموضوع شنو العرفتيهو وبالنسيه لريم وساره والله وكتاب الله ما بعرف بنت اسمها ساره وبالنسبه لريم بعرف بنتين اسمهم ريم وحده من اهلنا وانتي مااظن بتعرفيها لانو ما قابلتيها قبل كده وتاني بعرف ريم زوجة وائل واللهي صحبتك واكييييد ح تكوني قاصده دي بس ديل علاقتهم شنو بحياتنا عشان بسببهم تطلبي الطلاق قلت ليهو عايز تعرف علاقتهم شنو طيييب مااالو اوضح ليك بتعرف البت اللابسه طرحه بيجيه والبت اللابسه فستان بيجي الفي عرس وائل ولأ برضو ما بتعرفهم طبعا اتخلع بقي عامل كده دنقر وخاتي يدينو الـ2 في راسو قلت ليهو طال ما سكت اذا الكلام وقع ليك وما محتاج اعاده ولا توضيح بعد ده ممكن تسلمني ورقتي قام علي حيلو قلت ليهو وائل انا بتكلم معاك ما تمشي قال لي الكلام ده ما وقتو قلت ليهو لا وقتو دخل غرفتو شال الموبايل وجا طالع قلت ليهو بس طلقني جا يشيل مفتاح العربيه من التربيزه قال لي شهد قلت ليك ما وقتو قلت ليهو ورقتي زاته ما عايزاها بس رجعني بيتنا عايزه ارجع السودان ما اتكلم معاااي عايز يطلع قلت ليهو لو ما جبت لي التذكره ما تجي رااااجع فتح الباب وطلع ضربو بكل قوتو غااايتو سكان العماره بكون سمعو ضربة الباب قرب يشيلو في يدو
