وصلنا السووق وقابلنا شذي بدينا نلف مره نتشاكل ومره نكورك واخيرا اتفقنا واشترينا القماش اوف وايت وكبدي ونحن طالعين ريم قالت لينا امسكو اعصابكم النقول ليكم لؤي امس قال لي شنو رهام قالت ليها يعني قاااعدين تتفقو من ورانا قالت ليها اكييييد مش ده مستقبلنا اها عايزين تعرفو الخبر السمح ده ولأ لا قلنا ليها اهااا قالت لينا اول اتحكمو في مشاعركم بقينا مركزين معاها لم فاتحين خشمنا قالت لينا لؤي قال لي قالي لي قال لي وبقت تكرر فيها عشان تشحتف روحنا كوركنا فيها اهاااا قولي قال شنو قال لي اصحااابو ح يكونو شباينو هدي فكت الصرخه لم سيد المحل اتلفت علينا 😒 قلنا ليها فضحتينا الله يفضحك ريم قالت ليها عشان كده ما عايزه اوريكم شكلكم ح تشرطو عيني يوم العرس يلااا ارررح 😅 المشكله انو اصحابو 6 وانتو 5 يعني تاني دايرين لينا بت شذي قالت ليها شوفي اي وحده من بنات اهلك قالت ليها بنات خالاتي 4 ولو قلت لوحده الباقين بزعلو قلت ليها خلاااص نحن بنتنازل ليهم ريم قالت لي لااااا انا عايزاكم انتو نطت هدي قالت لي لو انتو اتنازلتو انا ما بتنازل بعد عرفتا اصحاب لؤي الوزرا قعدنا نضحك ريم قالت لينا لقيت حل ح اكلم ساره بت جيرانا وبكره بجي معاها السوق واغشيها الترزي طوالي عشان تستلم معانا قلنا ليها ظاااابط وصلنا الترزي اديناهو القماش وحولنا صوره الفستان في تلفونو شال مننا المقاسات وحدد لينا مواعيد الاستلام طلعنا بقينا نلف في السوق البنات ما خلو كريم ما اشترو ما خلو مرطب حايم ما شالو شيماء قالت لي عم عبدو ما عايزه تشتري 😅 قلت ليها ماعايزه شذي اتلفتت قالت لي اوعي تفكري انك تتمسحي معاااي عشان ما ح اديك لو عايزه اشتري قلت ليها لم اشحدك قولي لي ما بديك وبعد ده كلو لن يتزوجوووووكم 😅 كلهم حمرو لي وجينا طالعين ريم قالت لينا كده قطعنا نص المشوار فضل نمشي لخبيرة التجميل نتفق معااها ونحجز وبالمناسبه مكياجكم علي قعدو يصفو ليها قالو ليها ده الذووق ياااخ .. قلت ليها انا اديني القروش في يدي وبتمكيج براااي 😅 انفعلو فيني من متين بتعرفي تتميجي غير الكحل بتعملي شنو ولأ قايلاها دي الجااامعه ريم قالت لي لاااا يا بيبي ما تحلمي انتي اول وحده تتمكيجي طلعنا من السووق واتفرقنا اي زول مشي بيتو وعدت الايام وجا موعد تسليم الفساتين استلمناها طلعت واااااااو فظيييييييعه واي وحده فينا وهي لااابسه الفستان احلي من التانيه ♡ وكنا راجين العرس بفارق الصبر عشان نقشر بيهو ريم قالت لينا ياااااخ شهيتوني الفستان حقو بدل الزفاف اقص زيكم ريهام قالت ليها خلاااص تعالي نتبادل انتي شيلي فستاني وانا اشيل فستان الزفاف والعريس قعدنا نضحك ...
عدا شهر وجات الامتحانات وعدت بخيرها وبشرها وفضل للعرس شهرين ريم حبسوها وكانت زهجاااانه بس تعمل شنو دي العاهات والتقاليد (اي قاااصده اكتب عاهااات ) بس كنا كل فتره بنمشي نفرق عليها ولم فضل للعرس شهر شذي والبنات زادو في نضافة جسمهم والحكحهه شذي ما خلت خياار طاير في البيت ما عملتو في وشها ما خلت قناع كستر وبن ما عملتو مجتهده اكتر من ريم العروس امي قالت ليها ما عارفه ريم دي صحبتك ولا صحبت شهد عشان التعب ده كلو قالت ليها ريم دي زي ما تقولي بينا عامله زي خط الوسط الفي الملعب
وعدا الشهر وفضل اسبوع من العرس ولؤي جا من الاماراات ...
وقبل العرس بي يومين طلعت الفستان قلت اديهو النظره الاخيره عاجبني شديييد كل مره بطلعو اتفرج فيهو ومره البسو غايتو عذبتو عذاب قبل العرس المهم الفستان زي ما وصفتو ليكم بسيييط من فوق مع الجسم لحدي النص ولتحت نازل عااادي فيهو نظام حزام بالكبدي وفيهو فوق ورود صغيره بالكبدي مكان الصدر لم طلعتو لقيت في ورده بارزه لبره شغلت المكوه وفرشت الفستان في الطربيزه كويت محل الورده فصلت المكوه وختيتها وطلعت لم جيت راجعه كانت الصدمه
#السـناااقل قربـنا نودع بعض
#يتبــــع ⏪⏪⏪⏪
