وصلنا بيتنا نزل معاهو الكيس دخلنا بعد شرب العصير واتونس مع ناس امي قال ليهم استاذن امي قالت ليهو بدري قال ليها عندي مشوار والله ناول امي الكيس قال ليها دي حاجه بسيطه امي شكرتو الحيوان جايه معاهو من هناك ما قال لي ديل لناس بيتكم غايتو قدمتو للباب قال لي خلاص المسا بمر عليك شمار المشوار حرقني قلت يكون وراهو بنت ما قدرت امسك نفسي من السؤال قلت ليهو ماشي وين من الصباح قال لي عايز اعمل للحاج زياره في الشركه اها تاني في اي سؤال قبل ما امشي واداني معاها ابتسامه ما قدرته افسرها 🙈 قلت ليهو لا دور مشي دخلت البيت لقيت اي زول شايل هديتو حتي حمودي ما نساهو قلت خلاص ما اشيل هدومي كلها وقت ح اجي اخد ايام هنا دخلت الغرفه الملم حاجاتي لقيت شذي ستفتهم كلهم في الشنطه ما خلت لي حاجه طايره قلت يلا ما مشكله امي قالت لي شهد قالو عاملين ليكم رحله يوم الجمعه والله نسابتك ما قصرو معاك قلت ليها دقيقه دقيقه انتو عرفتو كيف الكلام ده يا دوب الليله الصباح قالت لي ضربت لي نوره انتو في الطريق وعزمتنا قلت ليها اهاااا العصر ابوي جا جريت حضنتو وسلمت عليهو وقاعدين نتونس كده ضرب لي وائل قال لي خليك جاهزه انا جايي عليك قلت ليهو مش قلت بتجيني المسا قال لي انتهيت بدري وحبيت اغشاك قلت ليهو اوك قفل الخط قلت لامي وائل في الطريق ابوي قال لي تمااام اليجي يتغدا معانا قلت ليهو قال مستعجل ما ح يقعد لانو عندو مواعيد وانا كضابه طبعا بس قلت اكيييد ما ح يقعد وائل وصل وابوي دخلو الصالون وقاعدين يتونسو وقاعد مستكين قلت احتمال منتظرني ابوي جا طالع انتهزته الفرصه ودخلت اشوف حكايتو شنو قلت ليهو انا انتهيت قال لي عمي صلاح قال الا نقعد نتغدا وما ظريفه ما ألبي دعوتو قلت ليهو اهااا تمااام حيرني طبعا اتغدو ومنتظراهو يقول لي ارح ولسه قاعد يتونس لحدي ما المغرب اذن وصلي بعدها قال لي ارح شال الشنطه ختاها في العربيه ونحن طالعين اتذكرت القروش الكان مرسلها لي مصاريف وايفون مشيت شلتهم وركبنا العربيه في الطريق قال لي والله يا شهد ما عشانك لكن حسيت باني بعرف اهلك من زمان قلت ليهو تسلم وصلنا البيت نزل الشنطه قعدنا تحت اتونسنا حبه وائل طلع الغرفه جا شايل لكل زول هديتو الا انا ما اداني حاجه قلت اصلا ما محتاجه نادي وجن قال ليها تعالي يا وجونه تعالي شوفي خالتو شهد جابت ليك شنو طبعا انا بقيت عامله كده طلع ليها لبسه والعاب البت جاتو جاريه لم عايزه تقع 😅 قال ليها حلوه قالت ليهو اي قال ليها يلااا امشي بوسي خالتو شهد وقولي ليها شكرا جات باستني ثكلا يا حاتو شلتها سلمت عليها قال لي عملت كده عشان شايفها مكموشه منك قلت تتعود عليك اكتفيت اني ارد ليهو بابتسامه طبعا بطلع انوم اخر وحده في البيت عشان ما اجتمع مع وائل مسافه طويله في الغرفه يوم طلعو كلهم نامو وانا بقيت قاعده جات سيلين قالت لي ساهد ما عايز تنوم قلت ليها ما جاييني نوم قعدت تتونس معاي قالت لي ساهد انا هبيتك انت زريف قلت ليها انا زاتي حبيتك والله هي بالجد ظريفه جا وائل نازل قال لينا حبكم لبعض ده ممكن تتمو الصباح لانو الوقت اتأخر وبكره النهار كلو ح تكونو تعبانين في الرحله اتلفت علي شهد بطلي هروب واطلعي نومي دخلنا الغرفه قال لي الشنطه دي حقتك عاينت ليها بطرف عيني نظام ما هاماني وكده وانا الشمار كاتلني جاب لي شنو 😅 قلت ليهو ما كان في داعي قال لي اكيد ما ح نعيد موال انو ده واجبي وكده عشان ما ندخل في نقاش نص الليل احسن حاجه انو ننوم طبعا لاحظته لـ وائل بصحي تعبان من رقاد الكنبه قلت ليهو وائل انا الليله حابه انوم في الكنبه قال لي لا الموضوع ده منتهي لم لقيتو مصر علي رايو قلت ليهو بصوت واااطي طيب السرير كبير بشيلنا الاتنين قال لي قلتي شنو قلت ليهو السمعتو وتاني ما بعيدو اداني ابتسامه قال لي ما عندي مشكله قلت ليهو فهمك ما يمشي بعيد ح نخت فاصل بينا 😊 قال لي انا هسه قلت حاجه رقدنا وانا راقده في الحافه منها واقع وختيت مخده في النص قلت عشان ما يتهور الصباح بدري احس ليك بزول جا ناطي لب في السرير فتحت عيوني مخلوعه لقيتها دي وجن شغاله حالو حالو دوم ابس اسان نمسي وهو زاتو صحي مخلوع قعد وختاها في رجلينو اتلفت علي قال لي خلعتك بعتزر بس عشان متعوده دايما تصحيني بالطريقه دي اتلفت عليها وجونه حبيبة خالو تاني لم تجيني في الغرفه هنا دقي الباب قبل ما تدخلي ولأ انتظريني تحت وانا بجيك نازل اتفقنا عاينت ليهو بزعل قلت دي فرصه اقربها مني شلتها منو قلت ليها لا وجونه تجي في اي لحظه وتفتح الباب وتدخل طوااالي صح يا وجونه ابتسمت لي قالت لي انا ثاحبتك انتي ما ثحبت حالو باستني وجرت نزلت طبعا قلت كده مخصوص عشان وائل يعرف ما في وضع بنعملو عشان نخاف انو الشافعه تشوفنا وائل قال لي اهااا تمااام يعني اتصالحتو علي حسابي الله يديمه طبعا ده كلو ونحن قاعدين في نص السرير 😅 وائل نزل قال لي يلااا قومي ننزل نشرب الشاي ونتجهز
نزلنا تحت وجن من شافتني جات جاريه علي ثحبتي التديده وائل قعد يضحك ولاء قالت لي غريبه فجأه كده وائل حكا ليها بالحصل بقت تعتزر لي والله يا شهد ما كنت عارفاها جاياكم قلت ليها ما تتحسسي عادي و كل ما تحب تجي مرحب بيها في اي وقت بعد الشاي قالو خلاص ابدو اجهزو قلت لـ ولاء ماشه بي توب وما بعرف البسو ح اجيك تلبسيني ليهو وائل قعد يضحك فيني حمرت ليهو قام سكت قالت لي ما تشتغلي بيهو كتيير تعالي طوااالي عيوني لي قلت ليها تسلم عيونك طلعنا غرفتنا وائل قال لي شهد اطلب منك طلب وما تحرجيني فيهو قلت ليهو شنو قال لي محتار امشي بشنو تعالي اختاري لي لبسه بقلبي قلت ليهو لو مشيت بـ بجامه انت قمر قلت ليهو البس اي حاجه قال لي يرضيك يقولو راجل شهد ما انيق قلت ليهو امممم ظريف وبعدين ديل اغلبهم اهلك بقولو وائل ما راجل شهد 😊 قال لي طيب ناس بيتكم وخالاتك بقولو شنو قلت ليهو برضو وائل .. قال لي نقعد نتغالط كده لحدي ما يفوتونا قلت ليهو احسن حاجه قال لي انا زاتي قلت كده علي الاقل البيت يفضي ونقعد برانا ناخد راحتنا خجلني الحيوان بسرعه شلت هدومي قلت احسن البس مع ولاء قبل ما الاخ يتهور 😅 جيت طالعه مسكني من يدي وجراني عليهو قال لي ماشه وين قلت ليهو وائل فكني ما عايزه معاك هظار قال لي بس انا ما بهظر لو ما اخترتي لي لبسه ما ح تطلعي من هنا وبالجد بتمني يفوتونا خجلني الحيوان 🙈 قلت ليهو طيب زح من الطريق النمشي اطلعها ليك شافع بس جريت فتحت الدولاب جا وقف وراي من شميت ريحة عطرو اول بنطلون وقميص قابلوني طلعتهم 😅 بنطلون اسود وقميص عنابي ولا بنفسجي فاتح ما بعرف ما يفوتكم عندي عمي الوان ههههه قال لي بعد ده ممكن تمشي لـ ولاء تلبسك التوب وقعد يضحك قلت ليهو غيرت رايي ح البسو براي بس ممكن تفضي لي الغرفه قال لي بابتسامه بتخجلي من راجلك قلت ليهو وائل ما تنسي الاتفاق البينا يعني ما تعيش دور انك راجلي صر لي وشو عاين لي وطلع اتحممته واتسرحته واتمكيجت وجيت البس التوب كل مره افكو والبسو افكو والبسو في النهايه استسلمته ومشيت لولاء قالت لي مرت اخوي القرض التوب لونو اخضر زرعي ولابسه اكسسوارات بالاخضر وطقمته الشنطه والشبط لبستني التوب قالت لي ما عندك غير تسريحتك الكعكه دي في عروس بتتسرح كعكه وخاصه عندها زي شعرك ده تعالي اقعدي فكتو لي شالت ربع الشعر الجزو القدام ضفرتو لي تضفيره غريبه كده والباقي التحت فكتو لي ساي مررت فيهو مكوة السراميك قالت لي مع انو ما محتاج ونزلت فيهو الضفيره بقي فاكي وفي النص نازله ضفيره بعد انتهت جيت ارفع التوب في راسي قالت لي لا خليهو كده مرقت الشعر بره التوب قالت لي بدر في تمامو والله نزلنا تحت وليد قال خلاص اطلعو قال لي شهد انتي طبعا ح تجي مع وائل في الساعه دي لمحت وائل في السلم جا نازل وااااي وائل قال ليهو نحن زاتنا طلعنا ح نتحرك سوا قلت امشي قدامو اول ما اديتو ضهري طالعه ناداني قال لي شهد تعالي دقيقه وطلع رجع الغرفه قلت ده داير شنو كمان هسه اطلع السلم تاني بشبشبي العالي ده كيف طلعت وراهو دخلت الغرفه لقيتو واقف منتظرني قلت ليهو عايز شنو لم شافني بقي ماشي علي قلت ليهو وائل اقيف ماشي وين ولا رد علي جايي وهو مبتسم لقيت وراي الحيطه مافي مفر استسلمته وقفته جا وقف قدامي وبقي بينا سنتمتر مد يدو بوراي وانا كنت خلاااص دوبته مد يدو ودخل لي شعري تحت التوب همس لي في اضاني علي الاقل خافي من العين وباسني في راسي ما شاء الله ربنا يحفظك طبعا انا بقيت واقفه زي الصنم غلبني ابعدو و وليد بقي يضرب في البوري بصوره مستمره ما رفع يدو منو وائل قال لي اوووو نسيناهم تحت يلا ارح وحياتكم شويه كده ويغمي .....
