ومرت الايام والشهور ونفس الروتين اليومي الصباح وائل يطلع الشغل يجي راجع المسا يا قعدنا في البيت دردشنا يا طلعنا اتفسحنا وجينا راجعين اي زول دخل غرفتو وكهذا فضل اسبوعين وارجع السودان الصباح بنشرب في الشاي وائل قال لي شهد انا قدمت ليك تجديد للزياره قلت ليهو يعني عايز تختني امام الامر الواقع حتي لو طلعت ما ح اقعد بعد الاسبوعين ديل ولأ يوم قال لي ما تنفعلي والله لسه ما قدمت لكن ماشي الليله قلت ليهو عشان ما تخسر ساااي انا عند كلمتي اني ما قاعده قال لي حسب معلوماتي جامعتك لسه فضل ليها شهر ونص ولؤي قال لي ريم جايه بعد 3 اسابيع عشان كده اجدد ليك انتظريها هنا ونرجع السودان نحن الـ 4 مع بعض قلت ليهو لا ريم بلاقيها في السودان قال لي افهم كده انك مصره علي السفر قلت ليهو يب 😊 قال لي اوك طيب عن اذنك طلع مشي الشغل بس شكلو كان زعلان ومن ناحيتي ما كنت قادره احدد شعوري شنو افرح واتبسط عشان مسافره لاهلي ولأ ازعل عشان مفارقاهو بس كنت محتاجه بالجد اني ابعد منو شويه عشان اقدر احدد مصيري وحياتي لانو كل يوم بقعد معاهو بتعلق بيهو اكتر وبعد ده كلو لا عايشين كزوجين بمارسو حياتهم الزوجيه لا عايشين كـ اعداء عايشين علاقه ما عندها اسم علاقه ضايعه بين الصداقه في التصرفات وبين الزواج في اننا تحت سقف واحد بس اي زول في غرفه منفصله ده كان اكتر سبب مشجعني اني انزل السودان وكنت واضعه احتمال كبييير انو سفرتي للسودان دي ح تكون نهاية علاقتي بوائل ....
استغفرته ربي وقمت نضفته البيت ودخلت المطبخ عملت جداد بروست بيتي وفطائر وسلطة مايونيز بعد انتهيت دخلت اتحممت وبخرت البيت وبقيت منتظراهو
وائل جا راجع من الشغل سلم علي ودخل غرفتو حضرة الصفره مشيت دقيت الباب ناديتو قال لي اتغدي انتي بالهنا ليك بس انا ما عندي نفس .. الحيوان ده قاعده ساعتين في المطيخ عشان يجي يقول ما عايز ما اشتغل بيهو لميت الصفره راجعه بصراحه انا زاتي ما كان عندي نفس طبعا قاعد في غرفتو اصلو ما طلع بالجد كنت فاقداهو وقاعده في الصاله وبعاين لباب غرفتو منتظراهو يطلع في اي لحظه قلت امشي ليهو تاني قلت ي بت يا شهد بطلي خفه هسه في الدقايق دي اشتقتي ليهو طيب بعد تسافري ح تعملي شنو عشان كده خليك قويه المسا طلع من غرفتو ماشي علي ويتكلم بالتلفون قال لي هاك عمو صلاح عايزك مسكت التلفون قلت ليهو ابوي والله مشتاقين قال لي شهودتي ونور عيوني بالاكتر اخبارك وان شاء الله مبسوووطه قلت ليهو الحمد لله .. طبعا المره دي استغربته من وائل اداني التلفون وقعد في الكرسي القصادي زمان كان بسلمني التلفون وبدخل غرفتو ما بسمع ونستي مع ناس بيتنا غريبه المره دي قاعد المهم اتونسته مع ابوي قال لي يا بت يا شهد قلت ليهو نعم قال لي وائل ضرب لي هسه وقال عايز يجدد ليك الزياره وانتي رافضه ي دوووب فهمت وائل قاعد حارسني في المكالمه ليه طوااالي عاينت ليهو وقلبت ليهو عيوني كده بعد شافني مسح شعرو بيدو واداني ابتسامه ودنقر راسو .. قلت ليهو اي يا ابوي خلاااص قعدت هنا كتير اشتقت ليكم ياااخ قال لي يا بت نحن طايرين تمي اجازتك وتجي تلقينا يانا نحن زاتنا طبعا بديت ادخل لابوي من باب التأثير وكده وبنبره حنينه قلت ليهو بس انت قول ما دايرني اجي وائل في اللحظه دي اداني عين جر لي نور قربت اجدع التلفون واجري احضنو بس استغفرته ربي 😅 ابوي قال لي معقول يا شهد تفكري فيني كده قلت ليهو بصوت مكسور وحنين اي مش انت قاصد كده و وائل شغال يعاين لي ساااي مستغرب فيني ابوي قال لي خلاص راحتك اعملي العايزه بس ما تزعلي لكن كده ختيتيني في موقف صعب مع راجلك قلت ليهو لا عااادي والله قال لي طيب اديني ليهو قلت لـ وائل ابوي عايزك مديت ليهو التلفون ومعاها ابتسامة انتصار 😊 شال التلفون وبقي يتكلم خير يا عم لا ان شاء الله مافي عوجه والله .. طيب بلغ تحياتي لناس البيت وقفل الخط قال لي زي ما قال ابوك راسك قوي وعنيده عاين لي كده ورجع غرفتو 😒 مسكين ضرب اشتكاني للزول الغلط ابوي عمرو ما غصبنا علي حاجه نحن ما مقتنعين بيها بس لو كان اتصل علي امي كان جبرتني اقعد 😅
