زي السـاعه 12 جا داخل وكالعاده عملت روحي نايمه جا صلح لي البطانيه لم دنقر يصلحها شميت فيهو ريحة السجاير قربت اقوم اشاكلو في شراب السجاير بس قطع افكاري لم مسح لي شعري بيدو وقال اااخخخخخ من عنادك يا شهد تاعبني معاااك ومرر اصابعينو الاتنين السبابه والاوسط في خدي و واصل كلامو نايمه تحنني وصاحيه تجنني وباسني في راسي 😘 ومشي رقد في الكنبه طبعا انا اللحظه دي جسمي بقي تلج وضربات قلبي زادت الضعف ...
تاني يوم الصباح انا قاعده في السرير فتح الدولاب لقي القروش والتلفون شالهم جدعهم لي في السرير وحمر لي طبعا ما بينا كلام قلت ليهو وائل ماشه بيتنا مواعده امي امشي ليهم قال لي طيب اجهزي طلعنا وخليت القروش والتلفون في السرير ما شلتهم بعد ركبنا العربيه نزل دخل البيت جا شايل كرتونه التلفون وظرف القروش الشمار حرقني قلت داير يعمل بيها شنو تاني قلت طيب وقت محتاج ليها وعايز يشيلها بكورك فيني مالو 😒 وبقينا ماشين والساكتين فجأه لقيتو غيرت الاتجاه المفروض نمشي بيهو قلت ليهو ماشي وين انت ما رد علي بس اداني نظره قلت ليهو تقريبا كده انا سألتك قال لي بتعرفي لم نصل وفضلنا ساكتين لحدي ما وصلنا دار المسنين قال لي انزلي قلت ليهو عندك شنو هنا قال لي لو حابه تعرفي انزلي قلت ليهو ما نازله قال لي راحتك ونزل وانا الفضول عايز يكتلني جريت نزلت وراهو عاين لي وابتسم 😊 اول ما دخلنا شاهدت لي منظر واحد من المسنين دموعي جات جاريه وبقيت واقفه وبعاين ليهم و وائل اتلفت لقاني ببكي جا قال لي شهد مالك غلبني ارد عليهو بس اشرت ليهو قال لي اها ساقني من يدي وطلعني بره ودموعي ابت تقيف كل مره اتخيل منظرهم قدامي شال منديل من العربيه قشي لي دموعي قلت ليهو كيف اولادهم نفسهم سمحت ليهم يخلوهم في المكان ده قام حضني عليهو وبقي يطبطب علي قال لي خلاص هسسسس ديل ربنا معاهم واولادهم اكيد ربنا ح يعاقبهم انا لو عارفك بتتأثري كده ما كان جبتك معايَ خلاااص بطلي بكا استجمعت قوتي وبعد شميت ريحتو حتي انتبهت لروحي اني حاضناهو زحيت منو فتح لي باب العربيه قال لي اركبي قفل الباب قال لي ثواني وجايي دخل دار المسنين وجا بعد نص ساعه دور العربيه وفي الطريق قال لي عارفه جيت هنا لييُه شوفتي القروش الـ مارضيتي تشيليها اتبرعت بيها وهسه ده التلفون شلتي نزلتي بيهو يا شهد الحمد لله ما شلتيهو والله اقرب شحاد القاهو في الاستوب ادي التلفون عشان تعرفي انو حاجه اديتك ليها تاني ما بشيلها منك ولا اتكلمت معاهو بقلبي قلت ده جن عايز يتبرع بـ ايفون وصلنا بيتنا عايزه انزل عاين لي وعاين للتلفون نظام يزكرني ليهو يلااا انا اعجبكم ما هبشتو خليتو في العربيه نزلت وقفلت الباب هو نزل وانتقم زعلو في قفل الباب دخلنا سلم علي ناس امي وجا طالع طلعت معاهو ركب العربيه انا فتحت باب العربيه قال لي ماشه وين ما رديت عليهو عاينت ليهو شلت التلفون وقفلت الباب عاين لي وقعد يضحك قال لي وربي مجنونه 😅 بقلبي قلت ليهو مجنون انت العايز تتبرع بالايفون قال لي يلااا سلام لحدي بعدين ورسل لي بوسه في الهوا من علي البعد جريت دخلت وقفلت الباب خليتو واقف حيوااان ياااااخ 🙈 ماشه واتبسم براااي لم امي قالت لي يا بت بتتكشمي براك مالك جنيتي شذي قالت ليها ما براها وحده قدمت راجلها وجات تتبسم معناها شنو قلت ليها اممممم ظريفه قالت لي اصلا امي قالت لي انتي يا شهد مالك كل يومين ناطه التقول بيت نسابتك فيهو نمل بقرصل لو ما بعرفهم طيبين اقول قاعدين يشاكلوك لكن نسابتك نسابة الهنا تختيهم في الجرح يطيب قلت ليها غلطانه انا البشتاق ليكم انا زاتي بالمناسبه جايه لابوي ما جاياكم 😅 شذي قالت لي تلفونك الـ ما عايزه تفتحيهو ده لو ما سرقتو منك ما بترتاحي قضينا اليوم كلو ونسه وضحك المسا وائل جا ساقني في الطريق قال لي بالمناسبه صحبتك جايه بعد بكره قلت ليهو صحبتي منو قال لي ناس لؤي قلت ليهو ريم الكلبه ما كلمتني قال لي عايزه تعملها ليكم مفاجأه وانا حرقتها ليها 😅 وبقينا نتونس لحدي ما وصلنا قعدنا اتونسنا مع ناس خالتو نوره جينا طالعين غرفتنا وجن قالت الا تطلع تنوم معانا الشافعه اتعودت 😅 امها شاكلتها قلت ليها خليها قالت لي لا تاني بتتعود حسستني زي نحن العايشين في الغرفه علاقتنا الزوجيه ما عارفننا عايشين زي الاصدقاء بس تحت سقف واحد قلت ليها خليها بس الليله .. طبعا وائل ساكت غايتو انا عايزاها تنوم معانا لانو بتحسسني بالامان من وائل وخصوصا الايام دي بقي يتهور ونسي حياتنا دي مجرد اتفاق المهم سقتها وطلعنا الغرفه رقدتها في حضني في نص السرير قلت اصلا وائل زي امس لم كان زعلان ح يرقد في الكنبه جا داخل قال لي ما شاء الله شايفكم اتعودتو تستلمو السرير علي حسابكم انا عايز مكاني
ولا اتكلمت معاهو زحيت في طرف السرير وجبت وجن في حضني جا باسها في خدها وقال بهمس نظام بتكلم مع وجن متين اجيب لي بنوته مزه تشبهه امها وتبقي قدرك بتكلم كده وبعاين لي قلت ليها وجونه قولي ليهو مش لم تعرس امها الاول قال ليها حبيبة خالو قولي ليها امها راقده جنبي بس رافضه تديني الضو الاخضر وجن قولي ليهو الراقده جنبك دي مجرد صفقه كلها شهر واقل من شهر كمان وتتخلص منها 😊 نطت وجن قالت ليها اتو تان ما دايلين تنومو حلوني انوم ما ممتن معاتم 😒 قصفت جبهتنا الشاافعه 😏 ضحكنا ونمنا علي كده لم صحيت لقيت يدي مختوته بفوق لوجن و وائل خاتي يدو بفوق لـ يدي كان زحيت يدي ح يصحي بقيت صاحيه وبتامل في وشو وهو نايم زي الملاك 😍 قلت معقول يا شهد تتطلقي من الحلاوه دي طيب اعمل شنو كان هو زاتو موافق علي الطلاق وما متمسك بي بس كرامتي فوق كل شي بتكلم كده حسيت بيهو عايز يصحي طوالي غمضته نظام لسه نايمه فعلا صحي باس وجن ونزل من السرير قلت وانا حيطه جنبو ما عبرني بعد شويه حسيت ليك بزول طبعه بوسه في خدي وسمعت صوت وائل قال ملاكي انا قلت اقوم بعد ربع ساعه عشان ما يعرف اني صاحيه وجن صحت نزلت انا نزلت بعديها اتحممته واتظبطه ونزلت للشاي من شوفت وائل بقيت اتبسم زي العويره بس من رفع راسو عاين لي كتمتها وكشرت وشي قلت لـ ولاء لو فاضيه ارح معاي الحنانه قالت لي من عيوني رفع راسو قال لي ماشه متين قلت ليهو الضهر قال لي خلاص بوديكم ما تمشو براكم قلت ليهو حاضر بعد الفطور طلعت الغرفه وائل جا داخل فتح الدواب طلع لي قروش ناولني ليها قلت ليهو دي شنو قال لي حق الحنه قلت ليهو ما عايزاها عندي قال لي ما ح تشيليها مافي مشي حنه قلت ليهو خلاااص جيبه وانا النصيحه زاتي كنت مفلسه 😅 قال لي ايوه كدا قلت ليهو وائل قال لي نعم قلت ليهو الجامعه بعد بكره قال لي عارف والشنطه الجبتها ليك معاي ما فتحتيها قلت ليها بفتحها العصر قلت اسايسو قلت ليهو بصوت مكسور وائل زي ما وعدتني ح امشي ايام الجامعه اقعد في بيتنا قال لي وده ما بيتك لا قصدي عند ناس امي قال لي شهد فضل لي كلها 3 اسابيع استحملي اقعدي هنا وتاني بترجعي ليهم بصفه مستديمه قلت ليهو خلاص بمشي اقعد الاسبوع الاول قال لي طيب هسه لو ما وافقت حمرت ليهو وفتحت باب الغرفه عايزه اطلع مسكني من يدي وجراني عليهو قال لي تعالي اغريني بحاجه عشان اوافق نظام رشوه وكده .. بقيت اكورك لـ ولاء واصلا الباب فاتح يا ولاء اطلعي اتاخرنا فكاني وقعد يضحك والله مجنونه
