كرونيك أنتِ لي ( باللهجة الجزائرية )

البارت العشرون

بعد ماكملت جنان هدرتها مع مراد خرجت من لاشومبر تاعه  و رجعت للاشومبر لي فيها ايلا و جيهان ... غير دخلت تلاقاتهم مازال يقيسوا في القش ....دخلت ريحت قدامهم حتى نطقت ايلا

ايلا : جنان .... مراد واش كان باغي منك

جنان : لا والوا ...

جيهان : جنان ... هادا مراد ماغاديش توريهلنا ... باينة عيطلك على حاجة .... غير هدري

جنان : مانقدرش نهدر ...قالي خليها بيناتنا

ايلا : جنان ... رايحة تخبي علينا ؟

جنان : خلاص نقولكم ... بصح خلوها بيناتنا

جيهان : ماراح نقولوا لحتى واحد غير هدري

جنان : رايح يخليني نرجع للجامعة نقرا

ايلا : واشنواا ... راني نحلم واقيلا ...مراد يخليك ترجعي غير هكدا ...مكاش منها

جنان : هادي هي المشكلة ... طلب مني حاجة صعيبة نديرها ... قالي نتقرب من إيمان و نحكيله على الأسرار تاعها

ايلا : ونتي قلتيله ايه

جنان : واش حبيتوني نقول .... نقوله لا

جيهان : ونتي جاياتك نورمال ترفدي الهدرة من عند إيمان و تديهاله

جنان : واش ندير .... هو قالي نرجعك تقري و تديري هكدا

ايلا : جنااااان .... واقيلا هبلتي ... جاياتك عادي ترفدي الهدرة و تنقليها ... و مشي غير هدرة اسرار تاع طفلة ... ياك حطي روحك في بلاصتها ... تبغي نتي واحد ينقل الأسرار تاعك

جنان : هادا مشي اي واحد ... هو راجلها و حاب يعرف عليها كل شي ... ماراهش غريب عليها

جيهان : ماتقوليليش قلتيله على هاداك لي شفته معاها

جنان : لا ماقتلهش

جيهان : جنان حرزي و تزلقي فالهدرة قدامه و تجبديله السيرة .... يقتلها نورمال ... ياك شفتي شادار فيا الخطرة لي فاتت

جنان : علابالي شاحسبتيني

ايلا : جنان ... نتي طفلة واعية و هاد الشي لي راح ديريه ماشي مليح ... إيمان راهي بنت خالتنا قبل ماتكون مرت خونا ماتديريش فيها هكدا ... لوكان تعرف هاد الهدرة ماراحش تزيد تهدر معاك

جنان : بصح مراد  راجلها ... واش فيها يلا قتله

ايلا : جنان ... حنا ماندخلوش رواحنا هي يلا حبت تقوله اسرارها هي حرة ... بصح باش تنقليله الهدرة هادي حاجة ماشي مليحة ماراكيش صغيرة الهدرة لي يقولوهالك تديهاله 

جنان : بصح واش نقوله مين يسقسيني ... أنا تاني راني حابة نرجع نقرا

جيهان : ختارعيله هدرة من راسك تكون مليحة عليها  .... بصح حرزي تقوليله الهدرة لي تصرا بيناتكم