💎 السفاح العاشق 💎
🎭 الفصل الثالث : بارت 239 🎭
رئبال : وياااك تقولي ليهم شي حاجة ... شكون قال ليك أنا اصلا باغيهم يعرفو ... كن بغيت كن مشيت عندهم نهار عرفت
جولان : فهمت ... مباغي حتى علاقة بيهم ... خسارة ... و انا الي كنت نتمنى لو كانو عائلتي الحقيقية ... بصراحة مايستاهلوش يكون عندهم حفيد بحالك
طلق منها رئبال و ضار غادي جهة لباب ... مسحات دموعها بظهر يدها بنرفزة و قالت بصوت مرتافع ...
جولان : كتبغيها ؟
رئبال : " وقف و بدون مايضور نطق " خوي راسك من هادشي
جولان : لاااا مغاديش نخوي راسي ... بغيت نعرف ... من حقي نعرف ... " بحرقة " و حتى نتا من حقك تسولني واش نتا أول واحد فحياتي
ضار و رجع قرب عندها ... هاد لمرة شدها من دراعها بجوج ...
رئبال : آش كتخربقي !!!
جولان : ماكنخربقش ... و متقولش ليا ماشكتيش و لو للحظة أني بدون شرف
كيف كملاتها جاتها صفعة على خدها حتى تطاير شعرها على وجها ...
رئبال : آخر مرة نسمعك كتخرجي بحال هاد الهضرة من فمك ... آاااخر مرة
خرج و ردخ لباب حتى قفزات من بلاصتها ... طاحت فلرض حاطة يديها على وجها كتبكي بصوت عالي ... بقى واقف من ورا لباب كيسمع فوصت بكاءها و عنيه كيف جغمة ديال الدم ... دخل لبيتو و الي جات فطريقو هزها خشخشها ...
قربل الغرفة سفاها على علاها ... كيضرب بيديه و رجليه و محاس بوالو من غير كمية الغضب و بركان كيغلي فالداخل ديالو ... كلما دازت صورتها و هي كتبكي قدام عنيه كيرجع يخشي يدو فإلي قدامو ... توجه للحمام مخلي من وراه مسار من قطرات الدم ...
🍃🍃 يوم جديد ...
دقات بشوية فالباب ... شوية و هو يتحل ... شافت سمية فوجه جولان الشاحب و سولات بقلق ...
سمية : ختي جولان واش عيانة ؟
جولان : لا ... غادية ؟
سمية : آه ... واخة ماسخيتش بيك و ماكرهتش نچلس أكثر ... مي خاص نمشي
جولان : تهلاي فراسك و سلمي على جدك
سمية : " عنقاتها " حتى نتي تهلاي فراسك ... و ان شاء الله غنرجع يوم عقد قرانكم
جولان : " بادلاتها العناق " غنتوحشك
سمية : " بابتسامة " و عجلو الموعد باش نرجع دغيا
توادعو و هي تهبط سمية ... لقات زينب چالسة فطبلة الفطور ... ودعاتها حتى هي و خرجات معها للخارج ... بانو ليهم سيارات الدراري داخلين ... لمحات سمية سنمار هابط حسات بمعدتها تشدات عليها ... بعدات نظرها كضحك مع زينب ... حتى وقفو عليهم إلياس و سنمار ...
إلياس : صافي غادية
سمية : " هزات عنيها لقات سنمار كيشوف فاتجاهها " آاه
زينب : مرضية جدها هادي ... لمرة الجاية جيبيه معاك باش ماتبقايش مصدعانا بخاصني نرجع
سمية : إن شاء الله
زينب : نمشي نعيط على الشيفور شفتو تعطل
سنمار : أنا غنوصلها
زينب : " ابتاسمات " بلما تعذب راسك ... راه غيوصلها الشيفور
سنمار : " شاف فزينب الي كتفرنس " مكاين حتى عذاب
زينب : اوى لا هاكة ... من الأحسن تمشي معاك نتا
سبق سنمار طلع للوطو ... سلمات عليهم سمية و هي تبعو ... حلات لباب ركبات ... دارت الحزام و هو يتحرك خارجين من الڤيلا ...
زينب : " كدير باي لسمية " صافي طاح
إلياس : آش كتقولي اشنيولة
زينب : " ضارت عندو " صاحبك أخيرا حيد ليه الضباب من على عنيه
إلياس : " ضور يدو على خصرها " مافهمتش
زينب : بلاش عليك ... خاص نفهم غير أنا ... " هزات حاجبها " حيد يديك متكونش باسل
إلياس : باسل ... دابة نوريك البسالة على اصولها ... راه كتجبديني
زينب : اوه خلعتيني ... طلق طلق خليني نمشي
الياس : فين غادية ... آش بان ليك اليوم نخرجو
زينب : غنمشي نطل على جولان ... حالها ماعاجبنيش هاد الأيام
إلياس : " غوبش " مشغولة غا بجولان ... و الياس لهلا يقلب بيه
زينب : " بدات كتحزر " نوو ... نتا راك القلب ... غير قلت نچلس معها اليوم ماحدي ماخدماش
إلياس : واقعة شي حاجة بيناتهم ... حتى رئبال هاد الأيام كيتصرف فشي شكل
زينب : غنهضر معها و نحاول نعرف منها شنو كاين " تعلات باستو فخدو " لعشية غنرجع للدار
إلياس : منين تبغي تمشي عيطي عليا نجي نديك
زينب : أوكي بيب
دخلات زينب و طلعات لفوق ... دقات فباب غرفة جولان و دخلات ... لقاتها چالسة فوق الفوطوي و هازة البيسي فوق حجرها ... جلسات زينب جنبها ...
زينب : صباح النور الحب
جولان : صباح الخير
زينب : سمية مشات ... غيوصلها سنمار ههه ... كيف حاسة اليوم شوية ؟ " انتابهات لخدها الي حمر و منفوخ شوية " جولااان ... مالكي فحنكك ؟!
جولان : " طلقات شعرها من على وذنها " والو
زينب : كيفاش والو ... حنكك حمر ... شكون ضربك ؟
جولان : " هزات فيها عنيها " زينب بغيت نبقى بوحدي عفاك
زينب : " وقفات " أوكي على راحتك
✨ يتبع ✨
أنت تقرأ
السفاح العاشق 2
Misteri / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
