💎 السفاح العاشق 💎
🎭 الفصل الثالث : بارت 212 🎭
كان الضو طافي ... قرب بخطوات هادئة ... جولان كانت مزالة فايقة بسبب لوجع ... سمعاتو فاش دخل و هي تغمض عنيها ... على أمل أنه يشوفها ناعسة و يغادر ... ماقادرة حتى انها تظاهر بلي هي بخير ... و مابغاتوش يشوفها فهاد الحالة ...
حسات بيه جلس جنبها ... ناعسة على جنبها و وجها عاطياه للجهة لاخرى ... مرر يدو على شعرها برفق ... و لمس جبهتها مرة أخرى ... لقى حرارتها نزلات على قبل ... جولان قاطعة الحس و كتألم فصمت ... شوية حسات بيه كيحيد الغطا ...
رئبال تخشى حداها و دار عليهم الغطا ... مسند على يدو فوق الوسادة و حضنها من اللور باليد لاخرى مقربها عندو ... حسات بيه حط يدو على كرشها ... ماعرفات شنو بغا يدير ... حتى بدات كتحس بيه كيحركها فوق كرشها بشكل دائري ... بقا كيحركها بدون توقف حتى بدا الوجع كيخفاف ...
فالأول كانت متصلبة و كيف بدات كتحس بالراحة ترخات ... استحلات حركة يدو على كرشها و الدفئ الي استشعرات بيه و هي فحضنو ... عنيها بداو كيتسدو ... مدازش بزاف حتى غفات ... سمع صوت أنفاسها علاو عرف بلي نعسات ...
خلى يدو على خصرها و قرب وجهو لعند وجها ... طبع قبلة على خدها ... و نزل راسو خشاه فعنقها كيستنشق عبيرها ... ساد عنيه كيطبع قبل خفيفة مابين عنقها و كتفها العاري ... بعد و حط راسو على الوسادة ... ذقنو جا عند راسها ... و مرة مرة كيقبل راسها حتى مشات بيه عينيه ...
نعس براحة وصلات ديك الثلاثة و هو ينوض مساخيش ... غطاها مزيان قبل جبهتها و خرج ... مشا مباشرة للحمام دوش و لبس حوايجو ... هز الشانطة و هبط ... خرج و هو يلقى السائق كيتسناه ... خدا من عندو الشانطة و رئبال طلع اللور ... خرجات السيارة من الڤيلا قبل شروق الشمس ...
🍁 أصبحنا و أصبح الملك لله ...
فاقت كترمش فعويناتها ... كيف حلاتهم بدات كتذكر شنو وقع لبارح ... تگعدات چالسة مربعة رجليها ... و كتفكر فداكشي الي وقع واش نيت طرا و لا غير كانت كتحلم ... واش فعلا رجع عندها بالليل ... نعس جنبها و كان كيمسد ليها كرشها ... ابتاسمات فاش تأكدات انه ماشي حلم ...
لاحت الغطا و مشات للحمام ... دخلات طرفات حالتها و غسلات وجها ... هبطات لتحت لقات لاحبيبة كتفطر ... سلمات عليها و جلسات جنبها ...
لاحبيبة : كيف بقيتي ابنتي ... شوية ؟
جولان : " باستغراب " شكون قال ليكم بلي انا عيانة ؟
لاحبيبة : نوال قالت لينا كنتي كتردي ... و هاد الصباح قالت ليا لبارح رئبال صيفط للدوا ديال السخانة ... كنت غنفطر و نطلع عندك نطل عليك ... كيف حاسة دابة ؟
جولان : مزيان اجدة
لاحبيبة : و فطري مزيان باش نخرجو نتقداو شي حاجة اليوما
جولان : " بعد تردد سولات " واش رئبال سافر ؟
لاحبيبة : آه مشا الصباح بكري
فطرات جولان و طلعات لبيتها ... بدلات حوايجها يالاه كتقاد شعرها سمعات زينب كتعيط و هي طالعة مع الدروج ... دفعات لباب داخلة بعجاجتها ...
زينب : عروستنااا وجدات و لا مزااال
جولان : مالك محيحة على الصباح
زينب : ياختي فرحانة لصاحبتي غتزوج ... و غضربني بجلايلها باش نتبعها ... راه صافي مليت من العزوبية
جولان : " كضحك " على هاد الحساب نتي الي غتخطبيه
زينب : و مالها فيها شي عيب ... لا ماطرحش السؤال هو انا نطرحو ... نبقى نتسناه حتى يمشي الجهد
جولان : الجهد هههه
زينب : و شنو ... بغيت نتزوج ماحدي شابة هههه ... آه لبارح خليتك فيك لوجع ... ياكما سهرك بالليل ؟
جولان : " كتضور فعنيها " لا ... دغيا فاتني
زينب : اوا لباس ... يالاه سربي راسك
أنت تقرأ
السفاح العاشق 2
Misterio / Suspensoرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
