💎 السفاح العاشق 💎
🎭 الفصل الثالث : بارت 294 🎭
🍁 يوم جديد ...
كيف وصل وقت استراحة الغدا ... هزات جولان صاكها و خرجات ... كانت لابسة تريكو بيض خفيف و صاية فايتة الركبة مع كعب عالي ... شدات طاكسي و قالت ليه العنوان ... بعد دقائق وقف امام أحد المطاعم ... خلصاتو و هبطات ... دخلات لمطعم كتقلب حتى بانو ليها سمية و زينب ... اتاجهات لعندهم سلمات عليهم ... و تحنات كتبوس فعاصم الي ناعس فكرسيه ...
زينب : غادي تفيقيه الزمرة
سمية : غير خليها ... نعاسو ثقيل
زينب : و شوفي كيف عجنات ليه حناكو ... لمسيميمة
جولان : " چلسات جنبها " حتى نكون كنبوس فولدك عاد هضري
زينب : " قلزات ليها " هاه ... مجعورة ... خليتي ليه حناكو حمرين
جولان : " كتوشف فيه " شحال فنيون ... و دوك الحنيكات المطبزين غا ديال البوسان
زينب : باغة تبوسي دوزي عند خطيبك ... يعطيك حتى تشبعي
جولان : " ميقات فيها " شابعة و الحمد لله
زينب : هاي هاي على العورة مابقات تحشم ... ضسرتي ضسرتي
جولان : مشي " شافت فسمية " كيدايرة لباس عليك
سمية : هاحنا ... منين تولدي غادي تعرفي مناش كندوز ... ينعس بالنهار و الليل يشد السهرة ... هو يبكي من هنا و سنمار ينگر من هنا
زينب : كينگر حينت مشات ليه الحلوى
سمية : شرفت قبل الوقت ... لبنات نصيحة ... بلاش متزوجو
زينب : " هزات حاجبها " كيفاش غا نتي شبعتي عسل و جاية تنصحي ... أنا كن ما الظروف ينعلبوها ... كن شحال هذا تزوجت ... شتي إلياس الي زربان انا راه كثر منو
جولان : و خاصكم تزوجو ... شوفي شحال صابر ... من بعدما نطيحو لاكط انا و رئبال ... حددو الموعد ... و حيدي عليك داكشي الي معمرة بيه راسك ... ربي كيسهل كلشي
زينب : داكشي الي غادي ندير ... أجي بعدا ... واش متأكدة مابغاش ديري لعرس ؟
جولان : لا مابغيتوووش
زينب : أنا بعدا حالفة حتى نعرس ... غادي نعرض على بنات العائلة كاملين الي فرحانين تزوجو صغارات و يسحاب ليهم وصلو للسما ... " نعتات فسمية " نتي جيبي راجلك " نعتات فجولان " نتي جيبي خطيبك ... باش يشوفو الفرسان الثلاثة و يتفقصو مزياااان
سمية : " ضحكات " حالفها فيهم
تغداو لبنات مجموعين فجو الضحك و الجماعة ... من بعد رجعات كل من جولان و زينب لخدمتها و سمية مشات لدارها ...
كانت جولان چالسة فمكتبها و هازة كتاب بين يديها ... شافت شاشة الفون ديالها شعلات و طلع اسمو ... ابتاسمات تلقائياً ناضت خرجات للخارج ...
جولان : " دوزات الخط " آلوو
رئبال : امتى غادي تخرجي ؟
جولان : مع 6 هكاك ... هند قربات تدعيني حينت كنجي معطلة و نخرج بكري ... و اليوم فالغدا تعطلت نص ساعة
رئبال : تغديتي فالخارج ... معامن ؟
جولان : مع لبنات ... اتافقت معاهم باش نخرجو نتقداو غدا
رئبال : خاصاك شي حاجة ؟
جولان : " بحرج " آه ... شحال من حاجة خصاني
رئبال : و علاش ماقلتيهاش ليا ... نديك أنا تاخدي الي بغيتي
جولان : آا ... لبنات حتى هما بغاو يتقداو داكشي علاش
رئبال : مزال ما قلتي ليا شنو باغية فالصداق ديالك ؟
جولان : مابغيت والو " سكتات للحظات " رئبال
رئبال : امم
جولان : عندي طلب واحد ... كنت بغيت نقولو ليك فاش جيت لعندك للمكتب
رئبال : شنو هو هاد الطلب ؟
جولان : ممكن تقابل جدودك و تعرفهم عليك ... بغيتهم يكونو حاضرين نهار العقد ... هما عائلتك و حان الوقت يعرفو كلشي
بقات جولان ساكتة و هي كتسمع صوت أنفاسو كيعلى ... زاردت توثرات فاش ماقال والو و فجأة تقطع الخط ... قابلات الفون مع وجها و سدات عنيها ... ندمات الي جبدات معاه هاد الموضوع الحساس فالتيليفون ...
أكيد زعف من كلامها ... لكن من نهار تحدد العقد و هي كتفكر فهادشي ... بغاتهم يكونو معها و يشاركوها فرحتها ... لكن الأهم هو يتعرفو على حفيدهم الي تحرمو منو سنوات هادي ... هي خطوة صعيبة للطرفين لكن ضروري منها ...
في ڤيلا ضخمة وسط مساحة شاسعة خضراء ... ضايرين بيها ملاعب الگولف و بحيرات صغار ... ملكية خاصة تمتد لأميااال و ماكيوصل ليها حد ... بين البوابة الأولى و الرئيسية مساحة كبيرة كينتاقلو الحراس مابين البوابتين بعربات الگولف الصغيرة ... و كل بوابة واقف عندها حارسين ضخمي البنية ...
أمام البوابة ديال الڨيلا نافورة دائرية ضخمة ... مصممة بشكل يبهر الأعين ... و كيف الشكل الخارجي كيعطي فكرة على ثراء صاحب الملكية ... الداخل كان أكثر من ذلك ... أثاث فاخر و كلاسيكي ... لوحات حائطية باهضة الثمن ... و أشياء أخرى لا تعد و لا تحصى ...
يمكن يشوفو المرء سواء تباهي أو تبذير ... لكن هذا هو محيط رجل الأعمال سلطان العبدي ... صيتو بين رجال الأعمال واصل ... لكن القليل الي كيعرف عليه أنه شخصية ذات نفوذ أقوى فالعالم السفلي ... أي عالم الجريمة و الفساد و المخدرات ... الشيء الي خلاه شخص مخيف حتى واحد ماباغي عداوتو ...
وسط هدوء الڤيلا تسمع صوت صراخ عالي فالطابق الثاني ... و بعد لحظات طلع شخص لابس بدلة سوداء كيجري مع الدروج ... وصل للغرفة الرئيسية و دق عاد حل لباب ... بان ليه سلطان لابس بوكسور أسود و يديه عامرين دم ... شاف الگارد فجهة السرير الكبير بان ليه جسد بنت عارية كليا و مطعونة فكرشها ...
الخنجر الخاص بسلطان باقي مرشوگ فيها ... لمح سلطان كيقرب ليه و هو يبدا يعراق ... وقف سلطان مقابل معاه و مسح يدو الي عامرة دم فالقاميجة ديال الگارد و قال بنبرة مخيفة ...
سلطان : باقي تجيب ليا شي وحدة مثقوبة ... نثقب مك نتا اللول
✨ توقعاتكم ✨
أنت تقرأ
السفاح العاشق 2
Misteri / Thrillerرواية •• السفّاح العاشق •• 🌸 تأليف : موري 💄👑 " بغض النظر عن السبب ، الانتقام يؤدي إلى دورة مستمرة لا تنتهي أبدًا.. يسمم حياة كل من حولك ، و بالقرب منك.. السعي إلى الانتقام يصبح كل ما تريده، ولكن يأتي بثمن باهظ جداً.. " الرواية...
