ကြင်နာတတ်တဲ့ သားရဲကောင်လေး [Myanmar Translation- Completed✓]

အပိုင်း(၂၂)

 

အပိုင်း(၂၂)

ကျီရှောင်အုံး နောက်ဆုံး‌တော့ အဖြေတစ်ခုကို တွေးတောလိုက်မိတယ်။

ရမ် သူမ ဘက်ကနေ နောက်ကိုလှည့်သွားတဲ့အချိန် သူမဗိုက်က နာကျင်မှုကို အောင့်ထားလိုက်ပြီး သူ့အမြီးအား လက်တစ်ဖက်ဖြင့် ဆွဲယူလိုက်ကာ သူမမျက်လုံးများကိုမှိတ်လိုက်ကာ သူမနေရာလွတ်ရှိ ထောင့်တစ်‌ထောင့်ကို ရှာဖွေလိုက်ပြီး အဲဒီနေရာမှာ သူ့ကို ထားထားလိုက်တော့တယ်။

ဒီလုပ်ဆောင်ချက် တစ်ခုလုံးက ချောချောမွေ့မွေ့ ပြီး‌မြောက်သွားခဲ့လိုက်ပါတယ်။

သူမ လစဉ်သုံးဂွမ်းကပ်အား စိတ်သက်သာရာရစွာ လဲရလိုက်ပေမဲ့လည်း သူမဝမ်းဗိုက်က နာကျင်မှုက မခံမရပ်နိုင်အောင် နာကျင်နေဆဲပင်။

မမြင်နိုင်သောလက်တစ်ဖက်က သူမ၏ တင်ပါးဆုံရိုးကို ဆုတ်ဖြဲကာ သူမတစ်ကိုယ်လုံးကို ဖိနင်းထားသလို ခံစားနေရပါတယ်။

ကျီရှောင်အုံး ရေနွေးအိုး တည် လိုက်ချင်ခဲ့တယ်။ ရေနွေးနွေးလေး သောက်လိုက်ရရင်တော့ သူမဗိုက်က ပူနွေးသွားပြီးတော့ အခုထက် ပိုပြီးသက်‌တောင့်သက်သာ‌ ဖြစ်နေမှာပဲမလား။

သူမရဲ့ကျားသစ်‌လေး ရောက်လာနိုင်တဲ့ပြဿနာကိုရှောင်ရှားဖို့ ကျီရှောင်အုံး သူ့ကို သူမနေရာလွတ်ထဲမှ မလွှတ်‌ပေးလိုက်ခဲ့ပေ။

အပြင်ဘက်တွင်‌တော့ နှင်းတွေကျနေသေးပြီး သူမခန္ဓာကိုယ်က နေလို့ထိုင်လို့မ‌ကောင်းပေ။ နှင်းတွေကို အရည်ကျိုဖို့ အပြင်ထွက်သွားယူမယ့်အစား ကျီရှောင်အုံးက သူမနေရာလွတ်ထဲက ဓာတ်ဆားရေဘူးကြီးတစ်ဘူးကို ယူလိုက်ပြီး အလူမီနီယံအိုးထဲကို တစ်ဝက်လောင်းထည့်လိုက်တယ်။ ရေပွက်ပွက်ဆူလာစေဖို့ မီးဖိုပေါ်တွင် သူမ တည်လိုက်ခဲ့ပါတယ်။

မီးဖိုကို အချိန်အကြာကြီးအသုံးပြုနိုင်ပေမဲ့ ဂတ်စ်ဘူးကတော့ အကန့်အသတ်ရှိပြီး ဂတ်စ်ကုန်သွားတာနဲ့ သူမ မီးသုံးလို့ရတော့မည်မဟုတ်ပေ။

ကျီရှောင်အုံး ဂတ်စ်ဘူးက ဘယ်လောက်ကြာကြာအသုံးပြုနိုင်မလဲ မသိပေမဲ့ သူမရဲ့နေရာလွတ်ထဲမှာ တော့ ဂက်စ်ဘူး ၁၀ ဘူး‌လောက်တော့ ရှိ‌နေသေးသည်။