اللهم أرحم أبي وأغفر له وأسكنه فسيح جناته.
اللهم أجعل قبره روضه من رياض الجنه.
الفصل الخامس عشر
بعد مرور عدة أيام.
بدأت إمتحانات نهاية العام الخاصة بحلا وهنا وباسل أمام هند فهي قد قامت بتأجيل العام نظراً لظروفها الصحية…
……
في أحد الأيام.
تستيقظ بتول وتقوم بإعداد الإفطار ويجلس الأشقاء يتناولوا الإفطار بصمت تام إلي أن رن هاتف هنا لتنهض بإحراج:الف هنا عليكم هنزل عشان جاسر مستنيني تحت.
لتردف بتول بعتاب: طيب يلا عشان متاخرهوش عن شغله.
هنا بإيجاب: حاضر سلام عليكم.
الجميع: وعليكم السلام.
لينهض باسل هو الآخر معتذرا:يلا همشي أنا كمان عشان أعدي علي هند قبل ما أروح الإمتحان.
بتول بإبتسامة:ماشي يا حبيبي في رعاية الله.
ليغادر هو الآخر وتظل بتول وحلا يتناولوا إفطارهم بصمت إلي أن نهضت حلا بإستئذان:همشي أنا كمان.
بتول بإبتسامة: ماشي يا حبيبتي لتكمل بتذكر صحيح بيجاد قالي تقدري ترجعي المستشفي من بعد الامتحانات عادي.
حلا بضيق مستتر:كتر خيره سلام.
لتخرج بتول شهيق بضيق وتحرك رأسها بيأس من أفعال شقيقتها التي لا تنتهي لتفيق من شرودها علي رنين هاتفها لتجد إسم بيجاد يزين الشاشة لترد بخفوت:ألو وعليكم السلام لا صاحية من بدري لتكمل برجاء ينفع أنزل الشغل أنا زهقت لتزفر بضيق طيب إمتي بعد الضهر أنا وأنت وهنروح فين سر يعني ماشي سلام….
……..
أما علي الجانب الآخر.
يغلق الهاتف وعلي شفتيه إبتسامة تسلية لتنظر والدته لوالده بغمزة وتردف بمكر:مالك يا دوك سرحان في أيه؟
ليلتفت لوالدته بإبتسامة:مالك يا جيجي مركزة معايا ليه ؟
جيهان ببراءة مصطنعة: الله مش أنت أبني حبيبي أركز مع مين غيرك بس ؟ لتكمل بجدية مصطنعة وبعدين أنت مروحتش شغلك ليه ؟
ليردد بيجاد بمشاكسة: الله واخد أجازة يا ستي أقعد مع أمي حبيبتي فيها حاجه دي ؟
لتنظر له ساخرة:ياراجل قول كلام غير ده قاعد معايا ولا عشان تيجي معايا أنا ومراتك ؟
ليردد بوداعة:يعني أسيبكم لوحدكم تتبهدلوا في المواصلات يا ست الكل ؟ أعمل إيه بس دايما فهماني غلط.
لتبتسم جيهان ساخرة…قصدك فهماك صح يا قلب أمك.
ليتحدث مصطفى بضحك:بس بقي أنتوا الأتنين بطلي مناكفة في إبنك يا حبيبتي.
أنت تقرأ
رواية تضحية ألم
Mystery / Thrillerأتدري ما الألم ؟أن تجد تضحيتك ذهبت في الهباء ،عندما تضحي من اجل شخص فأنت تبذل قصارى جهدك من أجل سعادته هو فقط دون مقابل ،لتتفاجئ بمن ضحيت لأجله هو من يطعنك بظهرك فماذا سيكون ردك وقتها ؟
