اللهم ارحم ابي و اسكنه فسيح جناته.
اللهم أجعل قبره روضه من رياض الجنه.
الفصل التاسع عشر
لم تدوم صدمته كثيرا وسرعان ما تبدلت بسعادة وهو يضم شقيقه باشتياق.
ليصيح الآخر بإمتعاض:يا ابني ندخل طيب .
ليبتعد عنه ويتحدث بمرح:من فرحتي بيك يا دوك ادخل ادخل.
ليدخل بيجاد والذي كان يختلف عن جاسر في الشكل بشعره البني الغزير ووجهه الأبيض وعيونه الخضراء فهو صورة طبق الأصل من والدته بينما حاسر هو الأكثر شبها لوالده وخلفه جاسر وهو يحمل حقيبته ليجلسوا سويا ويردد بيجاد بفضول:ممكن اعرف ايه الي يخلي الباشا ينزلني علي ملئ وشي؟
جاسر بأسف:هحكيلك ليبدأ في سرد كل شئ منذ معرفته لهنا حتي ما حدث أمس.
ليردد بيجاد بتفهم:هي عندها حق.
ليضم جاسر حاجبيه باستنكار:نعم يا أخويا ؟ عندها حق في أيه ؟ انت هتجنني ؟
بيجاد بحزم: أسمع الكلام الاول هي وجهة نظرها صح انت هتواجه مشاكل كتير بارتباطك بيها.
جاسر بنفاذ صبر:كل ده ميهمنيش أنا بحبها.
بيجاد بهدوء:حلو اثبت ليها ده.
جاسر بتهكم:علي الأساس الي كنت بعمله الفترة الي فاتت إيه مش اثبات ؟ وكلامي معاها.
بيجاد بتصحيح:كلام مش فعل .
جاسر بعدم فهم:يعني ايه ؟
بيجاد بتوضيح:يعني تاخد خطوة إيجابية في علاقتهم اولا تعرف اختها ثانياً تروح لبابا وماما وتعرفهم الحكاية كاملة وتستعد للمواجهة يا بطل.
جاسر بإصرار:ادها اطمئن وربنا معايا.
بيجاد بتشجيع :أيوة كده خليك اسد وأنا معاك وفي ضهرك.
جاسر بإمتنان:ربنا يخليك ليا.
بيجاد بحزم:من بكره تبدأ في الجد.
جاسر بحيرة:طيب اقول لأختها إيه ؟ وليه مش لما أقنعها الأول ؟
ليزفر بيجاد بضيق: افهم يا غبي أنت هي من حقها تخاف وتقول انك زيك زي شادي مخلي حبك ليها في الضلمة.
جاسر بعدم تصديق:تفتكر ؟
بيجاد بتأكيد:افتكر جداً.
جاسر بإصرار:خلاص بكره هكلم اختها وبعدها اروح ليها اعرفها بده.
بيجاد بإبتسامة:كده يبقي انت ماشي صح أنا بكره هسافر البلد.
جاسر بتساؤل:مش هتروح المستشفى ؟
بيجاد برفض:لا هشوف بابا وماما الاول وبعدين ابقي اعمل كبسة علي المستشفي اوعي خالك يعرف.
جاسر بضحك:ماشي يا سيدي.
……..
في شقة بتول.
أنت تقرأ
رواية تضحية ألم
Gizem / Gerilimأتدري ما الألم ؟أن تجد تضحيتك ذهبت في الهباء ،عندما تضحي من اجل شخص فأنت تبذل قصارى جهدك من أجل سعادته هو فقط دون مقابل ،لتتفاجئ بمن ضحيت لأجله هو من يطعنك بظهرك فماذا سيكون ردك وقتها ؟
