Reincarnated As A Kontrabida

Chapter 43

Intruders

VALENA

Sumunod na naglaban ay sina Pretty at Gwapo.

Nag catwalk pa si Pretty habang papaakyat ng arena. Daig pa niya ang isang modelo na handa na sumabak sa isang digmaan.

Samantalang kalmado naman si Gwapo na sumisipol sipol pa habang paakyat ng arena at ang dalawang kamay ay nakasuksok sa bulsa ng kanyang suot na pantalon.

"Kahit alam kong mahina ako pagdating sa transformation magic ay hindi pa rin kita pagbibigyan, Gwapo tandaan mo yan!" pagbabanta niya sa kaharap.

Napangise naman si Gwapo. "Aray naman. Ibig bang sabihin niyan ay kaya mo na akong saktan, ha Pretty?" pagda drama nito at humawak pa sa kanyang dibdib na kunyari ay kumikirot ito habang nangungusap ang mga mata.

Tila bahagya namang natamaan si Pretty sa sinabi nang binata. Kung hindi lang niya naisip na paligsahan lang ang nagaganap ay malamang bumigay na siya at nagpatalo na lamang.

"Huwag mo nga akong daanin sa mga paganyan mo, Gwapo. Maglaban tayo sa abot ng ating makakaya!" panghahamon niya sabay pakita ng kanyang fighting pose.

Napangiti naman si Gwapo. "Kung yan ang gusto mo aking binibini ay siyang masusunod." mahinahon niyang sagot na kinapula naman ng mukha ni Pretty.

Kulang na lang ay magtitili at mangisay ang dalaga sa kanyang narinig ngunit nagawa niya namang kontrolin ang emosyon at mag focus sa nangyayari.

Sabay silang humawak sa orb. Ang nakuhang gagayahing nilalang ni Pretty ay isang mythical na fox samantalang isang legendary na saber tooth naman ang kay Gwapo.

Nag umpisa na silang lumikha ng magic shapes. Lumikha si Pretty ng magic triangle na may kasamang magic circle. Habang si Gwapo naman ay lumikha ng magic circle.

Kaming lahat na nanunuod ay hindi magawang kumurap at tutok na tutok ang aming mga mata sa nangyayari.

Inaabangan namin ang kalalabasan ng kanilang pagbabagong anyo. Gusto ko ring masaksihan kung gaano kaganda ang kanilang transformation.

Nang matapos na silang mag transform halos mahulog ako sa aking kina uupuan sa naging resulta ng pagbabagong anyo ng dalawa.

Imbes na isang mythical fox ay naging isang squirrel na may buntot ng pagi ang kinalabasan ng transformation ni Pretty. Samantalang hindi naman naging sabertooth si Gwapo kundi naging isang buong bagang. Nagmistulang isang malaking pustiso ang binata.

Gayun pa man ay naglaban pa rin ang dalawa. Hinabol ng animo'y malaking pustiso ang kawawang squirrel. Hindi nagkanda ugaga sa pagkaripas ng takbo si Pretty huwag lang siyang makagat ng lumulutang na malaking bagang.

Naglabas ng acorn si Pretty at pinag babato niya ang higanteng ngipin. Ginawa niyang parang toothbrush ang acorn at sinipilyohan ang lumulutang na bagang.

Nagawang matalo ni Pretty si Gwapo sa pamamagitan ng pagsipilyo nito gamit ang kanyang acorn na sing tigas ng bakal.

Sa pangalawang round ay nag transform naman si Beauty sa isang paru-paru habang isang gagamba naman si Gwapo.

Mabilis natapos ang laban nang puluputan ng matitibay na sapot ang kawawang dalaga.

Sa ikatlong round ay naging isang orc naman si Pretty samantalang naging higante naman si Gwapo.