💛 Sweet Like Honey 💛
အပိုင်း 31
''ချစ်ရသူနဲ့ နှစ်ကိုယ်တူ ကြည်နူးပျော်ရွှင်နေတဲ့ ချိုရီဆည်းဆာ "
ထိုသို့သော ခေါင်းစဥ်မျိုးနဲ့ တင်ထားတဲ့ မောင်နဲ့သူမရဲ့ ဓာတ်ပုံတွေကို ချိုရီ တစ်ပုံချင်းစီ သေချာကြည့်နေမိသည်။
မောင် နဲ့ သူမ ဟိုနေ့က ကားပါကင်မှာရှိနေကြတာကို တစ်ယောက်ယောက်က ဓာတ်ပုံတွေရိုက်ယူပြီး facebook မှာ အကောင့်တု တစ်ခုနဲ့ တင်ပစ်လိုက်တာကြောင့် ထိုပုံတွေက ခဏလေးအတွင်းမှာပဲ တော်တော်လေးကို ပျံ့နှံ့သွားခဲ့သည်။
အဝေးကနေ ရိုက်ထားတာဆိုပေမယ့် ပုံတွေရဲ့ quality က အတော်လေး ကောင်းသည်ဟု ပြောရမည်။
သူမနဲ့ ဒိတ်တင်းထွက်တုန်းကပုံမှာ နောက်ကျောပဲ မြင်ခဲ့ရတဲ့ မောင့်ကို အခုပုံတွေထဲမှာတော့ သေသေချာချာ ကြည်ကြည်လင်လင်ကို မြင်နိုင်လေသည်။
မောင်နဲ့ ပတ်သက်ပြီး ဘာတွေပြောထားကြမလဲဆိုပြီး ချိုရီ comments တွေကို စိတ်လှုပ်ရှားစွာဖတ်ကြည့်မိတော့ သူမရဲ့ ချစ်လှစွာသော ပရိတ်သက်တွေက ထိပ်ဆုံးကနေပြီး မောင့်ကို ရှယ်ကြူးနေကြသည်။
"ငါတို့ အမေချို ရွေးရင် တော်ရုံတန်ရုံထဲက ဖြစ်မှာ မဟုတ်ဘူးဆိုတာ သိပြီးသား😭😭 ကြည့်ပါဦး ကောင်လေးက ဆင်လိုက်တာ 😭😭"
( Taylor Swift fan တွေဆို Taylor Swift ကို အမေတင်လို့ ခေါ်ကြတယ်လေ.... မိုမိုက အဲ့တာလေးကို သဘောကျလို့ ချိုရီ Fan တွေကိုပါ အမေချို လို့ ခေါ်ခိုင်းလိုက်တာပါ >< )
" တကယ့်အဆင်လေးပါဟယ်..... ငါတို့ အမေထက်တောင် ငယ်မယ့်ပုံလေး..... ဒီလောက်ဆင်ပြီး သန့်ပြန့်ရည်မွန်နေတာလေးကို ငါတို့အမေ ဘယ်နားကများ ရှာဖွေထားလဲ မသိဘူး .... "
" ပုံဆိုးပန်းဆိုးကြီး ဖြစ်ပါစေဆိုပြီး ဆုတောင်းခဲ့ကြတဲ့သူတွေရဲ့ မျက်နှာကို ငါတို့အစ်မချိုရီက တစ်ချက်ထဲ ဖြတ်ရို၊က်ပ၊စ်လိုက်တာပဲ......ဒင်းတို့တွေ ဒီပုံတွေမြင်ပြီး တော်တော်လေးတော့ အီစိမ့်သွားကြမှာ...."
"ငါလေ အစက ချိုရီဆည်းဆာကိုပဲ ကြိုက်တာ..... အခုတော့ ချိုရီဆည်းဆာရဲ့ ရည်းစားကိုပါ ကြိုက်မိနေပြီ ဘယ်လိုလုပ်ရမလဲ 😭😭 "
