💛 Sweet Like Honey 💛
အပိုင်း 39
အဖြစ်မှန်တွေ အားလုံး ပေါ်လာပြီးတဲ့နောက်မှာ မင်းသားဇိုင်ယမ်က အိမ်ထောင်ရေးဖောက်ပြန်မှု ၊ အိမ်တွင်းရေးအကြ၊မ်းဖက်မှု စသည့် ပြစ်ချက်တွေဖြင့် တရားစွဲဆိုခြင်းခံခဲ့ရသည်။
ထို့အပြင် မင်းသားဇိုင်ယမ်နဲ့ ပတ်သက်ခဲ့သည့် မေမုန်းညိုအဖေရဲ့ လုပ်ငန်းတွေပါ မီးခိုးကြွက်လျှောက်ဆိုသလို တောက်လျှောက်အစစ်ဆေးခံနေရပြီး လူထုကတော့ ယုတ်မာတဲ့ သူတွေ အခုလို ခံရတာတောင် နည်းသေးတယ်ဟု မှတ်ချက်၀ိုင်းပြုကြသည်။
သုတ ဖုန်းထဲမှ သတင်းတစ်ချို့ကို ဖတ်ပြီးနောက် ဖုန်းကို ပြန်ပိတ်လိုက်သည်။
အဖြူအမည်းသဲသဲကွဲကွဲဖြစ်သွားချိန်မှာ ချိုရီ့အပေါ်မှာထားတဲ့ အားလုံးရဲ့ အမြင်ဟာလဲ ရုတ်ချည်းဆိုသလို ပြောင်းလဲသွားခဲ့ရသည်။
Social Media ပေါ်ကနေ လူတစ်ယောက်ရဲ့ ဘ၀ကို ေသစေနိုင်လောက်တဲ့အထိ စကားလုံးတွေနဲ့ အပြင်းအထန်တိုက်ခိုက်ပြောဆိုခဲ့ကြတဲ့ သူတွေကိုလဲ အခုချိန်မှာတော့ အမြှီးဖျားလေးပင် မမြင်ရတော့ချေ။
ဒီအတောအတွင်းမှာရခဲ့တဲ့ သူ့ကောင်မလေးရဲ့ စိတ်ဒဏ်ရာတွေကိုတော့ တော်တော်လေးပြန်ပြီး ကုစားပေးရဦးမည်။
ဖြစ်နိုင်ရင် ချိုရီကို ဘယ်သူမှ လာပြီး ထိပါးခွင့်မရှိအောင် သူ့နှလုံးသားရဲ့ အနက်ရှိုင်းဆုံးနေရာမှာပဲ သုတ ၀ှက်ထားချင်မိသည်။
မဆုန်ပြောတဲ့ ခရီးထွက်ဖို့ အကြံကိုလဲ သုတ သဘောကျသည်။
ထို့ကြောင့် ညကျရင် အေးအေးဆေးဆေးရှိပြီး စိတ်ကို ကောင်းကောင်းအပန်းဖြေလို့ရနိုင်မယ့် နေရာမျိုးကို တစ်ချက်ရှာကြည့်ရမည်ဟု တွေးလိုက်မိသည်။
ပြီးလျှင် ထိုနေရာလေးဆီ ချိုရီနဲ့ နှစ်ယောက်အတူ အေးအေးဆေးဆေး ခရီးထွက်ရမည်။
သုတ စိတ်ကူးနဲ့ ကြိုတွေးမြင်ယောင်ကြည့်ကာ နှုတ်ခမ်းထောင့်စွန်းတို့ အပေါ်သို့ ကွေးတက်သွားရသည်။
ထိုအချိန်မှာပဲ ကားမှန်တံခါးခေါက်သံကို ကြားလိုက်ရတာကြောင့် လှည့်ကြည့်လိုက်မိလျှင် အပြင်ဘက်မှာ ချိုရီက သူ့အား ပြုံးပြနေလေသည်။
