💛 Sweet Like Honey 💛
အပိုင်း 13
Delight ဆိုတဲ့ သူ့ရဲ့ ဆိုင်လေးက တစ်စထက်တစ်စ ပိုပိုပြီး လူသိများလာတာကြောင့် customers တွေကို ပစ္စည်းတွေအကြောင်းရှင်းပြရ၊ Patients တွေကို ရနံ့ကုထုံးနဲ့ပတ်သက်ပြီး service ပေးရဖြင့် သုတမှာ လုံး၀ မအားရပေ။
အချိန်တိုတိုနဲ့ သူ့ရဲ့လုပ်ငန်းတစ်ခုလုံး အခုလိုအောင်မြင်လာရခြင်းမှာ ချိုရီကြောင့်သာဖြစ်သည်။ ချိုရီက ကြော်ငြာပေးရုံသာမက Blue Mark ရထားတဲ့ သူမရဲ့ page နဲ့ account မှာပါ Review တွေရေးပေးခဲ့တာကြောင့် Delight လေးက အခုလို လူသိများလာရခြင်း ဖြစ်သည်။
Dating News ကို စစ confirm လိုက်တုန်းကတော့ ချိုရီ့ ပရိတ်သက်တွေကြားမှာ တော်တော်လေးကို ပွက်လောရိုက်သွားခဲ့သည်။ Anti-Fan တွေကတော့ Dating News ကြောင့် ချိုရီ နာမည်ကျသွားတော့မယ်ဆိုပြီး ကျိတ်ပျော်ခဲ့ကြသည်။
ဒါပေမဲ့ ဆယ်စုနှစ်ကျော်ကြာတဲ့အထိ အောင်မြင်မှုဆိုတာကို အေးအေးဆေးဆေးလေး ထိန်းလာနိုင်ခဲ့တဲ့ သူ့ကောင်မလေးကတော့ ဒီကိစ္စကြီးတစ်ခုလုံးကို ပါးပါးနပ်နပ်လေးပဲ ကိုင်တွယ်သွားခဲ့သည်။
Dating News ကို confirm ပြီး ရက်အနည်းငယ်အကြာမှာပဲ ချိုရီက IG မှာ သူမရဲ့ ပရိတ်သက်တွေကို ဖျောင်းဖျနားချပြီး တောင်းပန်ထားတဲ့ Post လေးတစ်ခုကို တင်ခဲ့သည်။ Post ထဲမှာ ချိုရီက သူမဘ၀ရဲ့ လက်တွဲဖော်လို့ ယုံကြည်ခံစားမိတဲ့အတွက် သူ့ကို ရွေးချယ်ခဲ့တာဆိုတဲ့ အကြောင်းကို ထည့်ရေးထားသည်။ သူမကို အမြဲအားပေးပြီးချစ်ပေးခဲ့ကြတဲ့ ပရိတ်သက်တွေကိုလဲ ရင်ထဲမှာ နက်နက်ရှိုင်းရှိုင်းနဲ့ ဆက်ချစ်သွားမှာဆိုတဲ့အကြောင်းနဲ့ dating news ကြောင့် သူမရဲ့ အလုပ်တွေကို ထိခိုက်ခြင်းမရှိစေရပါဘူးဟုပင် ကတိပေးခဲ့သည်။
ထိုအခါ ချိုရီရဲ့ Fans တွေကလဲ ချိုရီ့အပေါ်မှာ နားလည်ပြီး ဖြည့်တွေးပေးကြသည်။ Dating news ကြောင့် ချက်ချင်းကြီး ဖြည့်မတွေးပေးနိုင်သေးဘဲ ချိုရီကို စိတ်ဆိုးနေခဲ့တဲ့ Fans တွေပင် အခုအချိန်မှာ စိတ်ဆိုးပြေပြီး အရင်လို ပြန်ချစ်ပေးနေကြပြီဖြစ်၏။
ချိုရီလဲ Public schedules တွေ ပြန်လုပ်ပြီး နာမည်ကျသွားတော့မယ်လို့ ပြောခဲ့ကြတဲ့ Anti-fan တွေကို ဖန်သားပြင်ထက်ကနေ ကောင်းကောင်းကြီး ပြုံးပြနိုင်ခဲ့သည်။
